سليمان الهويدي - الزين بين في رسومه
هذة القصيده من قصائد الشاعر الكبير سليمان الهويدي__ رحمه الله __ وهي
من القصائد الجميله والتي تغنى بها الكثير ولا تزال في ذاكرة الكثير من محبي هذا الشاعر
الزين بين في رسومه يا علي
وإن القمر غير النجوم اللي معه
والخيل اعرف اصيلها من تقبلي
واعرف عفريِّ الظبا من مدمعه
والبيض شاسع فرقهن لا تسألي
الزين وهبه والكريم موزعه
الزين حلو دايم دله حلي
ألذ من طش السحاب بمنفعه
والشين شين الله يعين المبتلي
إن قابلك تفرح متى الله يقلعه
وجدي على نجل العيون الأكحلي
النفس به مجبورةٍ ومولعه
راعي ثمان مرهفات ذبَّلي
بيضٍ تلالا حدر طرقة برقعه
غضٍ من الجنس اللطيف مكملِ
الله وأكبر يا جماله ما أروعه
زينه بلا مكياج وبليا حلي
زينٍ طبيعي ولا يستصنعه
أحلى من العفري تهايا وأجملي
النور بطخمته وسلبة مفرعه
إن هج مع صيد الخلا ما يجفلي
ماهو بعيد إن الجوازى تتبعه
والله ما عنك خفيه يا علي
من يوم كلمته وانا قلبي معه
