الشاعر المبدع والقدير راضي الشعيلي
[poem=font=",6,orange,bold,normal" bkcolor="black" bkimage="" border="none,4," type=0 line=0 align=center use=ex num="0,black""]
ياليل فال الله ولافال مشكاي = والخير بيدين الكريم متهيي
حيل الله أقوى من هل الخيروأعداي = والممتثل والمندفع والمعيي
سحبت من تحت الوسايد وصاياي = خفت إلحق الموضوع ذمة وصيي
وقفت بين حدود يومي وذكراي = بالفرجة اللي بين عقلي وغيي
وعلى طريق الساري الرايح الجاي = تستلهم الأحداث رعشة يديي
وأجمع بكفي شوق ليلي لمسراي = من أول مقام شاقني لأبجديي
ومرت بي الذكرى على مرتع إصباي = وأوسط منازل صحبتي وأوليي
مريت بأطلالي تذكرت ليلاي = وضيعت بأحداقي مصابيح ضيي
وغنيت مول سابق الوجد لغناي = يقطع إغناي وعبرتي وأبرحيي
حيثي نسيت إني تماديت بحداي = ولمست مواويلي مشاعر خويي
قال إنتبه وأنتم هل العزم والرأي = واشره على الشلقان ياحي حيي
قلت أنت تعشبي من أقصاي لأدناي = تعال نجلس فوق متن أحمديي
وأصغى وأسولف له وأنا أمررأخطاي= بمدافع العثرات مافيه زيي
طيرت بأشناقي وثبتت ماطاي = طاير ونازل والمدبر وليي
ياربي إني طالبك وأنت مولاي = طهربي الظاهر ونظف خفيي
مرات يعبث بي وتعتم بي أجواي = والناس تأخذني على طالعيي
وتبخل مساحاتي وتصغر زواياي = ويصير جلادي يدي من عصيي
وعلى طريق الرايح إحداي ببكاي = وعلى طريق الجاي ضيعت ضيي
[/poem]
