قصيدة للشاعرالكبير سعد سلطان الجلعود بقصر عمه سعود الجلعود امير سميراء رحمه الله
[align=center]**
**
**
**
**
قصيدة للشاعرالكبير / سعد سلطان الجلعود العنزي بقصر عمه / سعود بن عبدالله الجلعود امير سميراء رحمه الله تعالى
[rams]http://smanalhrj.org/mlffat/files/1050.mp3[/rams]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
أنا عصر الخميس وليلة الجمعة طريقي وين=على كبري سميراء ماشي والنفس منصابه
على الكبري تهيض خاطري وانهل دمع العين=عيوني شافت القصر المربع طايحٍ بابه
عيوني شافت القصر المربع مدهل العانين=وتذكرت الليالي اللي بها المرحوم حيابه
ليالٍ سجل التاريخ عنها تعجب القارين=تسر اللي نوى درب المعالي لاتقدى به
مواقف عز لرجال عن دروب الردى نزهين=هلا الشيمة هلا المعروف للنوماس كسابه
الاياقصر ماتخبر وتنبينا عن الماضين=وليت القصر يعطي صورةٍ عن ماتهيابه
يبين للركاب اللى تزوره فوقه الشكلين=ابو جلعود يوم الناس قل فاتحٍ بابه
يهلي قبل عرف اللي يجيه وينطحه باللين=ويحط المنسف اللي كل جيعانٍ تعشى به
مناخ الجيش فوقه كبريٍ صمم على سيدين=وقصر مدلهين الضيف ماكنا سكنابه
مرابيعٍ تهدّم سورها مبنية بالطين=يصك الراس شوفه عقب ماكلٍ تذرى به
ذراها من رجال للمحازم بالفشق مالين=يردون العدا لوهم جموع تفتل أشنابه
يردون العدا ماساقوا الخاوة على العاصين=ولا يرضون يوخذ حقهم بالغصب ونهابه
ملاذ الخايف الهايف ملاذ الرجلي المسكين=عذاب الغاصب الناهب يطيح ويخلي ركابه
الايالله تديم ايامنا ايام الرخا واللين=تحت حكم آلسعود اللي حكم بالشرع وكتابه
واختمه بالصلاة وبالسلام وبالكلام الزين=على اللي سنته كل الخلايق له تقدى به[/poem][/align]
