احذر ان يتعلق قلبك بغير الله لجلب نفع او دفع ضر
من قصائد الارشيف من سنواتٍ خلت
سلبت بعض حقوقي في العمل ولم تستطع الواسطات إعادتها وبعد لجوئي لله وكتابة هذه الكلمات فرجت ولله الحمد فلا يجلب النفع للإنسان ولا يدفع الضر إلا الله سبحانه
ألا ماْطْوَلك .. ياليل سنتينٍ والفجر ما لاح
دهتنا من المصايب به فرادىً تردف أزواجي
.
.
وتِهْنا في صحاري موحشه تعصف بهاالأرياح
وعـودٍ من سـرابٍ ما لقينا بير هداجي
.
.
ألا هيهات يصبر من يده بالحارق الفوّاح
وعلى بلواه يضحك مرتكي بالظل هراجي
.
.
لي الدنياكشفت عن وجههاالمرعب جميل وشاح
خلصنا من وعود الخلق و للخالق أنا لاجي
.
.
لجيت لواحدٍ فردٍ صمد هو فالق الاصباح
رضينا بالقدر ولرحمتك يارب أنا راجي
.
.
وتركنا فانيينٍ ما ملكوا حولٍ ولو بسلاح
ولا قوة ونفع وضر ولا رزقٍ لمحتاجي
.
.
وعرفنا من لهم سبعة وجيهٍ كلهن قباح
تلوّن كل يوم بلون وقلب أسود من الصاجي
.
.
وخاب الظن برجالٍ توازي عندنا الأرواح
تفاجأنا بهم ومن العجب .. يتقوس حجاجي
.
.
لبسنا الصمت ثوبٍ يستر الخافي ولا ينباح
تعامينا وتصيقهنا عن اللي ناوي إزعاجي
.
.
ألا ما اتعس حياةٍ ضحكته تغتالها الأتراح
تعيسٍ من سرى في ليلها حافٍ بلا سراجي
.
.
وبحره هايجٍ ما يرحم الربان والملاح
يغر اللي يطبّه ما لقى به درب مخراجي
.
.
ألا وا غبن حرٍ والسبوق تقيده بإلحاح
حبس سنتين ما شاف الفضا لاطار لاداجي
.
.
ذكر صيد الحباري لأنتزع قلبه كما الجراح
يغير بسرعة كالميج أو من نوع ميراجي
.
.
حياته هي عذابه موتته ميلاد للأفراح
دعى الله ينتزع روحه كريمٍ رب الأفراجي
.
.
و أنا مثله مقيد وأتلفت حسادنا المفتاح
إلآهي فك قيدٍ ضيّق دروبي ومنهاجي
.
.
إلآهي طابت العيشه لحسادٍ هنت بمراح
وأنا لا عيشةٍ طابت وجنب فراشنا علاجي
.
.
إلآهي أسألك وأرجيك تجعل خافقي يرتاح
كريمٍ من جعل لمحمدٍ إسراء ومعراجي
.
.
قريبٍ شمسنا تشرق ونوره يطرد الأشباح
ويغرق من ظلمني بيم عفوٍ طيّب أمواجي
.
.
ويندم من تبع شيطانه الغاوي على ما راح
ولا ينفعه إن خفت موازينه مهو ناجي
.
.
وأنا فوضت أمري للكريم الرازق الفتاح
وتركت اللي عطاهم يلحقه منٍ مع إحراجي
وتركت اللي عطاهم يلحقه منٍ مع إحراجي
وتركت اللي عطاهم يلحقه منٍ مع احراجي
وسلامتكم
