عرض للطباعة
السلام عليكم و رحمة الله و بركاته
بانتهاء الفقرة الأولى من مسابقة المضيف النبطي
أضع بين أيديكم جميع المشاركات هنا
مع الأخذ بعين الاعتبار أن المشاركات المخالفة للشروط سأضعها في رد منفصل و للجنة التحكيم اتخاذ القرار الفاصل بشأنها من حيث استبعادها أو تركها أو أي قرار آخر يتخذونه
و أرجو من كل من لم يجد قصيدته منشورة مراسلتي عبر بريد المسابقة
والشكر الوافر لكل من شارك
و بالتوفيق للجميع
،
الدهور
( المشاركة الأولى )
تبي تهاجر اذا-ن- أرجوك طالعنـــــــــــي
أبي عيونك تحاكيني وأحاكيهـــــــــــــــــا
قطع خفوقي قبل تنوي تقاطعنـــــــــــــــي
هدم عروش العواذل ليه تبنيهــــــــــــــــا
تشيم عني وانا هالبعد شمعــــــــــــــــني
جرعتني من سموم الحب صافيهــــــــــا
تركتني في ظلام الهجر شعشعنــــــــــــي
هاذي طعونك وانا طالبك داويهـــــــــــــا
تعال خذني بقايا انسان وازرعنــــــــــــي
دموع عيني تسقيني وانا ابكيــــــــــــــها
الشوق مع غفلة الأحباب ولعنــــــــــــــي
ليتك يا قلبي بعد هالحزن ناسيـــــــــــــها
حبك مع ضيعة الأحلام ضيعنــــــــــــــــي
وعيون شعري تدمع هجر غاليهــــــــــــا
/
\
( المشاركة الثانية )
رغم الجروح ورغم طعنات الايام = ورغم السنين اللي خذت ذكرياتي
ورغم العنا والخوف ومصارع أوهام = بنهض وأقاوم ثم بجمع شتاتي
وبحيي أمل في داخل القلب منضام = وباعلمه إن بمماته مماتي
وبشهر سيوف الحق في وجه ظلاّم = كل همهم ... تدمير حلمي وذاتي
وابي ابتسم واضحك لأن بعض الأقزام = يبغي دموعي ويتحرى وفاتي
لإن ابتسامي بوجههم نصر واقدام = وإلا انكساري هو نهاية حياتي
وبعيش واقع ماني بعايش أحلام = واجعل من أخلاقي بقلبي غناتي
لأن الغنى ماهو غنى مال وأنعام = ومفاخر بزين الحذا والعباتي
إن الغنى أن أبني قصور وأهرام = في داخلي من طيبات الصفاتي
ومادام أنا حي ومعي حزمة أقلام = بنهض وأقاوم ثم بجمع شتاتي
\
/
( المشاركة الثالثة )
أشد المعاقب بالهوى الصد والتطنيش
وأنا أدريك لو تزعل على الصد ماتقوى
ولاني بحاجة اسألك ماقويته ليش
لاني على صدك كذا أو بعد أسوا
بدونك كما عصفورٍ أمسى بليا ريش
بدونك يتيمٍ فوق يتمه بلا مأوى
بدونك كما المطلوب مقبل على التفتيش
وقوفه أو هروبه تحير وش الأشوى
بدونك عميل وانكشف في صفوف الجيش
على صيغة إعدامه تخالف هل الفتوى
بدونك غريقٍ بالبحر والرياح تجيش
به الموج يلعب به على غير مايهوى
بدونك فقيرٍ منيته بالحياة يعيش
والأضعف يشوفه غادين لقمة الأقوى
بدونك حياتي يالغضي كلها تشويش
ترفق باللي من حبكم ماقدر يروى
واذا ناويٍ ذبحي فأنا طالبك بشويش
وابي شوفة عيونك قبل صفحتي تطوى
\
/
( المشاركة الرابعة )
يالقريحه قومي قام حظك بالجوائز يالغبيه = آآآآآه منك ياثقل دمك علينا يالهلامه
يمال القمام قومي فيه الف وخمسميه = عارفك نومك ثقيل والكسل عندك علامه
أدري إنك مانتي من فيدين الأول يالرديه = لوتجيبين الذي قبل الأخير ياسلام وياسلامه
أو بعد حتى الأخير من المراكز لك هديه = يمال النازوع قومي لاتونين عندي كالحمامه
ياحسافه قولهم لي شاعر لا واهنيه = يالهليمه يالفطيسه يالنحيسه يالخمامه
جامعة كراعك و خشمك في فراشك كالحنيه = في سجلات الكسل مع الغباء لك الزعامه
واهني يابالهني لو ما أنتي يالحبيبه شمريه = مالك أقرب بالوصايف من ابا أذان بمنامه
كان طموحي يالنشامى بالمراكز الأوليه = كان ودي بالطليعه بسدة المجد وسنامه
لكن ماهي بالتماني وفي سوالف سرمديه = هذا النوع من القصايد يبي إبداع وفخامه
\
/
( المشاركة الخامسة )
وجدي عليها وجد من عاش مرتاع ..
