محدن لفانا من طواريش طابـه =ولحدن مع هاك الجبال انحدريـا
.
.
.
.
الشاعر عبيسان الحميداني المطيري يسندها على محمد خلف الخس
[poem=font="Simplified Arabic,5,#0300FF,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
محدن لفانا من طواريش طابـه =ولحدن مع هاك الجبال انحدريـا
يمكن يفرحنـا بعلـمـن لفـابـه=ينفعك من دار المحبيـن طريـا
يجيب علمـن ناخـذه ونهجابـه=من واحدن حبه برا الحال بريـا
بريت قلم ورعن غشيم الكتابـه=طول عليـه ابريتـه وانكسريـا
بسباب غرون طاغين في شبابه=اغراني الله فيه والحـب غريـا
اوما على قلبي بسيفـه وصابـه=بسهوم نجلن تفري الجوف فريـا
خلا فـوادي والظمايـر خرابـه=مجروح روح منه والناس بريـا
نبنوب موزن ناعمن في شرابـه=عليه ريعـان الجليـب انفجريـا
مكنون عن لفح الهواء والتهابـه=جذعه عليه الماء الرهاو تسريـا
وخدن كما البنور عند انشبابـه=ولا ايشادي نور ضوح القمريـا
يامن يجيب ومن يـود الاجابـه=يمشي خفا والناس ماهم بدريـا
علـي معروفـه وبالله ثـوابـه=يطلب ومايطلب علـي الخسريـا
للي قنب دونـه غليـث الذيابـه=نحوا وراحوبه عوجـان الاريـا
من دونهم خدن يطمـه سرابـه=هم بالجبل وانـا بحـد البحريـا
عسى السحاب الغر يسقي ترابـه=ياخذ اسبوعين المرازيـم جريـا
على هك الوديان يهمل سحابـه=قوع الشجر من جرت السيل عريا
واليا خـذا مـده ورفـع ربابـه=اليا الجبل والقاع كلـه خضريـا
كل الجبل يربع ويخضـر جنابـه=تندا ويطلع مـن قرهـا الوقريـا
بيوت الشعر تبنى ويرفع اقطابـه=واشوف من يطلع ويدخل جهريا
انا اليا ماشفـت زولـه كسابـه=والله ماغبط اهل البنوك التجريـا
اخير من قصرن اليا صك بابـه=يضيق صدر اللي يسوق النظريا
من اول صابر ولا قلـت جابـه=واليوم باح السد طول الهجريـا
يابو خلف صاحبك جاه ولجابـه=من نوع ماتشكي بهاك الشهريـا
يوم انت تشكي حب جالي اعذابه=تشكي ومن حبه تهـل العبريـا
منهن تحملت العنـاء واللبابـه=من ريقهن كد ذقت طعم الخمريا
اليـوم لاتنقـل عليـه عتـابـه=في حالتي يالخس دير البصريـا
افزع لمن خله سعى في ذهابـه=حاله من الفرقا عليها الخطريـا
اما وصفت اليا الدواء والشفا به=ولا ترى اخوك الصغير انتحريـا
لياعاد أبن عم ورفيـق وقرابـه=اللي علي انـه يجيـك الخبريـا
ومني سلامن مايعـدد احسابـه=للي على الحب الشريف انتصريا[/poem]
رد الشاعر محمد الخس على الشاعر / عبيسان بن رويل الحميداني
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
حي الكتـاب وحـي راع الكتابـة=ترحيب الذ من العسـل لاعصريـا
يامرحبا عـد الـورق لـه بغابـه=وعد الجراد اليا نهـض وانتشريـا
في مرسل المكتوب عرب النسابـه=نسـل الفهـود مسرحـة لنذريـا
