مرثيه بجدي عبدالله السفاعي بو بندر
البارحه يا جدتي قمت خرعان
على خبر وفاة جدي سفاعي
قمت اتخبط واتمسك ب الاعيان
والعقل من هول الخبر ب انفجاعي
يا الله يا منشي هماليل الامزان
ترحم ابو بندر كريم المساعي
وتجعل بقبره نور من كثر الايمان
وتجعل مداهيله بيوت وساعي
اللي اتم الحق وافى ب الاركان
اوفى بها وهو رجل شجاعي
وب ليلة تروى لطيفه من الجان
قامت تقول ربعك تعدوى سراعي
ويقوم يمشي لين سمع صوت سرحان
يقنب قنيب وانخرع كل واعي
ويشعل بالكبريت ب الثوب فجعان
من خوف لايصبح عشى ل الضباعي
ثمن زبن عوسج من الشوك مليان
وتحول يد الذيب شوك المراعي
يا الله ياعالم بخفا كل ماكان
ياحال ذا العسرات بعد انقطاعي
تعيذ بناته من هوى كل شيطان
وتوفق عياله في دروب الرفاعي
واختمها صلو على خير انسان
الهاشمي واله وصحبه وداعي
اتمنى ان تحوز على رضاء الله ثم رضائكم والله تقبل ابو بندر بقبولك الحسن واغفرله وارحمه
اخووكم عبدالعزيز عبدالرحمن عبدالله السفاعي
