ديوان الشاعر المرحوم فدغوش بن زعل العلوي الشمري
حياته
ولد فدغوش العلوي في جبل رمان قرب الغزاله وهو من العليان من عبده من شمر ولد ولد عام 1294 هــ وتوفي عام 1404 هــ وكان عمره 110 سنة وكان يحب البداوه ولايحب الاستقرار في مكان معين .وكان امير الباديه من جماعته وكان بيته مكان اجتماع القبيله توفي وله من الاولاد ثلاثة ومن الاناث اثنتان .توفوا جميع الى رحمة الله ولم يتبقى منهم سوى ابنه مرشد .وابنه مرشد هو الذي حفظ قصيده وقد حصلنا على هذا الديوان من حفيده مرضي المرشد مشكورا
قصيدة النجر اشهر قصائده
[poem=font="Simplified Arabic,5,#FFB100,bold,normal" bkcolor="#3B3B16" bkimage="" border="none,4,#400000" type=0 line=0 align=center use=ex num="0,#400000"]
ونجري اللي بادي(ن) به وهومي=يضيع حسه من فتوق(ن) بدت فيه
من عقب ماهو يانهضت البهومي=طنيب ذيبً مخطي من معاديه
يا قام شراب الحشايش يعومي=ياكن زيد مصوت الشيخ يدعيه
أرجي الخلف باللي ينشي الغيومي=نجر(ن) حلا نجري ورزقه يباريه
ياما حلا يلفوا على اكوار كومي=ياصار كيفك وافيات (ن) معانيه
شبيت ناري والنشامى سجومي=وأمرت بي حط الحطب من يواليه
وهاضوا عليهم دايرين العلومي=يمضي نهارك ماتبرق بتاليه
بيت (ن)يذري بردها والسمومي=ماحث ركاب الذلول متعديه
وحنا بشيمات العرب والسلومي=نرفع كسوره مانسهسه مبانيه
والضيف وسطه غالي(ن) ومحشومي=أما شبب والا إدامه نرهيه[/poem]
رد الشاعر سرور بن شاقي العلياني على قصيدة النجر:
[poem=font="Simplified Arabic,5,#FFB100,bold,normal" bkcolor="#3B3B16" bkimage="" border="none,4,#400000" type=0 line=0 align=center use=ex num="0,#400000"]
نجري بدابه مثل ماقال فدغوش=ياحيف ياصياح عقب الصياحي
نجري طويل الساق والوسط منقوش=أصفر حسين اللون ماهو ضباحي
إموهاً يروبع الحسن شايوش=ياطقه راع الكار وقت الصباحي
من شريته ماحط بالدار والحوش=منوة غلاما منزله بالبياحي
ياكن خطوا اللاش بالنوم كنهوش=يبي قرماً تالي الليل صاحي
يجب على صفر ثلاث لهن جوش=مشربات من حسين القراحي
ومبهرات والعود به نوش=يافاحت المصفاة والبن فاحي
نصرف لهن من غالي الهيل بقروش=وأهل الغنم يدرورون الصلاحي
والنجر والله مانغله عن الغوش=ياحجلوا أهل الردى والنكاحي[/poem]
بيع القهوه بالدكاكين:
[poem=font="Simplified Arabic,5,#FFB100,bold,normal" bkcolor="#3B3B16" bkimage="" border="none,4,#400000" type=0 line=0 align=center use=ex num="0,#400000"]
ياعنك ماشربي على ناس مجزين=ياكود ازين طبخة في تمامه
وازين ياصبيت زين على زين=خصُا يامن ازرق الهيل ظامه
وأزين يامن جوك الربوع متلافين=ناس دعتهم نارنا يوم قامه
ومن أول نقضي الحال بالدين=عبرك تبيع اللي ردوم سنامه
واليوم عيَو ساكنين الدكاكين=على رجى الله لو تبي ربع خامه
من جيث منهم قال انا حالف دين=من خوف راع الطيب يجزي ندامه
مار يادلتي لومك علي لو معي شين=واليوم ماياجب علينا ملامه
مار اعذريني وسامحيني واحلين=واشوف دنيانا يزود ابترامه
واشوف ان كل الربوع متسواوين=وكل ركب عق العقيلي مسامه[/poem]
