(( رسالة نادره - من الأمير - عبيد بن رشيد الى اهالي المستجده بحائل ))
(( رسالة نادره - من الأمير - عبيد بن رشيد الى اهالي المستجده بحائل ))
((((( وثيقه )))))
رسالة نادرة من الأمير عبيد بن رشيد الى اهالي المستجده
من عبيد بن رشيد الى الاخوان سالم العمر وعلي بن ربيعان ومن يراه
من اهل المستجده. سلام عليكم ورحمة الله وبركاته ... وبعد : بلغنا
الخب ان غالب القلبان مابه ماء والماء زوده ونقصه من الله العزيز العليم ,
واخبر سبحانه في محكم التنزيل ان ( الله لايغير مابقوم حتى يغيروا
مابأنفسهم ) وقال عز شأنه ( قل ارأيتم ان اصبح ماؤكم غورا فمن
يأتيكم بماء معين ) والأدله والاحاديث بها المعنى كثيره عن الله
ورسوله , والعرب يقولون ما بالقلوب با المرجان ... والمستجده مابقي
بها احد من هله اليوم . كل محاماتكم تبون قل الماء , ولا بقي الا انتم
ياعيال علي الحمدان , فاليوم اشوف الشيطان برم عليكم وانتم عيال
رجل واد والمستجده انتم به خشر لو مابه الا قدح واحد تخاشرتوا به .
وبالحاضر اشوف بعضكم طمع ببعض وفسدت نيتكم وغيَر الله عليكم
بنقص الماء ... واليوم بالجبل ناس اقل منكم ماء , يسقون نخلهم ظما ..
وصابرين لحكم الله ... وانتم مانتم راضين لا بقدر الله ولا اللي راضين به
الناس ..دلوكم تعملونه اربعة جلود ورشاكم تحطون به عشر من البل ..
تبون تنهبون رزقكم من دون الله , وشط الفرات نهر من انهار الجنه شهر
يزود يفيض على السهل والوعر وشهر يقطعه الزلمه على رجليه يهلكون
اللي على اله .. وهو من الجنه يمشي .. ولاهو قل بخزاين الله .. لكن
يوري الناس لعلهم يعتبرون قال تعالى ( وكل شيء خلقناه بقدر )
والاية الثانيه ( وكل شيء عنده بمقدار ) وقال تعالى ( ولو اتبع الحق
اهواءهم لفسدت السموات والأرض ومن فيهن ) وانتم تبون على
هواكم .. من عنده جغمة ماء يبي ينهبه عن ولد عمه .. والله يقول (
ونبئهم ان الماء قسمة بينهم كل شرب محتضر ) واللي اشير به عليكم
وعلى انفسنا التوبة الى الله واصلاح النيه .. وقل الشحنه .. كما قال
صلى الله عليه وسلم ( لايؤمن ادكم حتى يحب لأخيه مايحب
لنفسه ) وتروا لو يهلكون رجاجيلكم عيال عمكم ما قعدتوا به وحدكم ,
والشده ماهي قبل ... حط الله مع العسر يسرين .. واللي انا شايف
لكم اعملوا الدلي مثل دلي اهل الجبل .. هالي مسقاتهم ويبعض اللي
عنده شيء من نفسه للي ماعنده شيء .. وحطوا يوم من وراء يوم ..
لما ياصل الماء حدري قلبانكم هاللي راكبين اهلهن عندكم .. وحطوا
يومين .. وسوقوا الثالث لما يتواسن قلبانكم الوصط بالماء .. وانتم اسقم
اهل الجبل اليوم .. وراجي ان الفرج قريب ان شاء الله . واحدثوا نية
طيبه .. وايمروا بالمعروف وانهوا عن المنكر .. وحافظوا على الصلاة ..
وعبرو المكاييل .. تروا الى علم الله نيتكم .. قريب مجيب كما قال ( انما
امره اذا اراد شيئا ان يقول له كن فيكون ) وقال تعالى ( واذا سألك
عبادي عني فاني قريب اجيب دعوة الداع اذا دعان فليستجيبوا لي
وليؤمنوا بي لعلهم يرشدون ) وحقكم علينا النصيحه والدعاء لكم
وللمسلمين وهذا اللي نشير به عليكم وننصحكم به والاَ راجي بحول الله
وقوته انه مايجي الحول ان شاء الله الا كل قلبانكم رادَه ..اذا احسنتم
النيه ... وسلموا على الجماعه من غير عدد واقروا خطنا عليهم وانتم
سالمين ......................... الختم .... عبيد بن رشيد ( بدون
تاريخ ) ............. ونقله من اصله بلفظه وحروفه كاتبه علي الصالح
السالم تعميما للفائده في 14-11-1378هـ
......(( منقول ))
( ولد حايل) - وقد قال لي احدهم انه شاهدها وقراها في أُم عينه
وعليها الختم -الخاص بالأمير والفارس والإمام ( عبيد العلي الرشيد ))
وإذ : اقدم لكم ذلك - فيها النظر الى التدقق بالمعني الراق والمظمون
المفيد والجوهر الصافي والنقي من الحاكم الى محكوميه .مع الخوف من
الله في السر والعلن والنصح والتناصح بين الحاكم والمحكوم .
هذه الوثيقة التي توضح أولئك الكرام كيف كانوا
يجمعون بين العدل والدين وتصفية القلوب بين رعيتهم وبين
الشجاعة منقطعة النظير .
هذا هو عبيد العلي الرشيد – وهذه صفته وصفاته وهذه سماته وهذه
اخلاقه وخلقه ومحبته لجميع الناس (( وللمعلوم – اهل المستجده هم
من بني تميم )) يعني خيره شمل جميع القبايل.
والحري بنا ان نعامل بعضا ببعض صفات هذا الامير الذي ادعوالله له
المغفره والعتق من النار وان يدخله فسيح جناته وان يكرم نزله مع
الصالحين الأبرار هو ووالديه ووالدينا والجميع وجميع المسلمين - آمين .
والمعذره ان كان فيه قصور او زياده او اخطاء كتابيه او لغويه - اجتهاد -
والمجتهد يخطىء ويصيب )
ولكم خاااااااااااااالص تحياااااااااااااااتي
اخوكم
ولــــــــــــــد حــــــــــــايــــــــــــــــــل