ربا يتيم وفوق هذا له اختين ,,
يصبح على اوجاعن ويمسي على اوجاع..
ومن زود غبنه اصبح الغبن غبنين,,
عيشته يسرح بين مانع ومناع...
وياحال حوله كافؤوه براسين ,,
صابر وراضي ولامر المعازيب منصاع..
معذور مثله خابرن له يتيمين ,,
يرجون منهو سارحن عند مناع..
والياتذكرهن تهاملت دمعة العين ,,
يدعي ياربي تجمع بشملنا بساع ..
وتفرج لمنهو عايشن همه سنين ,,
على حبيبي يوم قلبي له انصاع ..
انا اشهد انه ياهلي كامل الزين ,,
ذقت بفراقه ياهلي كل الالواع ..
وراحت حياتي ياهلي ساهر العين
\
/
( المشاركة السادسة )
وش لون أبتدي لك بالكلام كلــــــــه
حرف بكلمة وأسطر لك معانيهــــــــا
يا صاحبي عقلي ترى صابته علـــــــــه
وصدري ضاق من الدنيا وبلاويهــــــــا
أب أكتب وخوفي يزيد طينها بلــــــه
وبدل ما تكحل أبياتها أعميهـــــــــــا
شعب تشخبط من عندهم شلــــه
ما تقدر جمر نارنا ويش يطفيهــــــــــا
ما أدري ما رسم نفسه وسط سلـــه
ولا مع البقر منزله متوسط فيهــــــــا
يا سلاسل جهنم تليه للنار تلـــــــه
يمكن يبي نارك تحرق أيديه وتشويهــــــا
ياوله يحسب أنه يقدر يقول زلـــــــه
ويش أقول شعب تكرم عنها مواشيهــا
يا صاحبي وش أقول برسول اللـــــه
صلى عليه بالصلاة وأنت تصليهــــــا
حبه في دم قلبي وعروقي مع الملــــه
حديثه لقلوب الرجال دواءاً يداويهـــــــا
هو صفوة الخلق دلنا درب يدلـــــــــه
أنا أشهد أنه بايع الدنيا لشاريهــــــــا
\
/
( المشاركة السابعة )
اصحابي الخمسه على القلب غالين
خلقهم الله قبــــل تبــــدى حياتي
الشـــم والاحسـاس والذوق والعين
والسمع حقق لـي جميع امنياتي
مـــابيعهم لـــــو يدفعـــون الملايين
منهو يعيش بفقــــر بعد الغناتي
لـــــو ينفقد واحــــد يقولون مسكين
صارت حياته بين هــم وشتاتي
لاشـــك انا مسلـــــم وعندي قوانين
اطيع ربــي واطلبه في صلاتي
والعافيه مـــــاله يـــــالاجواد تثمين
من حس فيها ذاق طعم النجاتي
يـــــارب خل اصحاب قلبي قريبين
لاتحــــرمن حتى تقـــرر وفاتي
\
/
( المشاركة الثامنة )
مالك و مال العرب و اللي يقــولونه
اترك كلام العرب و تعيش مــرتاحي
بـــرق تعــدى و خــل اللي يخلـــونه
يجيك علم المطر يا محمد لا طاحي
عــليك بــاللي بنــي عــمـــه يحبـــونه
و الا الردي ما وراه طماع ورباحي
نيــاتها الخـــرمسيــه فيـــه مــدفــونــه
و الطيب بين مثل فـلاج الاصباحـــي
الـــطيب اللــي ربـــوعـــه مـــايخلونه
يالله عسى البيض ماتبكيه يــا مناحي
مدهل للاجواد و اهل الطيب ينصونه
كريم سبلى يلــبس تــاج و وشــاحي
اود رجـــلاً كثيـــر الـــناس يغلـــونه
القاه لاشان وقتـي درع و ســـلاحي
هذاك رجـــل تهون المعضــله دونـــه
يروح منها الخوي و البال منساحـي
\
/
( المشاركة التاسعة )
يابو سعد لوجت علينا صبرنا
لكن على الطيب تدور الدواير
ياما طويلات الليالي عبرنا
وياما إستثرنا الفكر والدم فاير
وياماحفرنا يالسنين وقبرنا
نوب(ن) نجور ونوب(ن) الوقت جاير
ويامصعبه يامضيقه لاإنجبرنا
يصير حد الموت ماهو خساير
وياما سبقنا العمر حتى كبرنا
بالعقل وأفكار(ن) بوسط الضماير