قصيدته بالقهوة
[poem=font="Simplified Arabic,5,#FFB100,bold,normal" bkcolor="#3B3B16" bkimage="" border="none,4,#400000" type=0 line=0 align=center use=ex num="0,#400000"]
أنا احمد الباري على كل الاحوال=الخالق الرازق ومنه المخيفه
يوم الولي هيأ لي النجر ودلال=ياعنك نفسي تو مازان كيفه
أبي ليا من العرب دكو إقبال=أفز فزة عاشقً شاف اليفه
ياضاق صدري قمت احورف بفنجال=وسديت مشرب دلتي له بليفه
أشقر كما سلك البريسم لياسال =مابه خمال كود غيبة خليفه
لوهو قبالي كان ماغظلم البال=يجيب لي من كل هرج (ن) طريفة[/poem]
مما قاله الشاعر فدغوش بن علوي في مقطانه على (قبه)ديرة الفرم جلال:
[poem=font="Simplified Arabic,5,#FFB100,bold,normal" bkcolor="#3B3B16" bkimage="" border="none,4,#400000" type=0 line=0 align=center use=ex num="0,#400000"]
عسى ليا جانا صدوق العلومي=يقول رمان الحمر مبطي سال
سيلً على سيلً وسيله عمومي=والشعبة القصيا من الجال للجال
يضفي جبلنا طيبين السلومي=هي دارنا لا يابعد دار جلال
حنا طنانا بيننا بالخشومي =وعلى المناظر من خبيثين الأعمال
سيفً مجرد مابعرضه ثلومي=نقوم بالقاله ليا قام رجال
وكان انت جاهل راع لون الرسومي=كم من عديم هام خشره ولاظال
حماميينها لعيون زرق الوشومي=ياما حصل بطرافها رمي وافعال[/poem]
مما قاله فدغوش بن علوي في كساب الغازي يرحمهما الله:
[poem=font="Simplified Arabic,5,#FFB100,bold,normal" bkcolor="#3B3B16" bkimage="" border="none,4,#400000" type=0 line=0 align=center use=ex num="0,#400000"]
ياركب (ن) من عندنا عجل الاوثاب=ولد ذلول (ن) ناجبين ضرابه
عدوا له الحساب ياتسع بركاب=وابوه عشر(ن)مالحقنا حسابه
يامد منا مايروح بالاقراب=دار(ن)معقبها ودار(ن)سعابه
أشعل لياهز العصى يسرب اسراب=هريف ذيب(ن)مخطي من نهابه
ناب القرى مايضبطه كل ركاب=مافوقه الا قربته مع زهابه
ياراكبه سلم ليا جيت كساب=شوق الهنوف اللي تلاعج عذابه
قل اقبل على الميسور مع شوف الاقراب=نصيحة(ن)من له صديق عنابه
واعلم ترى الدنيا سريعة تشقلاب=ولازم تذوق صاحبه خبث مابه
ماتنفعك قوات قومك والاطواب=لاحط فوقك محوم من ترابه
الله يفكك من عواثير الاسباب=لعساف يالاذة عليه الجلابه[/poem]
هذه قصيدة لفدغوش عندما قيض على الحدود الشماليه ومنعوا بنته من جلب الماء:
[poem=font="Simplified Arabic,5,#FFB100,bold,normal" bkcolor="#3B3B16" bkimage="" border="none,4,#400000" type=0 line=0 align=center use=ex num="0,#400000"]
لا عاد مقطان الشبك تقل بحباس=من كثر بلاشاته يضيع الطبيبي
الصبر ياما تنفرج يا اشقر الراس=نبي نعده ياعيون القضيبي
واديرتي ماحط للجو حراس=ولا ردة القربه عن افم القليبي
دار هله تشفق على كل نوماس=ديرة صخى ياما يسيل الشعيبي
دار لنا قبل نفكه من الناس=وهيت به ابن سعود سقم الحريبي
اللي ليا حصل الحدث يقطع الراس=وخلا الغنم ترتع على ركن ذيبي
وجدا سباعه بس طحنه للأظراس=توجس بكبده مثل صلي اللهيبي
وصيارم يتلنهم قب الافراس=اللي يخلطون الجنب للعزيبي[/poem]
