يضمني حزني وانا حيل اضمـه=كنه ضناي وشوفته شوف ضيقـه
ضميني لصدرك ثمانيـن ضمـه=ضمة عشيقً مفارق ً عن عشيقـه
,
,
,
,
,
,
,
يمه عسى مازعجتك اليـوم يمـه=احس في صدري عذاب وحريقـه
يضمني حزني وانا حيل اضمـه=كنه ضناي وشوفته شوف ضيقـه
يمه وانا بنتـك وإذاقلـت يمـه=شوفي لهمي والمواجـع طريقـه
ضميني لصدرك ثمانيـن ضمـه=ضمة عشيقً مفارق ً عن عشيقـه
وكأنك سألتي خاطري وش يهمـه=بعلمـك وأبـغاء جـواب الحقيقـه
ليه الزمان اليوم ماافيـه ذمـه=وليه ألطعون ألي بظهـري عميقـه
وليه الولد يبوق في بنت عمـه=وليه الرفيق يخون عشرة رفيقه
وليه انخدع في ناس كانت مهمه= ويوم أكتشفها وهمّ مالـه حقيقـه
وليه الذي وقت الرخا كان قمه =وقت الشدايـد مالقينـا طريقـه
وليه الحسدّ يمي من عيون عمه=وليه الخطاء لو قلت كلمه رقيقـه
ازيـد يمـه وإلا كافـي مغمـه=اشوف عينك من هماهـا غريقـه
الله الله الله شاعره من ذهب وقصيده صادقه
بكل حرف يعلم الله انها احزنتني بصدق معانات حياة غثيثه كفانا الله واياكم شرها
من ارشيف شاعرتنا وكاتبتنا المبدعه شيهانه الشعر
اخوكم ابو ياسر
