رد ابن خمسان على ابن ساقان
مطلع قصيدة الشاعر محمد بن ساقان القحطاني
من يم نجد وشرق مكـه وطيبه،،،،،،،،،،، لين الديار اللي جنوب القريـــــات
جيت بخفوقي شوق ما ينحكيبه ،،،،،،،،،،،،،،،،،،،،،،،،، أكـبر من حروف الشعر والكتابات
شوق ماهو شوق الحبيب لحبيبه،،،،،،،،،،،،،،،،،،،،،،،،، شوق الطنايا للكرم والجمـــــــالات
.................. إلى أن قال :
الشمري عيبه وعيبه وعيبــــــه ،،،،،،،،،،،،،،،،،،،،،،،،، ليارتكـى للحمل شـال الثقيـــــــلات
الـــرد على القصيده :
من دار حاتم والجبال المهيبـــــــــــــه ،،،،،،،،،،،،،،،،،،،،،،،، من خشم زيزوم الجبال المنيفات
في رأس أجــــا عشت الثواني عصيبه ،،،،،،،،،،،،،،،،،،،،،،، خوف القوافي ماتجي مطلب الذات
ردٍ على من خص شمر بطيبـــــــــــــه ،،،،،،،،،،،،،،،،،،،،،،، من يم نجد ليا جنوب القريـــــــــات
حيى الله المشتاق واللي يجيبـــــــــــه ،،،،،،،،،،،،،،،،،،،،،،،، بديار شـمر كاسبين النفــــــيلات
واجب علينا ضيفنـا نحتفيبـــــــــــــــــه ،،،،،،،،،،،،،،،،،،،، نحرص عليه ليــــا هبى كل شما ت
حييت يانسل الرجـــال العـــــــــــريٍبه ،،،،،،،،،،،،،،،،،،،، سـاس العرب قبل الرسـل والخلافات
قحطان ماعندي جديد أحكيبـــــــــــه ،،،،،،،،،،،،،،،،،،،،،،،، يعرفهم اللي فوق سبـــــع السموات
قومٍ فعولــــــه حتى الأصقه دريبـه ،،،،،،،،،،،،،،،،،،،،،،،، يشهد له التاريخ ماهـــــــي خـــــــرافات
قبيلةٍ يخضـــــــــع لــه المجد هيبه ،،،،،،،،،،،،،،،،،،،،،،،،،، وتاريخهم تصفحـــــــوه الخـــــواجات
وأنـا تصفحت البيوت الرهيبـــــــه ،،،،،،،،،،،،،،،،،،،،،،،،،،، وبشكره عن لابتي عشر مـــــــــرات
مدحه وشوقه ماأعتبرها غريبه ،،،،،،،،،،،،،،،،،،،،،،،،،،، اللي جذبـــني قوُ حبكــــــــــــه للأبيات
وحبيت أكلف واحدٍ ينهقيبـــــــــــه ،،،،،،،،،،،،،،،،،،،،،،،،،،، رجلٍ ذخرته بس لأجل المهمــــــــات
حامد عسى ربي يكافيه غيبــــه ،،،،،،،،،،،،،،،،،،،،،،،،،، مني مشى يم إبن ساقـــــــان بالذات
يحمل سلامي والمزرف بجيبـــه ،،،،،،،،،،،،،،،،،،،،،،،،،،، وياصل بحفظ الله بيسر وســــــلامات
سلم عليه وقل متى نلتقيبـــــــه ،،،،،،،،،،،،،،،،،،،،،،،،،،، تر معرفة عكف الشوارب تجـــارات
وعطه الجواب وقله أكبر ظريبه ،،،،،،،،،،،،،،،،،،،،،،،،،،،،، إن طولوا ماشرفونـا زيـــــارات
قبــــــلان الخمســان
