-
تخيلو العكس الحرمه تقوم بنفس اعمال الرجال والرجال يقوم بنفس اعمال الحرمه... علشان تعرفون
انا مقصرين في حقهم ...
و الحين أنشوف المواقف الي ممكن تصير
ــــــــــــــــــــــــــــــــ
سعد عمرة 26 سنة خلص دراسته وقاعد ينتظر بنت الحلال الي تضفه (الله من واحد بيقعد بها لو الوضع كذا )... سعد تعبان نفسيا كل ماجو ناس يخطبونه لبنتهم وشافته بنتهم راحو ومعاد رجعو (وجه واحد رايح في خرايطها)...واخر وحده جتهم ام فهد تبي تخطب سعد لبنتهانوره ... نوره شارطة انها لازم تشوف سعد (الحمد لله على النعمة الي انحن فيها )... جت نوره وقعدت في المجلس ودخل عليها سعد ومعه العصير ... حط العصير عند نوره ... وطلع يركض لغرفته ... صك باب الغرفه وتسند عليه وخدوده حمر وهو يدعي يارب اعجبها وتاخذني .. .. وراحت نوره تشوف غيره... وجلس سعد اسابيع ينتظر رد نوره ؟؟؟؟؟
ــــــــــــــــــــــــــــــــ
نشوف قصه ثانية شرايكم ،،،،،
ــــــــــــــــــــــــ
ابو محمد يقوم من الساعة 6 الصباح …. ويسعى في فطور ام محمد واذا زهب الفطور راح لام محمد يصحيها
ابو محمد/ قومي يا ام محمد … قومي يابعد عمري افطري وروحي للدوام …
وبعد ربع ساعه من التدليع والتخقيق قامت ام محمد ….
التفت عليها ابو محمد وقال/ صباح الخير ….
ام محمد/ ردت برومانسيتها المعتاده كل يوم أي خير هو الي يشوف وجهك يشوف خير زهبت الفطور والشاهي يالدبشه والا لا ….
ابو محمد/ يرد ويقول نعم ياحبيبتي كلش زاهب ….
ام محمد / طيب اقلب وجهك عني ابغسل وجهي واجي افطر هاالحين ....
ابو محمد/ شوفي يا ام محمد هذي الوريقه فيها بعض المقاضي للبيت
ام محمد هذا الي انت فالح فيه يالثور
ابو محمد / الله يسامحتس ياام محمد ويخليتس لي ولعييلتس … وش انحن بدونتس.
ام محمد / المهم بكره انا عندي مشوير قريب وبوديك عند اهلك يومين .
ابو محمد / وين بتروحين … (خايف تعرس عليه )
ام محمد / ابروح لجهنم … هماني اقولك لا تسالني وين ابروح وين ابجي … وان عاد سمعت كلمة وين رايح منك … ترى والله مايردك الا بيت اهلك …. والا والله لاصك لك جار او ضر اعصر به قلبك .
ابو محمد / العذر والسموحه طال عمرتس … وش تبين اصلح لتس على الغدا طال عمرتس …
ام محمد / صلح سم … طرقع (لطخت بالباب وطلعت)؟؟؟؟
اتمني انكم تعايشتواا مع المواقف الى قريتوهااا
تقبلوا تحيات اخوكم / شــــواح
-
الاخ شواح الحمد لله ان الوضع على ماهو عليه والا نروح وطي ...
تحياتي لك على طرحك الجميل والمضحك ...
-
ما أدري وش أقول ...
بس ...
شـــكلها بايخه :D
تفتقر إلى اللوجيكال
تفتقر إلى الرياليستك
تفتقر إلى ثاني أكسيد الكربون
هذا رأيي الشخصي ولا يتحمل مضيف فيض الخواطر المسئوليه :D
-
ايوالله نعمه
السمن العرابي ايوالله نعمه الله يستر على رجولتنا
ولا كان انا ونت نسير على بعض
فصفص + شاي = حش
ثاني اكسيد الكربون الله احبه مع الرز خصوصا في رمضان