نضحك على الدنيا وهي تختبرنا
وتضحك علينا لابنينا العماير
ندري بغدراته وقاعه شبرنا
لكننا مانعتبر ياخساير
يابوسعد لو بالحياة إعتبرنا
ماصارت كبار الخطايا صغاير
\
/
( المشاركة العاشرة )
يا بنت مالي بالردى وإن تهيَّا
ما جيت مصرٍ للردى و الخزايا
بِعدي عنك بِعد الثرى للثريَّا
خضراء دِمَنْ مهما كسيتن عرايا
قومي ترى ما لك مكانٍ هنيَّا
هنا رجال ودوري لك صبايا
ضَحْكَتْ بصوتٍ عاليٍ له دويَّا
مزمار جنٍ أو تقاسيم نايا
قالت يا باشا ليه تقسى عليَّا
عاْوزه اتعرف قلت عِرف الحيايا
أنا أربعيني عمر ماني غبيَّا
وشلون أفرط في عظيم الوصايا
وشلون أفرط في وصاة النبيَّا
وأتبع شياطيني وأغَلِّب هوايا
قومي ترى قلبي عن الغيِّ عيَّا
قامت وهي تشتم خبيثة سجايا
حَسْنَا ً بمرتع سُو فتنة بغيَّا
من هيفاء وهبي به كثير الحلايا
ربي ستر وإلا فلا ني بشيَّا
ضعيف وجنبني إلاهي الخطايا
\
/
( المشاركة الحادية عشر )
عشقي أنا للشعر جزل العباره
عشق راعي الطير لخوة صقاقير
عشق بدوي ماتوهته الحضاره
يسوق على صدق المخايل تباشير
عنده على كل المراجل جساره
يضحك حجاجه ليالفوه المسايير
يفرح بشوف الضيف وأكرام جاره
يسوق ماله ماحسب للمخاسير
كرامته رأس ماله وقاره
يموت جوع ماطلب حاجة الغير
ودنياك هاذي ماتجي بالشطاره
أرزاق يسوقه ولي المقادير
ماكل من طب السوق حاز التجاره
ماتستوي من دون خبره وتدبير
ودروب عمرك وان تبدل مساره
لاتكره عسى مضمونها غير
ياوالي الدنيا عالمن بأسراره
أعمالنا برضاك تختم على خير
\
/
( المشاركة الإثنا عشر )
وشلون.. جاني عدوّي مالقى بصدري
مـوطى قـدَم للجروح وطعنتـَه حـارت؟!
اثر الطعون العزيزه جات من بـدري
غارت عليّ الأحبّه عقب ما غــارت
لو ما من عداي بسواهم معي عـذري
لكن رفيقي أخاف سواه .. ما صارت!
مخذول حُب وصداقه .. والعمر يسري
جار الصديق وهذيك الـغـاليه جـارت
ما اهتز غصني لجل ما اطيّر القمري
ورغم العطا والوفا واللى مضى طارت
خيّرتها وش تبي تختار من عمـري !
وذاقت عذوق ٍ رطيبه بس ما اختارت !
يا ماطره والسحاب يهلّ من حدري
وش حجّـتك يالعطـا للقاع لو بارت ؟!
لو بفقدك من فعولك ما نقـص قدري
الخوف كله على صورْتك لا انهارت !
علقت حلمي على الاحباب من صغري
والبندق اللي أمنت زنادهـا ثــارت !
ما عاد لك يا عدوّي جرح..أو تدري !
قرّب وقدّم طعون ايديــك لا حارت
\
/
( المشاركة الثالثة عشر )
أبعتذر للبيض في طرح موضوع=غزالةٍ في وصلها لي قطوعـــــــــــه
يالبيض كيف النار تجري بها دموع=جمرات خده ما طفت من دموعه
رمش طويلٍ فوق نجلاه مزروع=لا سلهمت تجتاح خده جموعـــــــــــــه
تسجد على خده ولكن بلاركوع=لا لمست خده تبين خشوعــــــــــــــــــه
وحجاجها قوسٍ على العين مرفوع=ما حركتها بالدلع والميوعـــــــــــــه
ملح العذارى في محياه مجموع =خذت جميع الملح منهن قطوعــــــــــه
البيض كله نوع ولحالها نوع =محتار في وصفه وشكله ونوعــــــــــــه
أول لبست عن الهوى خمسة دروع=ليته ترد القلب مابي دروعـــــــــه
\
/
( المشاركة الرابعة عشر )
البارحـة ..ثـارت بقلـبـي لواهـيـب
من قمـت افتـش ذكريـات ٍ عجولـة !
