ياجماعه ادري اني طولت عليكم .
[poet font="Simplified Arabic,14,black,normal,normal" bkcolor="" bkimage="http://shammar.net/vb//backgrounds/44.gif" border="double,4,gray" type=0 line=200% align=center use=ex char="" num="0,black"]
احكمو فيه الرشيد ابطال شمر = نعم هم من حكم حكم(ن) مكينا
ترى شمر فعايلهم تعجز = وتراهم بالفعول المقدمينا
تلقينا بغلبا ما انغلبنا = لكثره غلبنا العايل علينا
طنايا على الاضداد قاين وصيارم = يلينن الجبال ولا نلينا
طنايا وان نخانا كل مبلي = توشحنا الهنادي ونتخينا
ونخينا كل مقدام(ن) مجرب = وجمعنا الجمع وبالجمع التقينا
واخذنا بثأر من صوت لشمر= تنخوى وانتخا ذرب اليمينا
وفعل فعل(ن) رفع روس الطنايا = وعلى فعله خصومه شاهدينا
ونوانا الشيخ ابن هندي بحايل = وحنا من نونا له نوينا
تحركنا ونزلنا له بعروى = قصرنا عنوه الشيخ وعنينا
وتقابلنا الضحى والشمس حيّه = خسر فيها وحنا الرابحينا
حمينا من لجا يطلب احمانا = ودحرنا كل غدار ونحينا
طنايا يوم رماح القوم تخطي = تصيب اراحنا من به رمينا
طنايا فعلنا فعل(ن) يترخ = ويبقى ماعلى البيداء بقينا
تدارسه الاجيال غير حنا = عظيم لو جحده الجاحدينا
طنايا هم سلاطين الجزيره = وهم الحكام في ماضي السنينا
طنايا من الزمن قرن احكموها = اضف عشرين معهن حاكمينا
تسيدنا وسدنا بالقبايل = قبايل نجد كله له ودينا
وتسلطنا بحد السيف الابتر = ازحنا من تولاه وولينا
وليناها حكمناها بقوه = ماهي هدو(ن) اخذناه ليدينا
على يدنا هدمنا حكم دوله = وعلى يدنا لدولتنا بنينا
كتبنا اسم الطنايا فوق عرشه = واسم من كان يحكمها محينا
وفتحنا ف سجل الحكم صفحه = وصفحه من حكم فيها طوينا
له الشيخان يهدون الهدايا = وله الفرسان هيبه خاضعينا
سلاطين الدول تأخذ حسابه = ولا احد(ن) فيه يقدر يستهينا
وجميع ال رشيد ابطال شمر = لهم فعل(ن) وتاريخ مبينا
وجمعوا بين الاماره والشجاعه = ومابين اللين والعزم المكينا
ولو نجد(ن) حموها واحتموها = اسود الغاب حامين العرينا
اسياد سادوا كل سيد = وهم الاسياد رغم المنكرينا
وترى شمر تميزهم ثلاثه = بها عن غيرنا متميزينا
صخانا الحاتمي من دور حاتم = اضف معه الشجاعه ثم دينا
ورثنا الجود من ابو الجود حات = بنا الامثال تضرب كل حينا
وسكنا بالجبل قبل النبوه = وما بعد النبوه له حمينا
الى يومك بأسم برزان تعرف = دلايل فعلنا لو ماحكينا
يكونن الفعول بفعل فاعل = وحنا للصعاب الفاعلينا
وغزينا الجوف يوم رويل زادوا = وهدمنا دونها الحصن الحصينا
وذبحنا بالهنادي كل خير = بقطع الراس للغادر جزينا
حصدناهم وابدناهم اباده = هزمناهم واخذنا البيرقينا
علينا يبتغون الزود لكن = تطيح الروس ماتعلا علينا
وغزينا المنتفق بأطراف دجله = هزمنا جمع خزعل وارتكينا
هزمن الي مع مبارك يحامي = وعن الفزعات ياما له نهين
لكنه تمادى في غروره = تناسى فعلنا مادري نسينا
ودفع قيمه غروره نصف جيشه = جزا للكبر واستهزيه فينا
يقود جموعنا شبل(ن) مجرب = شجاع لايذل ولايلينا
شجاع كل اهل نجد(ن) تهابه = ويهابونه هل البصره وسينا
ورجعنا للجبل معنا الغنايم = عوايدنا ليامنا غزينا
وفعلنا المعجزه في كون بقعاء = وذبحنا كل طاغي ماطغينا
ثلاث ألالف من مات وتصوب = نهار(ن) فيه شاب المرضعينا
نهار(ن) فيه سوينا الهوايل = على اغلب جمعهم حنا قضينا
صفا بقعاء عليه الدمع غطى = وكم من راس شيخ له وطينا
شريدتهم حلف واقسم وطلق فلا يغزي مدى عمره يمينا
وحاصرنا الكويت شهور اربع = وثلاث قلاع بالجهراء بنينا
ولاذوا في حما الانجليز عنا = وفعلنا المعجزات ولا نثنينا
ونخانا ابن ثاني واجبنا = كما العاده ليا انخينا مشينا
امرنا الضيغمي نمشي وسرنا = لبني يأس وهل البحرين جينا
وصلنا لدار ابن ثاني واغرنا = على جمع الغزات الطامعينا
وهزمنا جمعهم والكل يشهد = وشواهد ماذكرت القلعتينا
ونحينا عن جبلنا كل طامع = بحد السيف قطاع الوتينا
وبأراضي نجد كد رفرف علمنا = ومن البحره لحد الرافدينا
تحت رايتنا تمشي قبايل = ومن يعصي علىداره مشينا
وحنا هل المروه والاخوه = واذا ضاقت على المبلي يجينا
وكنا اهل الرياده والسياده = لنا تخضع ارقاب العالمينا
طنايا للمعالي فوق نرقاء = سنام المرجله فوقه رقينا
طنايا لقولنا تشهد فعايل = هل الفعل الاكيد موكدينا
لنا التاريخ يشهد بالحقايق = مع اهل العرف فيها شاهدينا
حقايق لو جهلها مثل هايف = كثير الناس ماهم جاهلينا
حقايق لو جحدها كل جاحد = تبين وتتضح غصب(ن) علينا
حقايق حق تثبتها وثايق = لها التاريخ وإثبات(ن) ضمينا
ولا احد(ن) يدعي بأفعال غيره = سوى الي عن الفعايل عاجزينا
ول احد(ن) ينكر افعال القبايل = سوى الي من فعايلهم غبينا
ولا احد(ن) ينكر فعول اهل الفعايل = سوى اهل الثرثره والناقصينا
ومن يظلم وعاش العمر ظالم = عليه يسلط الله ظالمينا
ومن قال انه الغالب والاقوى = عليه يسلط الله غالبينا
عليه يسلط الله من يذله = ويعيش بذل محدور(ن) مهينا
تعالى الله مايهمل ويمهل = اله(ن) مايدان وهو يدينا
اله(ن) يعلم إللي بالسراير = وماتخفي نفوس الحاقدينا
انا فيه التجي عن كل حاقد = وعن اهل الحقد هم والحاسدينا
هل التزوير وخلاف الحقايق = وهل التزيف والبغض الدفينا
n[/poet]
ويعطيكم العافيه.......
واسمحو لي على التطويل
