عرضة حايل

السلام عليكم ورحمة الله وبركاته

إخواني وعزوتي أهل حائل .. ما راح أطول عليكم , بس فيه موضوع يجز في خاطر كل واحد يغار على هالجبل , لاحظت من فتره تقارب ال 15 سنه الأخيرة شيء حنا غافلين عنه أو بالأحرا ما احد انتبه له , لكن بحكم إني بعيد عن حايل اتضح وبان لي هذا الشيء , إلي هو ((عرضة حايل)) رمز من رموز تراث ديرتنا نقل وانسلخ إلى نجد وابعد عن حايل وأهلها لدرجة إن فيه أشخاص كثير من مختلف مدن المملكة ما يدرون أن العرضه لأهل حايل , هذا واقع وانا شفته , والي يبي يتأكد من كلامي يسأل أو يدخل موقع اليوت يوب ويكتب عرضة حايل ويشوف إلي يحز بالخاطر ,, سامري دواسر ودحه وشكشكه إلى ... آخر!! شيء ماهو لنا!! عيالنا ما يعرفون يعرضون!!

من خلقت الدنيا والعرضة النجدية على قولتهم لأهل حايل والسامري لأهل عنيزه الآن اختلط الحابل بالنابل صارنا حقين سامري والعرضه ماهي لنا ولا حنا له والسبب!! اعلامنا ضعيف من هالناحيه ما أحد يصور عرضات ترفع الرأس وينشر بالقنوات او باليوت يوب والمواقع المشابهة له , وفرقة حايل وفرقة أجا صار ميولهم للسامري وتركوا العرضه ويبي يجي وقت إذا استمر الوضع ما يعرفون حتى قصائد العرضات !! وين عرضة أهل حايل!! وين راحوا عيال الاسود!! وين عيال العبيد!! وين عرضتهم وعرضة عمامهم وجدودهم !! ما صرت أشوف أشرطه عرضات حايل مثل اول!! انتهت؟؟!! اجتمعت من الناحيتين لا اعلام ولا فرقة مثل قبل

السامري ماهو لنا , الى وقت قريب بحايل ماحد يلعب سامري إلا الشباب وبأخر الليل ويبعدون عن الديره عشان الشيبان مايزعلون .. يا إخوان ما أبي أطول عليكم بس أتمنى هالموضوع ينبهنا وينبه شبابنا واتمنى ايضا ً عدم التهاون بالموضوع ونشره في المواقع الي تخصنا .
وآسف على الاطاله وتحياتي للجميع ..

كثير من الثقافات والعادات والتقاليد ... استنسخت بين البلدان والمناطق والقبائل ....


فالعالم اليوم ... أشبه بقرية صغيرة .... لاخصوصية لاحد على أحد ...


شكرا أخي الفاضل ومرحبا بك في العام ...

كلامك صحيح
وطبيعي العادات تستنسخ وتقلد ولكن الي ماهو طبيعي انها تترك!! ونقلل الاهتمام فيها .. او تنقل و تنسب لجماعه معينه .
تحباتي لك وشكرا على مرورك