شمر اهل الرمح والسيف الشطير
السلام عليكم
/
للتواصل ونبذ الفواصل ..!!
اضغط هنا .... للحفظ
راكب اللي لامشـى كنـه أميـرِ\\ \\ايتباهـى ويتغنّـج فـي فـخـر
أقصد الفكسار ليش إنـه خطيـر\\ \\موترٍ بيـن المخاليـق اشتهـر
من قبل قولي تمثّـل بـه مريـر\\ \\ووصفه فرحان بأبيـات وشعـر
وارد اليابـان صنّاعـه خبيـر\\ \\يقطع أميال ومسافـات ووعـر
في مزاياته وفـي شكلـه مثيـر\\ \\معجـزة يابـان إبـداع وفكـر
لمع زيكه كنه السيـف الشطيـر\\ \\في يمين الشمري يـوم الظفـر
يوم يقبل مثل موسى بن نصيـر\\ \\وإن تقفيتـه عقيـدٍ منتـصـر
أفنس الخشه تكل خشـة بعيـر\\ \\عابسٍ وجهه تكل ضابـط خفـر
أبيضٍ لونه مثـل سـن الغريـر\\ \\أو ذكر بطس على ضفّـة نهـر
كشنه الديباج وأسـلاك الحريـر\\ \\مقعـدٍ طبـي وتكّايـة ظـهـر
والسيور اللي تـدور وتستديـر\\ \\كن توحاّبه صدى نايـف صقـر
لانوى الممشى وعزّم بالمسيـر\\ \\وش يسوّي الرنج عنده والهمر
مايدوّر به بدل شخـصٍ بصيـر\\ \\ولاقنـاه إلاّ فطـيـنٍ مقـتـدر
كل حاجه تستشير ابهـا شويـر\\ \\ماعدى الفكسار لو عندك نظـر
لنّه المجلـوب للـدرب العسيـر\\ \\لنّه المطلـوب بـدروب السفـر
مايطقّـه كـل محتـاج وفقيـر\\ \\ولامسح كبوّتـه الوجـه الـودر
مركب شيوخ وهوامير ووزيـر\\ \\والضعيّف يفـرك ايدينـه قهـر
لاعطـاه القـاز سوّاقـه يطيـر\\ \\واعتقد لولـه جناحـاتٍ شهـر
نيزكٍ يقطـع دياجيـر وهجيـر\\ \\مثل ماكوك الفضاء يرسل شـرر
سايقه حرٍ من ربوعـي جديـر\\ \\من ضنا الهيلا طويليـن العمـر
انطلاقـة رحلتـه تلعـة زريـر\\ \\ومدرجه حايـل وشمّـر يابشـر
الطنايـا فيهـم أبياتـي تحيـر\\ \\كيف أوصّف مفخرتهم في شطر
شمّر أهل الرمح والسيف الشطير\\ \\تقطف أرقاب العدى قطف الثمـر
محتمين الـدار لاصـاح النذيـر\\ \\لابسين الطاس والجوخ الحمـر
للمعـادي حنظليـل وزمهريـر\\ \\وللموالي يـوس فنـدي وزهـر
تكرم العانـي وتفـزع للقصيـر\\ \\تنصر المضيوم وتدوس الخطـر
من زبنهم ينعم ويصبـح بخيـر\\ \\ومن تحداهم يبي ينطـح صخـر
كم عقيـدٍ منّهـم عـوّد كسيـر\\ \\وقام ينطي ربعه دروس وعبـر
وياصلاة الله عدد ماطـار طيـر\\ \\للرسول اللي فدى الدين ونشـر
وسلامتكم
الشاعر نايف العبيد العتيبي
