ياليت ربي ماخلق حب وفراق .... والا خلق حب من غير فرقا
[frame="14 98"]
.
سمعنا وقرأنا هذه القصيدة الرائعه لكن تبقى في الاذهان نرددها دائما لعذوبتها
ابيات ذهبيـــــة
يامعدي المرقاب خلـه لمشتـاق
حول وخل امعـذب القلـب يرقـا
دام الكلام اليوم ما عـاد ينطـاق
بين الولايف نبرة الشوق غرقـا
قال السديري عقب ماخاطره ضاق
بيت(ن) يخلي ظامـي القلـب يشقـا
ياليت ربي ما خلق حب وفـراق
والا خلق حب(ن) على غيـر فرقـا
جعلتني خبل(ن) يـدوج بالاسـواق
هبيل عقل وفوق راسـه معرقـا
بيت(ن) يخلي ضايق الصدر يشتـاق
لمعانق ايـام الصبـا لـو تبقّـا
ياليت حظي مـا تعثـر ولا بـاق
ولا شفت وقت(ن) فيه قمـت اتوقّـا
من عانقوا دربي قليلين الاوفـاق
وانا علـى ماقيـل حالـي تشقّـا
ما بيننا يابنت حشمه وميثـاق
وما بيننا نفسن على الود شفقا
وشلون صدرك للخيانات ما ضاق
وانا الوليف اللي على الود يبقـا
عشر ليالي ساهرينه على سـاق
تهون عندك.. والمخـاوي مشقّـا
ياحيف ياللي كل ما قلـت خفّـاق
قلبه على شوفي واياديـه عرقـا
ياهيه يالمشتـاق لاعـاد تشتـاق
ويامعدي المرقـاب لاعـاد ترقـا
كلام شوقن حافظه وسط الاعماق
خل الرجم وانزل على راس برقـا
محمد الاحمد السديري
.
نقل
نايف الصنيدح
13-1-1431هـ
http://www.alshmmar.com/vb/images/smilies/a49.gifhttp://www.alshmmar.com/vb/images/smilies/a49.gifhttp://www.alshmmar.com/vb/images/smilies/a49.gif
.
.
[/frame]