كـن القهـر خاطـر../. يـدور معازيـب
أقبـل علـى قلبـي.. ونـوخ ..ذلـولـه!
صبيت من اقصى المحاني مكاتيب
وذبحت(فرحه)ضيفةٍ فـي وصولـه
الحزن طرقـي والقوافـي بهـا شيـب
وصدر الشمالي ..بالصحيـح اشهدولـه
ياصاحبي من خنـت ذيـك المواجيـب
والوقت مابـه ابـن نـاس وحمولـه
ذخرتك لـضيق ..وطريق..ومصاعيـب
وتركتني وسط المحيـط .. بسهولـه
آنا الذي من قبـل لا تصـوّت آجيـب
بنيت لك فـي ساحـة العـز ..دولـة
كم ليلـةٍ.. افـزع تقـل همهمـة ذيـب
وكم ضيقتٍ تفهق.. يمينـي ميولـه
الوقـت معطينـي شهـادة تجـاريـب
وعنوانهـا( يلزم ) عليـا .. اقولـه
الذيـب.. مايقلط على فضلة ..//.الذيـب
والمـال يفنـى ..//..والبـقـا للرجـولـة
\
/
( المشاركة الخامسة عشر )
جيت المضايف مقصدي أكسب الفوز=شاعر ولي بين الشواعير عازه
هنا أبعلنها تحدي بلا عوز=واللي تحدى يكتب الشعر طازه
نويت أبحرق من تتن شعري كروز=لين أنفثه فوق الورق في ركازه
أصيد والشاعر له الصيد مخزوز=يهد والهدّه تحقق مرازه
إما يجيب اللي بالأعماق مكنوز=ولاّ يصيد اللي ربى بالمحازه
شعري نسيمه يشبه لديرة اللوز=وإذا عبر ماهو بحاجة جوازه
لي بيرق في قمة سهيل مركوز=بإسمي ينادي فوق ذيك العزازه
يازين وإن كانك تبي تعرف الفوز=الفوز ماهو بالدراهم مفازه
الفوز بقلوب الأجاويد ياروز=هذاك فوزٍ مختلف في طرازه
أقولها وماني على القول ملزوز=شاعر ولي بين الشواعير عازه
\
/
( المشاركة السادسة عشر )
يــا منبر المضياف مسيت بـ الخيـر
-----شـمــر هــل المضياف عزوا جنابه
شـامـخ شموخ ٍ كنه اطـــويق والنـيـر
-----رؤس الجبال اللي تعــانــق سـحـابـه
صرح ٍ شمخ صرح الفخـر والتباشير
-----عند الرجال اهـل الكــرم والـمـهـابــه
اهـل الـدلال الـلـي مــجــذا مـبـاهـيـر
-----الضيف كـنــه بـيـن ربــع وقــــرابـه
مـاحـس بـالـغـربه عـنـد الـمـسـافـيـر
-----بـالمجلس الـلـي مــايـصـكــون بــابـه
مـدهال قوم ٍ يتعبون الـمـضــــاهــيـر
-----شـمــــر لـهـم تـاريــخ كــلا ً درابـــه
وإن عدت افـعـال الـرجـال الـمـناعير
-----لـصـقــر مـخـلابـــه والـذيــب نـابــه
\
/
( المشاركة السابعة عشر )
احساس مثل الخيال اللي علينا كـذب = لازم نصـدق لكلمه مابعد .. قالهـا
باسبـاب! تـدري ؟! انا ابغاها بليّـا سـبب =لا والله الا .. الـسبايب دلعنـة شالها
وشلون شفت الحسب كله ببـنت النسب = موزون خطواتها مـع دق خلخالهـا
الساق مثل الحرير انساق حوله ذهـب =أكيد ياحـلوها ياثـقل معـدالها
مدري عتبها دلع ولاّ دلعهـا عتـب = مدام جينا كذا !! فالـي علـى فالهـا
أذا ضحكت في صفر أفرح لآخر .. رجب = وان بينـت لي زعل يذبحني ازعالهـا
لاقلت شفت البرد ماذاب عنـد اللهب = تضحك علي ( ياجماعه) من وسع بالهـا
لا والله الاّ هـي النيـران واناالحطـب = اوأني النـار وهـي تهـم باشعالهـا
اعجاب والمعجبه فيها الجمال العجـب = مهره وتلعب هنا .. وهنـاك خّيالهـا
