خايلت برق تالي الليل لاحي=املت خير وحطّمه بارق الصيف
.
.
.
[poem=font=",6,orange,normal,normal" bkcolor="black" bkimage="" border="none,4," type=0 line=0 align=center use=ex num="0,black""]
خايلت برق تالي الليل لاحي=املت خير وحطّمه بارق الصيف
ينوض برق خيالها له ضياحي=مثل البحر ماخضر على جاله السيف
حاولت احقق حلم ليلي وراحي=اهب وقت مايجيلي على الكيف
اللي من العقّيل يسمع صياحي=كانه من الحضران والا هل الريف
شيروا علي ولاتكونوا شحاحي=لولا الهدف ماسمي فلان هديف
حكمة تعالج بالفواد الجراحي=اخير من كثرة هروج الملاقيف
ياحمد فكري بالمساء والصباحي=بالليل بالصمان واصبح بهيّيف
عودا تجدد كل ماقلت طاحي=من عقب عشرين السلف صار كيّيف
قلنا هو اللي فيه خير وصلاحي=من قبل يكشف نحسبه خوش عريّف
وطلع قليل الفود فيه انفتاحي=ليته عن الانظار غايب ولاشيف
او ليت خلاها لطير الفلاحي=هو الذي وافي بكل المواقيف
[/poem]
وهاذي قصيده غزليه له
[poem=font=",6,orange,normal,normal" bkcolor="black" bkimage="" border="none,4," type=0 line=0 align=center use=ex num="0,black""]
البارحه دمعي على الخد دفاق= يمطر كما مزن ينثر حقوقه
على وليفا شاقني مدمج الساق= اللي على متنه شعرها دلوقه
مصيونة ماغازلت كل عشاق= ولاهي من اللي بالعذارى طفوقه
وجدي عليها وجد من شاف الارهاق= بارض خلا مافيه شي يذوقه
غروا عليه القلب واله ومشتاق= عليه صندوق الضمير مخروقه
اقفوا به اللي تابعوا كل براق=ولاهمهم بعد المسافه وعوقه
يتلون نوض البرق من وين ماساق= ولاهمهم غال البضايع بسوقه
وانا الذي يضرب على القلب دقاق= بوسط الضمير النار زادت حروقه
ضروف الزمن حالت عاى الزين بفراق= عزالله اني ماستطيع بلحوقه
نزع من الغوطه قبل وقت الاشراق= نزع على قب وساع شدوقه
يم الربيع اللي تباها بالاوراق= مع السلامه في نهايه نطوقه
واطلب من اللي للمخاليق رزاق= عسى المطر لديار حايل يسوقه
من شان ينبت به زماليق واعذاق= وباق الديار الغيم يقصر دفوقه
ماهي عداوه للمخاليق وشقاق= لاشك ابي مضنون عيني يشوقه
قالوا لي اصبر واطرد الزين بارفاق= قلت القدم حفية وبانت شقوقه
قالوا ترى المطرود ملفاه بلحاق=اصبر عسى المطرود تاصل لحوقه
[/poem]
الشاعر المبدع عبدالله حمدان العمودي الشمري
