-
ريمية,,,
يامن تذيِّر والهوى هز الاغصان
متخيل ٍ عقب البطا شوف زيله
الشاهد الله من تهايمْكْ عريان
وعيني عن الزين المفرِّع كليله
وين الربيع اللي به الورد نشوان؟
فصل الشتا للحين ما اودى صميله
برد ٍ يخلّي مشعل النار بردان
لو هو حليبه فاير بزنجبيله
ثلج ٍ مثل قطن ٍ تولاه قطَّان
شاب الجبل والقاع يدرج مسيله
جداي متقرفص واطقطق بالاسنان
نسرية ٍ ساق السويبع حصيله
ليتي بقربك لاتعللت دفيان
ليلي يموع وسهرتك تو.. ليله
مهو اتثاوب تالي الجمر نعسان
ابي المنام ولا بطاريك حيله
غديت تطري لي مثل كان ماكان
وامسيت كنك حاجة ٍ مستحيله
لو يجمعون الزين في كل ميزان
يرجح غلاك ابو الحمول الثقيله
لا صرت يمك كني بوسط بستان
الما ووجهك والغروس الظليله
اشتاق لك شوق المعاني للاوزان
يا اللي هروجك هابلن سلسبيله
من كثر شوقي جيت لك بام جنحان
وعوّدت اغني (دارنا.. ياجميله)
الشاعــــــــــــــــرة,,, ريمية ..
-
سلومتي تسلمي علنقل الجميل وصح لسان الشاعره محبتي لك.
-
صــح لسان الشاعرة الكبيرة ريميــّه
ولاهنتي يالغاليه على النقل
لاعدمت تواجدك
لكِ الحب
-
راااااااقية تسلميييييييييين ياحبي
ومشكووووورة ع المرور
لاهنتي
-
شموخناااااا ربي يخلييييييييك ولاعدمت هالتواااصل والوجووووووووود
لك كل المعااني الصاادقة ,,,
-
صح لسان الشاعره
ولاهنتي سلام
-
صح بدنك سلطااااااان
ولاهنت ,,
-
سلااام
يعطيك العافيه
ان لم اكن متوهما فهذه القصيده لزوجها.. عندما كان في الخارج.. و للشاعره ريميه رد على هذه القصيده..
اخووك
-
حيااااااااااك هااايس وجوودك رايق في متصفحي
اي صح علييييييك
والله يعاافيك ياخييي
اختك,,,