يعني لك الله:( لو قالت لأطلـق شـنب ) ؟ = أحلق ( شواربك ) غير أتـطيح من حالها
\
/
( المشاركة الثامنة عشر )
زرقة شفايف ..// وسكرة موت بأعمـــــاقي
........... وأنا أتمــــتم حـــروفك ..// لجــــل أهــــدّيها
الله وكيلك ..// بعدهـــــا مالــــتوا ســــــاقي
........... قمت أسبق الريح وأقوى ..// مع تصـــــدّيها
ماهــــي غريبة ..// ولكـــن .. قدرة البـــاقي
........... أموت وأحيا ..// عـــــــلى شـــــــانك وأعدّيها
تعالي بشوق قلبك ..// جيت بأشواقـــــــــي
........... وأيديـــــنك البيــــــض حنّـــــيها ..// ومدّيـها
من غــــــير باقة ورود ..// وكرتك الراقــــــي
........... أنــــــا مقــــدّس ورودك قــــبل ..// تدّيــــــها
بس أقربي وأرسمي صورتك ..// بأحداقي
........... وأشـــكّل ألـــوان وردك بك ..// وأقدّيــــــــها
معاك ..// بنسى حياةٍ عشتها ..// شــاقي
........... مادامك أنتي بقربي ..// وين أودّيــــــها ..؟
خليني أكشف حقيقة خافي ..// أوراقــــي
........... وأنتــي بفكــرك علـــيك إنك ..// تشــدّيــــها
أحــلى خيـــالٍ تحـقق ..// بـعد إرهـــــاقـي
........... من نســج دخان تبـــغي ..// دوك عــــــدّيها
أعـــظم غـــرام الخلايق للدهر ..// باقــــــي
........... مابعثــــــــرته النـــوايب ..// مـــــع تحــدّيها
\
/
( المشاركة التاسعة عشر )
قــدام عـيـني وانـا مــشــتـاق
وشلون لو غبت عن عيني
كـيـف اتحـمـل جـفـا وافــراق
دام انـت ((جملة محبيني))
صـورتك في داخـل الاعـمـاق
مـطـبوعـةٍ فـي شـرايـيني
تـعـبـيـر عـن سـيـرة العـشاق
الـلي بـدت بـيـنـك و بيني
عـلــيـك كـم نـشـفـت الاريـاق
يـا مـالـكٍ كــل مـا فــيـني
مـن دونـك الـكـون مـا ينطاق
طـاوعـك قـلبـك تخـلَيني؟
وسع الفضا في عيوني ضاق
والنوم عـقـبـك مجافيني
يـا الله يـا الــواهــب الـرزاق
تـهـدي ولـيفي وتهديني
ويـعـود لي بعـد طـول افراق
وتـرتـاح لا شافته عيني
\
/
( المشاركة العشرين )
هذا أنا وحدي وكني .. بدوني ..!
................... أركض مع هـ الناس أنده على ناس !
ياكثر ماشافت ملامح .. عيوني !
................... لكن ولاشافت أثر لأي .... إحساس !
فقير فرْح وراس مالي .. طعوني !
.................... وغير الحنين اليوم ماعندي لبااااس !
لو كنت حاس بضيعة الحظ دوني !
..................... ماضعت لكن حظي اليوم .. مو حااس !
محتاج افضفض للفضا من شجوني !
..................... محتاج احس ّ بـ صبّح شايله نسناس !
محتاج أحس ّ بـ نور يغزل ركوني !
..................... محتاج أطيح بـ طيحة ٍ ترفع الرااس !!
يالراحلين هناك عنّي .. خذوني !
................... مليت اقطف من شجر آهتي ياس !
أكبر وتكبر بالمسافة ... ظنوني !
................... واكزّ خطوة أمنياتي.... بـ ( لاباس ) !
واروح ادوّر ناس داخل عيوني ..!
................... والقى عيون ٍ ماسكن جفنها ( ناس ) !!
