مصريه ببتكلم--****اسمعوهااااا****
تحسدك عليها الستات؟ لا تجاعيد لاسمار لا حب شباب لا بقع لا نمش لا هالات ؟
أهم حاجة بتهم كل ستات الدنيا بشرتهم تبقى صافية بيضا منورة كلها شباب ونضارة
تعالى بقى هقولك تعملى ايه عشان تحافظى على جمال بشرتك لحد 100 سنة
بأقل الخسائر وفعلا هتبقى حديث كل الستات والنظرات اياها
هتبقى ملاحقاكى فى كل مكان
تعالى نبتدى من اول حب الشباب لحد كلف الحمل وبقع البشرة وجفافها والنمش والهالات وتجاعيد الشيخوخة
أولا : حب الشباب
عارفة والله قد ايه البنات بيعانوا من الحبوب وخصوصا فى بلادنا اللى نسبة الرطوبة والتلوث بيزيد من المشكلة
لدرجة النهاردة بشوف بنوتة عندها 12 سنة وبشرتها متبهدلة . فى الوقت اللى لسة هتبص لنفسها فى المراية وتحاول لفت الأنظار
تهجم عليها الحبوب تبوظ نفسيتها 180 درجة.وتلاقيها تكنسل خروجاتها مع صحباتها وتغطى نصف وشها بالطرحة والباقى
بالميكب .
أنا بقول لكل بنوتة خليكى مستعدة لليوم ده بأسلحة مهمة جدا ووعى كبير عشان تعدى من غير أثار على بشرتك
أول ماتحسى بيها بتوشوش خدودك حضرى الصابونة الطبية المطهرة للبشرة . وفيه أنواع صابون مش بس مطهر
ده كمان فيه عناصر مذيبة للدهون اللى فى البشرة واللى هى أساس تكون الحبوب( زى صابونة رويال كير ) .طبعا الحبوب بتبدأ نتيجة تغير هرمونى
ولو لقيتى نفسك كل ماتعالجيها بترجع يبقى ده ميكروب فى الدم وعاوز مضاد حيوي زى ( إيريثروسين)+ معالج سطحى للحبوب
ويستحسن يكون مائى لأنه بيتغلغل بسرعة لداخل المسام والبشرة بتستفيد من كل نقطة فيه .التركيبات دى بتبقى غنية بالمطهرات
ومذيبات الدهون والمستخلصات اللى بتحتوى على عناصر تسرع بناء الأنسجة التالفة عشان مايحصلش حفر عميقة تشوه وجهك فى المستقبل.
كل ماكان المحلول المعالج خالى من المضاد الحيوي كلما كانت الحبوب سريعة فى العلاج حتى لو رجعت تانى . وحذارى من الكورتيزون
اللى بيضعف طبقة الجلد وبيعمل ضمور لها ويخلي جلدك كأنه شفاف من شدة ترققه.كمان أكل الخميرة البيرة حاولى تواظبى عليه
3 مرات اسبوعيا ده هينظف البطن وعلى فكرة فيتامين أ اللى فى الخميرة مهم قوى للجلد والجلد مراية الجسم من جوه.
كترى من أكل الخضروات والفاكهة وقللى من الدهون والسكريات البسيطة والشيكولاته .وإحمى وشك بواقى من الشمس مناسب للون بشرتك ويكون نوع حلو زى فوتوديرم.
أما البقع اللى بتظهر بعد الحبة فعليكى باستعمال الماسكات الطبيعية اللى بتجدد الجلد بسرعة وتقشره وتفتح لون البقعة. وهقولك تعملى ايه.
ثانيا: نيجى للكبار شوية اللى بيعانوا من الكلف والنمش
دى كلها اسبابها داخلية او وراثية
الكلف نتيجة خلل هرمونى بيركز صبغة الميلانين اللى فى الجلد فى أماكن معينة. وطبعا مش كل حاجة هنعالجها بأدوية داخلية .
الدوا هنا هيبقى منظم للهرمونات وإحنا مش ناقصين كفاية علينا الأكل اللى بناكله.ههههههههه. لكن اذا استدعى الأمر اعرضى نفسك على طبيب فى الحالة دى .
