السلام عليكم ورحمة الله وبركاته
[poem=font=",6,darkred,bold,normal" bkcolor="white" bkimage="" border="double,4,black" type=0 line=0 align=center use=ex num="0,black""]
جتني عقب ما صرت بالحب مجنون=جتني عقب ما صرت هايم ومفتون
جتني تجر اخطاه بالهون بالهون=عبدالعزيز اسمع ابعطيك كلمات
وفزيت واقف فرحتي غامرتني=فرحه جنون الحب هي شايلتني
حي الله اللي بالغلا مالكتني=انا الوفا من دون زيف الشعارات
قالت قطر هي موطني وانت عارف=قلت الله الله مهلكين العوارف
الزين موج وزينكم حيل جارف=يكسي حياتي بالفرح والمسرات
انا جفيت الناس لوهم على حق=واللي نصحني يا عزيّز تلاحق
عمرك وعمري إمني ما يستحق حق=عمري قضى بالويل همٍٍ وضيقات
انا صنعتك يا حياتي مناوي=وكنت انتظر روحك على الروح تاوي
شع الأمل في ظلمة الليل ضاوي=نشوة فرح ماذاقها زير حانات
انا رسمتك يوم انا فيك مغرم=طبعي انا بالحب لاطحت مجرم
في شرع حبّي هالخيانات تحرم=أشتاق لك والشوق يصحبه دمعات
قالت عطن فرصه وخلّن اعبّر=شوقي نطق ثم قال شاعرك عبّر
عنّك وعنّه بالجزيلات حبّر=مافيه من يملك مثل هالجزيلات
قالت انا بالحب.قلت اسكتي بس=انا الذي كني مع الحب في حبس
من مجمل الكلمات ريقي تيبّس=واصيغ لك من اروع احساس كلمات
حلفت لاتعب فكري اليوم باشعار=لأجلك جروح الروح مع دمعي الحار
تنْكفّ و انسى كل شيٍٍ معي صار=ياقوّ كرهي للجفيّا وصدّات
قالت يا عاشق قلت ياروح روحي=قالت لي إنسى قلت بانسى جروحي
صادق انا بالحب شوفيه بوحي؟=ابوح لك واسف اذا قلت زلاّت
قالت ياغالي منك ماشفت زله=قلت اقربي والقلب مابيه كله
اهديت لك قلبي وشوقه يهلّه=القلب لك غنّا بحلو العبارات
صغيرتي مابي عقب شوقها شوق=الشوق شوق الشوق لا صار مع شوق
يازينها مع شوق عاشق ومعشوق=معشوق مع شوقه اذا اشتاق بالذات
يجيك رايم يلفظ الشعر دايم=قايم وصايم بالغنادير هايم
عايم ببحرك عن ردى النفس شايم=ابطيت كايم هالمشاعر خفيّات
قالت انا باقول والقول له حول=مقفول باب القلب لازال مقفول
يهول لوّك تقدر تصول وتجول=مدلول اقوله فاتك اليوم مافات
وعقبه بدا مشروع نزحي عن الدرب=وقامت تحايل ماتبي مني القرب
وبيني وبينه ابتدت شعلة الحرب=والحرب معروفه بقبح الخيانات
بنتٍ هوت ياناس حب المظاهر=طبعه غدا مكشوف واضح وظاهر
دايم وهي بالطيب حيل اتّظاهر=غايات جاهل تحتوي له جهالات
اول كلامه قالت إنته صغيّر=ضحكت انا من كلمته يا صغيّر
سنْتين توّك تذكرينن صغيّر=سنتين عقب الحب والشوق واهات
كنت اندبه دايم بكلمة صغيره=عيشتها جو الحياة الصغيره
صغيرتي مافيه مثله صغيره=طبع الحياة تمرّ بأبشع محطات
وقامت تغيضن بالحكي وشانت الروح=وانابطبعي انسان واضح ومجروح
مشيتها لكن يزود الطنا فوح=زعلان لكن صرت زعلان بسكات
واخر كلامه يوم جت للكرامه=صارت هدامه والاحاسيس نامه
واشتعلت الطنيه براسي وقامه=وانا لك الله اشعل ابيات طنيات
يابنت فعلك حدد اليوم وضعك=شعري عجز يوصفك من شين طبعك
ضريتنا يا شين والشين نفعك=افضل طريقٍٍ لك كله متاهات
احقر بشر موجود يمشي على الارض=منّك خلي البال يشقى ويمرض
عيّدت والله يوم هو صد واعرض=لامات قولوا: (نبشّرك صاحبك مات)
واقولكم خلّوه لا تدفنونه=لا تكرمونه لأن هذي مهونه
بس اجدعوه ولا تصلون دونه=والموت قبله لازم يصير سكرات
قليل في حقّه دعاي ومناتي=تكرم عنَه بالقدر زين البناتي
وتكرم عنَه كل البشر في حياتي=حتى التي مابين ساحه وشاشات
ياناس والله مابها قلب واحساس=اهم شيٍٍ كشختك بين هالناس
مهمومةٍٍ همّه بلمعات الألماس=اتزيد مجروحٍٍ على الجرح ضيقات
وبه *** *** *** اقوله=*** *** *** رجوله
والذيب قوله مايخالف فعوله=هوله وماقلته إهانات بأبيات
بنتٍٍ على مجمول نقصه تفاخر=وانا بحر ما ثقّلتني بواخر
جنبه يحس بوزنه انسان ساخر=وجنبه قليلة أصل فاقت أميرات
متمرّسة بالكذب بالحيل بالحيل=ومتمرّسة في طبخة القول والقيل
خبله ولايق له خبولٍٍ مهابيل=ولاّ زمانه صار وقته ضلالات
يالله جنّبنا قلوبٍٍ حسوده=سوده يسوده حقد واللي يسوده
ونفسي على العليا شهد له شهوده=من طيّب الأفعال نملك شهادات
اقولها وانظر بعيني لروحي=ياساكنٍٍ حايل تراك إنت روحي
مجبور احبك يا مضمّد جروحي=حبيت روحك والمحبّه دلالات
ادللـك واهديك قلبي لحبّك=واعطيك روحٍٍ ما توانت تحبّك
منهْجك واضح مسلك العرف دربك=مثلك ينول العز والناس قامات
يازين شوفه دون أيّة تواصل=هذا الشرف ماكلّ مطلوب حاصل
نمشي ونمشي وبالقناعات ناصل=ولا ما إتّساوى كنوزنا والقناعات
ربّاه حلحيلٍٍ على زين الأخلاق=والله عطاه من الحلا كل مالاق
زينه على زين الغنادير دلاّق=ماهي من اللي تلتفت للتفاهات
لو أكتب الأشعار بأصعب قوافي=ما أمدحه والشعر ماهو بكافي
ومعروف عنّي إني انسان وافي=لابد تخليده بليّا كتابات
والحمد لله ماعصاني لساني=واللي نساني راحتي لانساني
ثوب السعد من يوم قفّى كساني=الموت فاله يعد بإعداد الأموات
الحمد لله ماترجّيت مخلوق=واللي يقول ان كل مطرود ملحوق
ماسوق رجلي للمقفين ماسوق=طرد المقفّي فيه جرح الكرامات
وأبختم القيفان بالحب للّي=لاشافني هو فز يمّي يهلّي
قصده غلا بالقلب ماهو تسّلي=للطيب ناسه وللمحبّه عفيفات[/poem]