\
/
( المشاركة الحادية و العشرين )
على كثر ماشتقت لك صرت مابيك ××× لاني تعبت من الجفاء والقطاعه
اول اليا من غبت غثيت اهاليك ××× انشد وكني فاقد لي بضاعه
هذا وفاي ولكن الله يقويك ××× عيشتني بين الفقر والمجاعه
والله يعوضن يوم انا دايم اتليك ××× امشي تحت وانا احسبن في رفاعه
ومادمت بايعني انا كيف ابشريك ××× مثلك حرام اجلس معه ربع ساعه
واليوم لو ترجع فلاني بباغيك ××× نفسي عزيزة ماتحب الوضاعه
بدلت شرك الحنظلة بالمساويك ××× وغيرت شوك العوشزة باللعاعه
\
/
( المشاركة الثانية و العشرين )
ياصباح الكذبه بوجه طفـل
بأول أيام المدرسه ناسي دفتره
انتي عندي مثل بقابا أمل
الحقه ويبعد ولازم أحقـقه
كذبه انتي بعمري ولا تزل
تكبر مع الايام وأنا اللي كبره
تلعبين بقلبي والعذر غزل
تكسرين بخاطري وخاطرك اجبره
يابنت ماعاد في اصارع امل
مره يبعـــد ومره الحـــقــــه
بربك .. ! هل لي في قلبك محل؟
ولا ادور عن واحد لقلبي يحفظه
ولا أقــــول لا خلــــيك أمــــل
يمتعني بضيقته ويتمتع بقلبي يضيقه
لاترحلي حبك بقلبي لا يزل
أهواك... أحبك... أعشقك.. لاخره
\
/
( المشاركة الثالثة و العشرين )
الله مــن قــلــب تــعـلــه وتــبــريــه
===============بـعـض الـطـواري لالـفـت شرقت به
مـره تـسـانــع لـــه ومـره تـــــســلــيــه
===============ومـره تـقــرب بــه ومــره غــدت به
ياصاحـبي صدري تــعـب مــن طـواريــه
===============أكـنّـهـا وسـط الـحـشـا وأنتحت به
مـاشـوف غـيره فـي عـيـونـي وأحـلـيه
===============مـنـه الـحـلا والـناس بـه شـبـهـت بـه
أسـتـغـفـر الـلـه كـن الاشـواق تـرجــيـه
===============مـن عـذرهـا بـالـزيـن لـو هـايفـت به
لـوكــان شــوفــه فــي بـعـيـد الـمداليه
===============رجـلـي تـرا درب الـمـهـالـك مشت به
يـامـا دعـانـي نـبـض قـلـبـه وألـبـيـه
===============ريـــمــيـــةٍ وســط الـحـشـا دوجـت به
واليـوم تـجـزاه بـجـفـاهــا وتـشـقيه
===============أنــا أشـــهـد أنــه بــالجـفا عـذبـت به
مــاكـنـهـا تـدري عــن القلب وشفيه
===============ولاكـنـهـــا ســـم الـــعـنـا مـارمـت به
يـابـنـت بـانسى دام الانـسـان تنسيه
===============حــلــو الــلــيـالــي لــوبـعضها عثت به
،
مشاركات لم تستوفِ الشروط و أخرى !
،
( المشاركة ألف )
السبب : عدد الأبيات
قال منهو يا تهيض مايقول الا الثمين=وما يجيب من القصيد الا الزهور النافيه
لاتغنى في قصيده هز كل الحاضرين=وعطر اللي يسمعونه بالبيوت الكافيه
القصايد كان ماله معجبين وطالبين=عيباً الشاعر يقوله او يقول القافيه
والعقل لولا العقل ماكان به رجلا رزين=والسوالف طيبها برجاله اللي تافيه
وعقبها لك يا غرام(ن) جدد الجرح الدفين=جيت ابسئل والجواب بكلمتين(ن) دافيه
خبريني ليه كـنتي في خيالك تختفين=وليه عقب الوقت هذا تشعلين الطافيه
ألله أكبر لا ذكرت أيامننا أللي تذكرين=يوم أنا والليل وإنتي والمشاعر دافيه
أتذكر كيف كنتي تقربين وتبعدين=وأتذكر كيف كنتي في غموضك كافيه
وجيتي الليله وقصدك توقظين وتغـرزين=الخناجر وسط خفاقاً جروحه سافيه
يا حياة الذكريات الجارحة ، يا الطعنتين=أحتفي بي وأحتفي بك ، يا الجروح الجافيه
يا حياة الأمنيات الفاتنة ، يا الضحكتين=يا غيوما(ن) ما وراه ألا. الآمال السافيه
