هذا من نزاهه الاولين وصدقهم ويقولون الصدق حتى لوهو ضده ولا يبالغون في القصص والسوالف كما تحدث لهم او عليهم
هذا من صدق ونزاهه بن شعلان لايحضرني اسمه الوكاد انه احد الشعلان الفريس وهم كل الشعلان مشهورين بالفروسيه
غزو الروله وعقيدهم بن شعلان على شمر بالحزول يمار اللي على الحزول الجعفر وصبحوهم صباح وتلاقو هم واليتمان وذبح ناس من الطرفين ونفكه المعركه حوالي العصر
وفيه ناس في مكان المعركه مصاويب من الطرفين ورجع بن شعلان بدون اي خوف يفتش يبي ينقذ اللي من ربعه
يمار فيه جعفري وهو/حزيم الذويبي صويب ومن جمله هالمصاويب بس صوابه سليم مافيه خطوره ويوم شاف بن شعلان يفتش على هالمصاويب خلا روحه ميت حتى قرب له بن شعلان وهو ياخذ له رضمه ملي الكف وهو يضرب بن شعلان مع الراس وبن شعلان يطيح من الفرس مغمي عليه والفرس تستهرج يما جت جمع الجعفر ويمشي عليها واحد ويمسك رسنها وتصير كسب له
قام بن شعلان ولحق ربعه وحزيم قام وصل ربعه ولكل طاب من الصواب
قال حزيم للجعفري هذي الفرس انا اللي طيحت بن شعلان عن ظهرها والفرس لي انت مالك شي
قال له انت صويب وشلون تطيح بن شعلان عقيد الروله وباتع بالفرسه قل لي وشلون وهي تقوم الطلابه بينهم وهم يمشون حق عند بن ثنيان شيخ الزميل المهم ماوصلو لحل ارسلو لبن شعلان منهو اللي طيحك من ظهر فرسك
قال بن شعلان الرجال غلب
يوم افتش على المصاويب ضربني واحدا صويب برضمه مع راسي ينا من صيد امس ويوم قمت يالله الحق الروله رجلي وهذاك هو اللي يستاهل الفرس
ســــــــــلام
