كثر المواصل بالهوى ماهو بزين
ودك بخلـك بيـن مـده ومـده
لن البني ادم ماترك طبعه الشيـن
لاحب له شي وشبـع منـه هـده
لكن لا منه جاك من حين لي حين
قـدرت جياتـه وقـدرت صـده
وان قلت ابيك وقال ماهوب ذلحين
لاتضايقه يمكن ضروفـه تحـده
اصبر عليه ايام وشهور وسنيـن
ان كانه يودك ... وكانـك تـوده
خلك لمنه اعطاك ماتطلبـه ديـن
ماجاك منه اخذه .. ومـارد رده
ولاتسوي مثل ناس(ن) مساكيـن
اصلك وفصلك بالهوى .. لاتعـده
العشق مايعـرف قبيلـه ولاديـن
نكـس حكومـات وفـرق اشـده
جـوّه عقـال وراحـو مجانيـن
وكم واحدن خاضه ولاهوب قـده
هذا كلامي وانت بتشوف بعديـن
والله ان تميز بين مزحه .. وجده
ارحبي اختنا ريم الهيلااااااااااااا حياك حياك اختي روعه صح للسسسسسسانك وللسسسان الشاعر الكبير عبدالله علووووش احبه هذا الشاعر كثير له قصصصيده يقول فيه مسسكر ومفتوح مفتوح ومسسكر .... تشووف رقمي ولا كنك تشووفه < صراحه الشاعر الكبير عبدالله علوووش هرم هرم شعري
واكرر اختي ريم الهيلا حياك حياك بين اخوانك اختي وبين خواتك انتي في منتداك اعرفي انك انتي هنا بين اخوانك وخواتك اختي وان هذا منتداك لاهنتي اختي بارك الله فيك