يا حياة الأبتهاجات ، أرجعي لا تُقبلين=ما بقى في وسط قلبي . لك مساحه كافيه
يا وجودي وجد منهو لا سعيد ولا حزين=بين ذي وذيك ضايع وأقرب اهلة نافيه
ويا وجودي وجد منهو دونه أقفال وسجين=في زلازل بوش أسير وينتظر وش قافيه
ويا وجودي وجد منهو ما يذوق الزاد زين=حالته خطرة وميؤسه ولا هي عافيه
ويا وجودي وجد منهو فارق أهله له سنين=ومن هله وديار ربعة ما تجيه اللا فيه
ويا وجودي وجد منهو شاف جور الدين دين=السعادة والوناسة .. من حياتة طافيه
ويا وجودي وجد غزه وأهل الاقصى العاجزين=من عبث جيش اليهود ودعم منهو رافيه
في زماناً به رأينا كيف ذل الأمتين=والملوك اللي تخضع والدلايل وافيه
ويا وجودي وجد من يضحك وهو قلبه حزين=لوعت به هاالليالي والحظوظ الغافيه
ويا وجودي وجد بغداد وشعوب الرافدين=يوم ضحوا فجر الأضحى في زعيم(ن) شافيه
من شموخة حدروه وصار في وضع(ن) مهين=عقب ماهو رمز شعب . اصبح ورجله حافيه
ويا وجودي وجد شعباً قتلوه الحاقدين=وصدورا نفطه وخيرة والغنايم ضافيه
جعل منهو لام قلبي .. يوم عود للانين= ينكسر حظه وحيله .. ياعساه الهافيه
أنتهت والخافي أعظم بس الأفضل مايبين=والقصايد ماتطيب الا بجزل القافيه
،
،
( المشاركة باء )
السبب : عدد مشاركات العضو
ياهاجسي حظر ترى خاطري عمس
عجل وصب الشعر في كاس راسي
ياهجاسي لو تضرب الخمس بالخمس
تقلب أصابع شاعرينه نحاسي
يارسي المسطور ياعايش الأمس
راح الرخى وجتني حروب المأسي
حل الشقى وهموم قلبي تقدس
والضيق مندوب الوسايس خايس
وأبليس ملعون الثوى قام يبلس
وعلم جموعه كيف فن الأبلاسي
تطمح عزومي لين توصل ورى الشمس
والشمس لمن شفتها طاح باسي
ليلي طويل وخالط الحزن بالدمس
متى نوري يبين ويقشع دماسي
هذي صفاتي وأنا واحد من الأنس
وأحب وأعشق مثل ربعي وناسي
،
،
( المشاركة جيم)
السبب : عدد الأبيات
غاغي طروبه يالمى لا تضيقيـــــن= غاغي مغاغات الفرح بين الاخــــــوان
غاغي لمن يفرح بشوفك تغاغيـن= اللي يهليبك ولو كان طفشـــــــــــــان
غاغي لجد يالمى لا تخافيـــــــــــن= غاغي تراك بيت من يذبح الضــــــــان
بيت الشرف والعز بيت الكريميــــن= بيت الذي يفرح ليا جوه ضيفــــــــــان
بيت الجمل شبه الجمل لو تعرفين= شيال حمله بالوازم كحيـــــــــــــــلان
ظـلي وظلك يالمى ياحصل شيـن= نزبن عليه ولا يتضايق بليهــــــــــــــان
هذاك جدك يالمى يزن العيـــــــــــن= يازن جميع الخلق حضر وبـــــــــدوان
أفداه في روحي ويفدنه اثنيــــــن= يفدنه عيوني لو اعيش عميــــــــــــان
وافداه انا بالمال لوهي ملاييـــــــن= وجميع ما عندي لو انام جيعـــــــــــان
أنا فداه اول وبفداه هالحيــــــــــــن= ولولا الحرام افداه في زوغ الاذهــان
وحذراك يابنتي كلام الخبيثيـــــــــن= اللى سوالفهم على افلان بفــــــلان
لوهم يابنتي من عمام قريبيــــــــن= تجاهليهم وانظريهم بحقــــــــــــــــران
وعن حالهم يابنيتي لا تساليــــــــن= عساهم بهم على طول الازمـــــــــان
قلته يابنتي في زمن عام الالفيـــن= وتذكريها ليا حصل كائن كـــــــــــــــان
،
،
( المشاركة دال )
السبب : عدد الأبيات
البارحه والقلب هاوي تفاكير .... عالي مكاني ماتغطى سماها
غنيت موالن تلاقف به الطير.... في عالي هضابن تسلى هواها
يابو سعد ماعاد به من تعابير.... الطيب يلقاله قرومن تباها
