ياخالد ........> للشاعر شداد بن محمد الهاجري ...>
صبحكم / مساكم الله بالخير
هذي قصيده للشاعر شداد الهاجري يقول لصديقه الشاعر خالد الوبير الشمري
أتمنى تنال اعجابكم ..............!
(. القصيده .)
ياخالد احذر هالزمن كشر الناب
ياخالد اسمع قصتي لاتحاكيت
وشلون صارت ...؟ اقرب الناس اغراب!
اجساد حيه والقلوب ابتوابيت
سود الليالي شيبت بي وانا شاب
من غدرها ياصاحبي ماتهنيت
ول ياضيم غدينا له اسباب
ول ياضيق اشهد انك تماديت
سرابي الهاجس وشرّعت له باب
باب الفكر شرِع وانا اللي تغنيت
لي مع الماضي مشاريه وحساب
الله ياوقت مضى كم تفانيت
نمشي بهالدنيا على سهول وهضاب
كم واحدٍ افنى منتظر عل وياليت
صكات بقعا والغدر مثل الاحزاب
تحالفو ضدي وانا اللي تشاقيت
اعوام مرة ماهتني بحلو الاشراب
الريق يابس قالو عني توفيت
وشلون اهاب الوقت وانا للي مهاب
ابطيت مكسور وتوي تعافيت
من يوم شفت الزين ابو رمش واهداب
اقول هذا اللي في حلمي تمنيت
ذاب الخفوق بشوفته مبطي ماذاب
اجر صوتي كل ما اصبحت وامسيت
فيها براءة طفل مابين الالعاب
واليا مشت تاقف جميع التواقيت
واليوم حالي اشكي الدمع سكاب
الله يروف الحال ياصاحبي ليت
غابت نظر عيني مع اللذي غاب
من يوم غابت انطفى نور هالبيت
ياصاحبي لاتقول كل شي له اسباب
افنيت عمري بالرجا ليت مافنيت
قسوة زماني كنها عظة الداب
اضحك شوي واليا طرا السم تباكيت