الشيخة:
[poem=font="Simplified Arabic,5,#FFB100,bold,normal" bkcolor="#3B3B16" bkimage="" border="none,4,#400000" type=0 line=0 align=center use=ex num="0,#400000"]
قال الذي ولف حليات الابيات=يا راد بدع القيل مايستعيره
هاضن علي من الحشا جوز واشتات=وصفيتهن صف الخرز في حريره
يجلن عن الجاهل كثير الشبوهات=ويرغب لقيلي كل طيب بصيره
وقت(ن) مضى مابه تحاريف قالات=على جميع الناس مثل الكسيرة
راحوا رجال وراح للناس هجمات=وهفت به اموال بليا مغيره
(سقف) عطاه ابن سعود الدغيرات=ولابه علينا يالتميمي معيره
عسالهم يظهر مع الغرس ماوات=وعسى لهم مع بنيت الدار خيره
درع(ن) على الامتان عن كل الأفات=ياقاك عن كل الحدود الشطيره
يوم اللقاء ربع(ن) معاطيب ورمات=بارودهم يوم الملاقى ضريره
لولا طلبهم راح للغضوريات=للمثعلي وابن سويلم عشيره
عيو عليه بسوق مال وبلشات=ومن اول(ن) باللي ينجي ذخيره[/poem]
توجد على النفود:
[poem=font="Simplified Arabic,5,#FFB100,bold,normal" bkcolor="#3B3B16" bkimage="" border="none,4,#400000" type=0 line=0 align=center use=ex num="0,#400000"]
ياركب(ن) حيل زهت بالشنودي=ياروحن يسبقن هدس التنابيل
حيل شحمهن وقم حشو البدودي=تجويل ربد طالعن الازاويل
حافوا عليهن يوم شق العمودي=والعصر في بيت السنافي دعيبيل
قله عيوني ساهره ماتنودي=يدك بي داكوك ياهود الليل
من ضيم ناس يبحثون السدودي=متكايزين بينهم ول من جيل
لعب بمذهبهم خطاة الربودي=وفسد مراجلهم من القال والقيل
ان طعتني فيض معي للنفودي=مابه حلا تنعاف عساه للسيل
والنفس يمه مثل رق السنودي=توذيك أهلها بالحيل والنشابيل
وين الرجال اللي تشاد الاسودي=يلقون لاركب الرشا للمحاحيل
فانخ رع العشوي زبون الونودي=وبن خليفه والرجال المشاكيل
وبن طحيمر عريب الجدودي=ياوي والله يوم دوره رجاجيل
وشرعان كان اطلق على الحمض ذودي=اخو هيا نطاح وجه المقابيل
ورثعان ستر معورجات الخدودي=في جرته تلقى قطاع المخاليل
متقانصين مثل عمل الفهودي=لافرقو حزمه ولاميلو شيل
وسوالفه بس اي فودك وفودي=وخطو الخروف يرادف البن والهيل
ماهي حكايا ارذال كل الجنودي=مثل سوالف لابسات الخلاخيل
يرثن في كبد الرفيق اللهودي=ويفرح به المبغض ولا له محاصيل[/poem]
حب النفود:
[poem=font="Simplified Arabic,5,#FFB100,bold,normal" bkcolor="#3B3B16" bkimage="" border="none,4,#400000" type=0 line=0 align=center use=ex num="0,#400000"]
هنيت دب(ن) ماتجيه الهواجيس=مايميز العدلات هن والعجافي
ياكل ويشرب ماتجيه الهواجيس=بوسط المجالس قاعد(ن) تقل غافي
والعين عيت تقبل النوم يادبيس=بتيل تذرف دمعته بنجدافي
ماهو على الدنيا وماحط بالكيس=ولاهو على راع الثمان الرهافي
ابكي ربوعي محرقين المحاميس=راحو شتات بالقرايا ضعافي
يامارعوا من خايع قفر ماعيس=بغزو مشوا منهم وهذاك لافي
ياروحن مثل المحال المماريس=والسبر من نشر العدو متشافي
تعستهم ياوال الاقدار تتعيس=انته محل العفو وانت المعافي
بجاه الرسول وجاه راع اليمن ويس=أنك تروف بحال خطو السنافي[/poem]