ازعج قوي الصوت من دون ماسير....وتطري علي بيض الفعول ونباها
اشوف لي شوفات ماله تفاسير.... اشوف شوفات العيون ومداها
ناس لهم بالطيب شوفاتهم غير.... يغلون جمعات على الجود ماها
لامن طرت تحتاج مليون تقرير....وصفحاتها عيت تحقق وفاها
اشفق واغني صافيات المظافير .... مدح حوى كل المعالي حواها
سلام سالم بالوفاء يالمناعير.... احلى تحيه والمعاني معاها
باسم العيال اللي تسمو مشاهير.... عيال الحصان وصان عرضن لفاها
ياجمعة له في خفوقي مسافير.... جمع الشيوخ اللي بعيد مداها
شيوخ شمر لاتراكوا حواظير.... وشمر سعدها في عوالي سماها
شمر لها تاريخ حافل باساطير.... وشمر لها علم تعدى مناها
وشمرلها مبدى ومهدى على الخير.... واهل الحميا لاتصكت عداها
وشمر طنايا والطنايا معاسير.... وشمر سناعيس الحمر في لقاها
وشمر هل الديوان من حاتم الخير.... وشمر هل الطولات طايل بناها
اهل الدلال المرهفات المباهير.... واهل النفوس اللي خفيفه حباها
وتلقالها بصمه على كل تسطير ....واكبر دليل الشمري في ذراها
ليامن بداله عرف قالوا طوابير....كلمة نعم تسبق على كل فاها
فخر لنا صنع الفعول المظاهير.... تاريخ صيته كل حي وطاها
لياجيت ارحب يبطي القاف تحرير....اشوف لي مزن تزاين نواها
المدح يفضي متعبات المحابير....يبطي مداه ودلهن في دناها
خايلت لي غيمن تحدر بنا عصير.... والبرق يسطع والصحاري ملاها
سقيا كريم عالمن بالاسارير.... رب لنا عالم بنا واحتواها
صبت صبيبه صايبه للاقاطير.... سود المزون اللي تراكم علاها
فوق الفياض الناقعات المزاهير.... خضر الشجر غطى الحجر واعتلاها
ومن فوق جيبن يعجب العين تصدير .... في جوها الساحر تمشى بسناها
هذه ربيع القلب والحال تسخير.... وهذه تحيه للرجال ونباها
سلام ختمن فوق كل المعايير .... وسلام ختمن للقصيده تلاها
وسلام ود مع محبه وتقدير .... من راس شاعر لابداله بداها
،
،
يتبع !
،
شكرا لشعرائنا على التجاوب و أريد التأكيد على شعرائنا
بضرووورة ذكر اسم الشاعر في المضايف
بالإضافة إلى تنبيهي في حالة قام الشاعر بتغيير المسمى الخاص به
،
ما بقى معي إلا مشاركة يتيمة وصلتني من غير اسم
و صاحبها للآن لم يتجاوب لا مع الموضوع ولم يرد على رسائلي
لذلك القصيدة خارج المنافسة و لكن سأضعها هنا من باب الانصاف !
و شكرا للجميع
،
تبــقـــى المحبه بيـــنــنا لو تبــاطيــت , , , , ياللــي غيـــابك لــخــبـط اليـوم فــكــري
أصبــر وأصـــبر خـــاطــري لا تـــوازيـــت , , , , , فــي سامريـه من تعابـير شعــري
يـــامــا ويـامــا لــجـل عيــنك تمنــيـت , , , , , تبــقى معــي يا صــاحبي طـول عمــري
فــي ذمــتي لاشفـت زولك تعــافيـت , , , , , ياللــي عـلـــيك الــروح تسـري وتــبـري
لـيـت العيون النـاعسـه يا عرب لـيت , , , , , تسـمع ونين القلب من جـوف صـــدري
كــم مرة(ن) ناديــت ولكــنـي ناديــت , , , , , طبعـــه تغــيــر ماهــو اللــي بخبـــــري
ميـــر البــلا لا هو بحي(ن) ولا ميـت , , , , , مدري علامـه ! ! كامل الزيـن مـدري
شتتي بالــي ياهــوى البال تشتيت , , , , , ما قمــت أميــز بيــن بـــري وبحـــــــــري
وارجـــع واكــرر كلمتي فأول البيــت , , , , , , ان جيتنــي والا تنـــاسيـــت أمـــري
تبقـــى المحبـــه بيننــا لو تناسيت , , , , , ياللـــي غيـــابك لــخبط اليــــوم فكــــــري
،