ياعلي خل العيد لام الدناديش = اللي تنظف كل يوم جسدها
[align=center]،
،
،
،
،السلام عليكم ورحمة الله وبركاته
قصيده قديمه للشاعر الكبير صــــقر النصـــــــافي رحمة الله
[poem=font="Simplified Arabic,5,#FFB100,bold,normal" bkcolor="#1F1F01" bkimage="" border="none,4,#400000" type=0 line=0 align=center use=ex num="0,#400000"]
ياعلي خل العيد لام الدناديش=اللي تنظف كل يوم جسدها
تبغى تماري ناقضات العكاريش=في كل ملفاح تنقض جعدها
العيد عيد الله ولو فات حتيش=من حسبة أيامٍ يمرك عددها
نبي نعلمك المساري على الجيش=تمشي ذلولك لين يفتر جهدها
خابرك ما انت ضاري للمطاريش=نبيك تونس حلوها من نكدها
ليلة على مسرى وليلة مغابيش=وليلة نخلي نومها لمن رقدها
وليلة على تمرة وليلة على عيش=وليلة نوكلك الشحم صيد يدها
ياعلي لاجيت العرب لا تجي ديش=خبلٍ ليا جاب السوالف سردها
احفظ لسانك لايجي فيه تبطيش=تصبح عيونك كايدات رمدها
يجيك من ينشدك نشدة تقتيش=يبي يسنع هرجه يعتمدها
خله يقوم مفلت مافي يده ريش=يروح منك وحاجته ماوجدها
ترى دعابيل الخبول والفوانيش=تبدي بما فيها ولاحد نشدها
يجيك واحدهم يورش توريش=عجاجته يسبق مطرها رعدها
والا غمقات السوالف مناقيش=قراية الكلمة على اول عددها
تجي سوالفهم بضحك وتبهيش=وقلوبهم محد يفكك عقدها [/poem]
[/align]