استعمال أنواع معينة من الزيوت العشبية معروفة بتأثيرها الفعال فى تفتيح هذة البقع وحتى إن كانت هتاخد وقت بس أفضل كتير من الكريمات الصناعية اللى بتحتوى على الزئبق الضار والمسرطن أو تحتوى على الكورتيزون. عشان كدة أنا مش محبذة ابدا الحاجات دى .
ومن فترة بسمع وبقرأ عن كريمات التقشير للمناطق الحساسة والنمش اسمها ( تريتوسبوت ) من ايفا .ولما شفته لقيته كله كورتيزون.
أنا مش هفرح بنتيجة سريعة وأثار جانبية ممكن تلازمنى مدى الحياة.
.وممكن تستعملى كريمات متخصصة يوصفها الدكتور فيها الخلاصات الطبيعية بس إتأكدى إنها مش فيها كورتيزن .وماتنسيش
واقى الشمس باستمرار.
ثالثا : الهالات السودا
ممكن تكون من ضعف الشعيرات الدموية تحت جلد الجفون وممكن تكون وراثة أو من الجيوب الأنفية أو السهر أو نوعية الأكل
لذلك حاولى تعالجى السبب الداخلى وتعالجى الأسباب واحد واحد عشان توصلى للسبب الحقيقى للهالات.وفى الحالة دى هتعرفى تركزى على علاجه .
.كلى خضروات غنية بفيتامين أ زى السمك والكبدة وعليك بالفاكهة الغنية بفيتامين س زى البرتقال والجوافة لأنها بتساعد على
بناء الشعيرات الدموية الضعيفة. وكمان كمادات الشاى الأخضر البارد فيه بنات بتتكلم عنه للمشكلة دى. بس بصراحة انا ماجربتوش وفيه حل برده مجرب هقولك عليه
رابعا : التجاعيد وما ادراكى ما التجاعيد
أنا أصلى أنا وهى كنا أعداء بس الحمد لله فين وفين لما بلاحظها وعلى طول أحس انى سهيت عنها أرجع تانى أصحى لها .
طبعا من بعد سن الثلاثين بيبتدى المنحنى ينزل نتيجة نقص الكولاجين وزيادة صبغة الميلانين اللى بتسبب البقع مع تقدم العمر
قله درجة ليونة الجلد هى اللى بتسبب ظهور الخطوط حول الفم و تحت العين وبعدين الوجه كله لا قدر الله .
انت عليكى بقى ماتسمحيش للجفاف ده إنه يحصل .ماتتعرضيش للشمس فترات طويلة وماتخرجيش من غير واقى من اشعة الشمس.
كلى كل حاجة فيها مضادات الاكسدة ودى المسؤلة عن طول عمر الخلية ومنها لى سبيل المثال الكرنب والقرنبيط وجميع أنواع الفاكهة الطازجة زى الموز والكيوى والبطيخ والخضار الطازج وحذارى من تكرار استعمال الخضار المحفوظ اللى بيفقد عناصر مهمة جدا فى اثناء تحضيره وحفظه بالمواد الحافظة .وتخزينه بالتلاجة لمدد طويلة .
طبعا الزيوت الطبيعية المستخرجة من النباتات هى فى الحالة دى الحل الوحيد السريع للحفاظ على ليونة الخلية وتطويل عمرها لكن فى الحالة دى بيبقى نوعية واحدة من الزيوت مش كافية لأن ربنا ماخلقش كل حاجة فى نبات واحد .وتتميز الزيوت عن الكريمات بعدم إمكانية خلطها بالمواد الصناعية ايا كانت .لكن دة مايمنعش إنه فيه كريمات محترمة وأهم حاجة فى كل الحالات المواظبة والاستمرار
لأن دى مشكلة مش هتنتهى بفترة علاج معينة.طبعا فى اساليب تانية لفك تجاعيد الوجه والرقبة
والأيدى مثل حقن البوتكس والميزوثيرابى ودى طبعا بتعطى نتيجة رااائعة بس مش اكتر من سته شهور
وبتحتاجى تكرارها .
ولو عاوزة تعرفى أكتر عن حلول عملية لكل المشاكل اللى بنعانى منها فى بشرتنا من أول حب الشباب لحد التجاعيد
وشيخوخة البشرة والسمار والبقع والهالات والكلف والنمش00
