عرض للطباعة
وصل سلامي دامني مقدر اجيه
وعكه ومرت والوصل ما نسيناه
الي مصبرني على وجيه ووجيه
حسره وغمازه ترى مقدر اقواه
الي يداري خاطري من يداريه
الله يفرج كل همومه وبلواه
ترى حبيبك زاد نبض الغلا فيه
والشوق يحرق كل حرف كتبناه
يامتعة ايامي واحلى لياليه
ياأنسه ياأم الحسن زادت الأه
قلبك يناديني وانا اقول لبيه
جتني ورودك برساله متلقاه
اشم فيها ريح كمك واغطيه
واتخيلك جنبي وانا اقول رباه
شيلي المغذي دام شهدك يغذيه
اخر زياره وطبت منك يالله
الاخ - بلاعنوان
اولا صح لسانك
قصيده عفويه خفيفه ظل
ويكمن جمالها في تواصل واسترسال الفكره
ولكن لي ملاحظه بسيطه جدا
وهذه الملاحظه غالبا مايقع فيها اكبر الشعراء
وتتمثل في توجيه اسلوب المخاطبه
فالافضل انك اما تخاطب انثى بالنص او تخاطب المذكر ولاتخلط الجنسين في القصيده الا اذا كانت موجهه لجنسين في نفس القصيده اي شخصين مذكر او مؤنث
اما باقي القصيده فاعجبتني عفويتها وسلاستها
وصح لسانك وبانتظار جديدك
اخوك... فيصل اللويش
أخي الراقي
بلا عنوان
أبيات عذبة بالفعل
لي كل الشرف بمصافحتها
ألف صح فكرك
أختك
الدهور
صح لسانك ...
لاهنت ...
اقتباس:
المشاركة الأصلية كتبت بواسطة فيصل اللويش
شهاده اعتز فيها من قامه شعريه
شكرا فيصل على مرورك
اقتباس:
المشاركة الأصلية كتبت بواسطة بتول آل علي
حياك الله اختي الدهور ويشرفني مرورك
اقتباس:
المشاركة الأصلية كتبت بواسطة منصور الغايب
صح ابدانك يامنصور وشكرا لمرورك
يعطيك الف عافيه قصيده في قمـــــــة الروعه وذوق من منبع الذوق مااقول الا:عسى عينك تقر بشوفته قبالك...سلامك وصل
تقبل مروري...نبض
شكرا نبض على مرورك الرائع