عدنا ..
والله ياعساف وماحلفت لك عبث اني استانس
لاشفت اسمك بقسم الشعر واني قبل لا ادخل
مستعد اراهن اي واحد انك جاي وتحمل معك شي
من ضرب الخيال او نص فخم يحمل من اللامعقول
ومن التفرد الشي الكثير .. وهذا مالانجده في كثير
من شعراء اليوم ..
عساف اعلم انك لاتحتاج لشهادة ريال الفسحه ولكن
من باب الفرح بهكذا نص لابد من قليل من الانصاف ..
اقتباس:
سولفتبك../.. ليـن ادمنـوك اصحابـي=لين عرفك ../. من لاسمعك../.. وشافك
واليوم../. وش عذري../. يااعزاحبابي=كان نشدوني ../.عن سماك../.اطيافـك
اخاف من عـذري لهـم.../. واسبابـي=ولا انت../. وغيابك../. حشى ماخافـك
ياخي وصفك للاشياء وتشبيهك واختيارك للكلمات شي
لايستطيعه غيرك ممن يجبر كسور بيته بكلمات لاتفي
بالمعنى واحيانا بلا معنى ..
ثلاث ابيات عن قصيده وخصوصا الشطر
اقتباس:
لين عرفك ../. من لاسمعك../.. وشافك
اقتباس:
رقى طيف../. يتحدى جفـى دمعتـي للعيـن=وانا اللي مدى اليومين.../. متكابـر السكـاب
شمالي../. واشوف الدمع للبنـت والمسكيـن=لو الهم يغرس ناب../. والدين يغـرس نـاب
ونعم بالشمالي ..
بيتين تغني عن قصايد
اقتباس:
ومن لحظة الحُمره ../. الى لحظتي ذا الحين=وانا لاقفلت ابواب../. طيفـك يفـك ابـواب
اداري ولكن ويـن../. انـا والمـدارا ويـن=مثل من كره ضيفـه.../. وكثرلـه الترحـاب
اي والله وين ..
تشبيهك هنا
اقتباس:
مثل من كره ضيفـه.../. وكثرلـه الترحـاب
ياسلام يابوطلال صح لسانك ..
اقتباس:
هلا فيك../. طيفٍ ضيف../.لك باسط الرمشين=نحرت الك دمعٍ../. في وريدي غدى ينسـاب
توجس مكانـك../. عقـب ماحـزه السكيـن=خلـوجٍ تمـر مراحـه اللـي غشـاه تـراب
مؤلم ياعساف ..
اقتباس:
هلافيك طرقي ليل../. فـي سكـة الساريـن=مضيفك حاتم../.كـان فـي ضيفتـك طـلاب
مضيفك../. شرع بـاب بيتـه قبـل عاميـن=عقب مافتقت رواق قلبـه../. برمـح غيـاب
معزبك../. ضيفٍ مـن تنـام الخلايـق ليـن=يذوب النـدى../. متعـزب البيـد والهبـاب
يصف القصايد../.(والرضم) رجـم للغاليـن=ولامر رجمـه../. كـود هـمٍ يسـن النـاب
صح لسانك
صح لسانك
عساف انت عن الجميع مختلف ..
عساف غيابك عننا الفتره الماضيه نبيك
تعوضنا بنصوصك المعتاده ...
وابشوفك بالركن الهادي هاليومين مبطين
عن غزلياتك :)
صح لسانك يابعدي والله لايهينك
يا
الغايب الحاضر ..
