يا حروف الشعر جيتك نخيتك يا الحروف طالبـك تكفيـن تكفيـن ليّـه تفزعـيـن
لابتي حقّـه عليّـه وانـا حقّـي اطـوف فـي مياديـن القوافـي وادوّر للثمـيـن
لابتي عزّه يشوفـه كفيـف ٍ مـا يشـوف الطنايـا و الطنايـا مــلاذ الخايفـيـن
زوبع اللي نظرته للسمـا دايـم تحـوف ما تناظر في طمـان ٍ ولا تنظـر بطيـن
لابتي زوبع هل الفعل مرويـن السيـوف كم شجاع ٍ من سيوفه سكن تحت الدفيـن
لابتي سيل ٍ يهـدّ الخشـوم اللـي تنـوف ربعي التومان ضدّه شكى الدنيـا حزيـن
واذكري عبده على شمس عدوانه كسـوف سحبها لاثار عجّ الرمـك تمطـر لعيـن
شابت الرضعان من فعلها وايضا الصروف يا سناعيس احترامـي عساكـم دايميـن
يا حروفي يا حروفي ترى الاسلم وقـوف لابتن فعله هـل المجـد رسّـوه ويبيـن
بالسيوف الحدب و الرمح و الخيل الشغوف اعتلوا منـزل ولا طـاح مجـد العالييـن
واللحيسه فخرنا فخرهم فخـر الضيـوف اشمخي يا هامة المجد شمـر حاضريـن
لابتن من ماضي الوقت شجعانه صفـوف ما يضيم الوقت شمـر و شمـر للسنيـن
لاهنت اخوي زاهي عز الله قصيده تسسلم فديتك لاهنت يالغالي