عبيسان يلي فيـك عقـل وذرابـه=لعل عمرك طـول عمـر النصريـا
جاني جوابن فيـه نـوع انقلابـه=حلون ومدفونن مع الحلـو شريـا
ومن التعسر فيـه نـوع وصلابـه=وانا علي العسـر ماهـو عسريـا
انا سريـع الـرد لاجـت نشابـه=انشـد وتلقانـي بطـول الدهريـا
ان كان ماجوبـة خصمـي عيابـه=بلي مقاطعهـن مقاطـع صخريـا
اليا هاج بحر الشعر ثم جاك مابـه=مركب غرامـي بالمواقـف دفريـا
فتحت فقـرن مثـل فقـر الهابـه=لو تجهره كـل العـرب ماقصريـا
وصبيت من زين المثايل اصبابـه=مثل الجنيه اللـي ذهبهـا حمريـا
ماوالله انقل من خصيمـي حزابـه=الا الرفيـق ادراه دري النظـريـا
اقولـه هــلا ويــا مرحبـابـه=واعطيه ماتملـك يـدي لا ومريـا
ليامنه اونـس كبـر راس الذبابـه=افـداه بالغالـي واشيـل السهريـا
ولاكثيـر النـاس رفقـة خيـابـه=يرافقك من شـان نتـف الوبريـا
رفيـق بيـام الرخـاء والطرابـه=وليا نخيته من المخافـه صفريـا
ترى الزلابـه لـه رفيقـن ازلابـه=تلقى الغبـر يحـط مثلـه غبريـا
ماوالله ارافـق ادحـوش الدبابـه=اللي تهارش مثل وصف الجعريـا
اهـل النقيلـي بينهـم والسبابـه=من رافق الرديان خـاب وخسريـا
ربعي هل الناموس سقـم الحرابـه=فهود الزراج اللي وراهـم سفريـا
هم الملوك اهل الشـرف والمهابـه=والا نشامـن طيبهـم ماخشـريـا
واقرب اربوعي من شكى ناس طابه=ابـو محمـد طيـبـن لانعثـريـا
فيه المـروه والصخـا والحبابـه=طيـب وانـا بطيبيـن افتخـريـا
والحب من عصر النبي والصحابـه=شكوه اهل جوخن تنقـش بزريـا
عبيسان من خله اجروحه اعطابـه=سحر الهواء صابه وهو منسحريـا
ساقه وعاقه واخـذ قلبـه انهابـه=عنق الفريد مـن المهـا لنذعريـا
ابو محمـد جـاب عمـره اطلابـه=من حب غضات النهـود انحشريـا
نجل العيون اللـي عليهـن رقابـه=اللـي تحـس بجيوبهـن الثمريـا
راع الهـواء لاورد فيـه انحطابـه=يفتـر قلبـه مثـل فـر الكفـريـا
يقنب قنيب الذيـب لامـن عوابـه=لولا الحيا مـن العـرب ماستتريـا
يجر صوتن مثل صـوت الربابـه=تقـول سكرانـن وهـو ماسكريـا
هذا وياباغـي مـن الخـس ثابـه=تقـول ماللحـب طبـن اذكـريـا
شفاك ورضاك الخفي والـدوا بـه=مـن ذبلـن بشفيهـن الشكـريـا
ليا نمت مع غض النهد في ثيابـه=هذا هو المطلـب وهـذا الدوريـا
مع عود ريحانن يميل الهـوا بـه=عليـه شطيـن العـراق اتهدريـا
سقني وبعني قدم وجهـك اجلابـه=فـي لازمـك ممنـون لاتفتكريـا
حالي ومالـي لـك بليـا اطلابـه=الطيب عنك اليوم عنك ماينذخريـا
اليا عطـى الوالـي بليـا انهابـه=خذ صاحبك وانـا علـي المهريـا
وما صبـاح اليـوم ماينحكـا بـه=مافيه كز السبر ثـم قـول اغريـا
فاتت مراجـل لابسيـن العصابـه=حكـام وحكـومـات ماتنقـدريـا
تمت ياشوق اللي تلاعـج اعذابـه=وانكان اني قصرت ابيـك اتعذريـا[/poem]
