يكفي اني لاذكرت فسالفه عشاق قيل ــ عاشر احبابه شجاع وفارق احبابه شجاع
هذي قصيدة منقولة من أحد المنتديات
أتمنى تعجبكم :
من بغى الفرقا لقاله عذر وأسباب ودليل &&& خل عنك العذر والأسباب دام الحب ضاع
كان ودك بالفراق أبشر عسى عمرك طويل &&& لا تردد و أنت لك كلمة ولك امرا مطاع
لي عليك أنك تبد بكلمتن تشفي الغليل &&& ولك علي أني لاوقف وقفة الرجل الشجاع
لا تجاملني مخافة قال مدري خوف قيل &&& عمر هرج الناس ما يسمن ولا يغني جياع
كان قصدك سر حبك أوعدك لأصبح بخيل &&& واحمل أسرارك معي للموت قد المستطاع
بس قلها قل ما أحبك وابشر بصبر جميل &&& لا تحسب أني مثل من طبعهم لوي الذراع
صاحبك ما هو كذا يا صاحب القد النحيل &&& صاحبك طبعه غريب وغربه غرب الطباع
فالهوى ما يقبل الحل الوسط ولا القيل &&& مثل ماهو لا شرى يشري ولا من باع باع
ثابت لو هي تميل الأرض حدرة ما يميل &&& يدري أن الفقر ما هو عيب والدنيا متاع
ما عشق لذة حياة كثر عشق المستحيل &&& ولا كره حتى مماته كثر كره الانصياع
كم تعلم من شديد البدو وش معنى الرحيل &&& وكم تعلم من غروب الشمس وش معنى الوداع
وكم تعلم من سحاب الصيف وش معنى الحصيل &&& وكم تعلم من ليالي البرد وش معنى الضياع
ايه أنا هذا طريقي موحش وصعب وطويل &&& وأنت لا منك تعبت العالم فجوجه وساع
اعتبرني في بداية سكتك عابر سبيل &&& ورح وأنا قلبي معك من وين وجهت الشراع
يكفي اني لا ذكرت فسالفة عشاق قيل &&& عاشر أحبابه شجاع وفارق أحبابه شجاع
محبكم /// أمير بكلمتي
