الله بالخير على كل مواطن ومقيم والي جاي بالتهريب وقاعد بدون اقامه
مره سالت امي وانا طفله بريئه عمري 4 سنوات : ماما ماما .. كيف جبتيني ؟ قالت بعد ارتباك شديد : من صندوق كنت افتحوو واخدكم بالدور > هنا لزقت المعلومه في مخي
المهم مو هذا موضوعنا
منذ زمن بعيد وانا في عمر الزهور كنت بنتوون يشار اليها بالبنان ..
اذا شافوني الناس يقولون شوفوا شوفوا البنت الكويسه هذيك وانا اتمخطر ويخالجني الحياء الشديد ..
وفي اليوم التالي كانت العائله الكريمه جالسين في الصاله وفتحوا والموضوع قالت امي : ميمو دحينا هيا الكبيره والدور عليها ..
وانا من الحياء اناظر تحت واحك رجلي بالارض واختي الصغيره تناظرني بحقد مادري ليش ..
الا ادري عشانها تبــآ تعرس بسرعه وانا صاكه عليها خخخ
حتي مره كنت في الغرفه اصلي وتخش وتفتح الباب باقوى شي وتصرخ علي : اكرهك انتي ليش اكبر مني ..
وتروح وهي تدعي علي بالموت ..
وانا اناظر ببراءه : ما بالها اختي الحبيبه تصرخ في وجهي انا وش ذنبي اذا امي اختارتني وطلعتني من الصندوق قبلها ..
وبعد مرور الاشهر والايام وانا انتظر فارس الاحلام ( انريكي )
قربت الاجازه وانا صرت بنت مؤدبه قدام الناس كل ما صارت عزيمه اسوي نفسي قدام الحريم واشيل واحط واقهوي
واذا امي نادتني انقز .. درقن .. درقن : لبيــه يوومهـ ..
>>يعنني البنت النشميه
واذا امي حطت العشاء اقول للضيوف : هآآ يا خاله وش رايك بطبختي هذي ان شاء الله اعجبتك ؟
وفي يوم كذا كان اخر اختبار لي في الجامعه واجازه رجعت البيت وتغمر قلبي الفرحه دايما في الاجازات يكثرون الخطاب ..
وادخل القى جدتي حاطه قناة الساحه وتشوف عرضه نجديه .. طمبق طمبق .. : كيف حالك يا حجه وش عندك عرضات وطق وش تحسين بووه ؟ ..
وترد جدتي : يوووه يا بنتي وانا في عمرك كده كنت اعرف اسوي زي هدولا الشباب كان سيدك الله يرحموو يمسك ايدي ونعرض سوا ..
قلت : ايه ماشاء الله عليكي يا ستي كنت رومنصيه انتي وسيدي ..وتغطي خشتها بالشيله وتضحك اهيء اهيء اهيء ..
المهم واقوم اخذ الخيزرانه حقت الوالد كان يعلقها في الصاله اسلوب ترهيب وتخويف واعرض ..
طمبق طمبق نحمــــد الله و ناناننن .. طنق طنق .. وانا اناقز تقولون ضب يحكون عكرته الا وتجيني عين مادري من وين واقع على الارض > تصوير بطيء .
. وتجي جدتي : بسم الله عليكي يا بنتي اشبك يا حبيبتي ؟ ..
قلت : لا ولا شيء بس رجلي اغمى عليها ..
واجي ابقوم ولا اقدر .. جا ابوي ووداني المستشفى ..
خذ لك بريك خذ لك كت كات
تيراااا رااا رااا
عدنا
خش ابوي وانا قاعده العب بسماعة الدختور ومعي السسترهـ تهون علي ..
واروح له : هاا يا ابوي وش قال الدختور صارحي لا تخبي عني شيء ؟ ..
ويمسكني مع اذوني : لا يا شيخه بتموتين ؟! التواء في الكاحل ... ويجرني للبيت ..
وارجع للبيت واسوي نفسي تعبانه ومسكينه قلت يمكن احزنهم ويجيبولي عصير وحلاوه ..
وتجي اختي لمي : يا حرااام اجازه ورجلك خربانه وما بتصلح الا والاجازه خلصت هي هي هي ...
وتروح ويجي اخوي : يؤ ميمووو انا شايف مثل رجلك هذي قطع غيار في الورشه اجيب لك ههههههههآآي ..
وانا اقول لنفسي : لآلآلآلآ ونعم الاخوان ..
جات اختي اليوم الثاني وانا نايمه وكنت احلم حلم مره حلووو وتنقز عند راسي : ميمو ميمو ميمو ميمو
.. وارد : ولعنه وش تبين يا قلق ؟
وتقول : في ضيوف عندنا يسألون عنك ..
و اقول : عن اذنك انريكي > اكلم الحلم ..
واقوم زي الجني : قولي قسم؟ ..
وتجي امي : ميمو قومي هدي خالتك ام خالد جايه تخطبك لولدها وتبغى تشوفك يالله قومي ألبسي و أتكشخي ..
واقوم البس و اتكشخ وكذا واطمر عند الباب
.. وادخل وامشي على استحياء
واقول لنفسي : قهر لو رجلي مو مصابه كان اتمخطرت و سويت لها عرض ازياء الحين ..
والحرمه تناظرني من فوق لتحت حتى جلست قلت لاآ شكلها اعجبت فيني ..
واناظر بنص عين القى بنوته صغيروونه جالسه جنبها شعرها كدش وما عندها الا ثلاث سنون والباقي مسوس ..
وتناظرني وفي عيونها شر وتمد يدها وتسوي لي كشش ..
قلت مالت ان شاء الله ما تكون شبه اخوها بس .
شوي جوال امي يدق وانقز اشوف : ام خالد " يتصل بك " يؤ يؤ وارد واقلد صوت امي : الوووو ايوه يا ام خالد مرحبابك يا حبيبتي اسمعي وانا اووختك اتصلي على تلفون البيت ما عندي رصيد واسكر ...
وارووح انادي امي : وومــآآآهـ ردي على ام خالد تتصل على التلفون ..
وترد امي من المطبخ تحت ..
وانا ارفع السماعه واتسمع عليهم من فوق .. اهلين يا ام خالد كيفك ...
ومن الكلام الفاضي هذا شوي ام خالد تقول / بنتك ميموو ..
امي / اشبها ..
ام خالد/ واللهي انتي ما قلتي لي انها عرجاء وانا ما كنت اعرف سامحيني بس انا ولدي مو ناقصووه حاجه عشان ياخد وحده عرجاء ..
واسكر بخشتها
وخربتهآآآآ ..
وتجي امي تهزييء وليش وما ليش هيا فاهمه غلط كنا نقدر نفهمها ومادري ايش ..
سلـــموَوَوَوَوَوَوَ واِســــلموِوِوِوِوِوِ :
ـآم صـ‘ٌع‘ٌـفق^
( ميمو )
(memo)
>>بكل اللغات عشان اخواننا العرب
>>هههههههههههههه
