يابوشعيب الغبن ياخوك زادي **** وأنا أقصد الثنتين بمعنى بمعنى
أنا إغتربت ومسكني في بلادي **** أنا وفكري وأجزل الشعر معنى
أجامل الجاهل بحلو المبادي **** وأدفن خطا الصاحب بيسرى بيمنى
أبي ليامن صار قبري وسادي **** وصلوا صلاة الميت والعبد يفنى
يدعون لي غافر ذنوب العبادي **** بالخير بالأخرى وعفو(ن) وحسنى
يالله وفقنا لدرب السدادي **** يالمعطي الرحمن بالجود أغثنا
إليا رضيت ولامت الخلق عادي **** ولازلت الأقدام عدنا وتبنا
ألوم نفسي لاهجيت المعادي **** ولامن نخانا تفعل الخير يدنا
"ولاهمني لو قالوا الناس غادي" **** مادام لي ساس(ن) على كل ركنا
مشتت التفكير في كل وادي **** دار الزمن بنفوسنا ثم درنا
حنا العرب حنا لسان الزنادي **** نثور لكن شرنا مع بعضنا
تعين أوباما وثار النجادي **** والقدس تنصانا وتنخى بلدنا
صدام في شهرين يحكم يبادي **** وينسف عدو الكفر لوهو بمبنى
ماهي قرارات العرب يامنادي **** ماتنحصي لكن مع الوقت تفنى
سبعين عام القدس شعبه يبادي **** وش سوت الحكام وشو فعلنا
"ولاهمني لوقالوا الناس غادي" **** مادام لي ساس(ن) على كل ركنا
