الــــهــيــــاط .........! بـــخـــربـــهـــــا... قصيده للشاعر خالد القحطاني ..

الهياط :

ما ينفع الفقران كثر المهايط
لابد له يومٍ يكمل هياطه

لان الفقر صعبه فتوقه تخايط
يعني على الفقران يصعب خياطه

ولامن كثر حكي الخبل قل تلايط
و اخير من كثّار حكيه لياطه

كانه زعل يطق راسه بحايط
أما فهم و الا البلاطه بلاطه
------------------------------------------------------
بخربـــها:

ما صار بالضبط لك يومين مرضيني
خربتها ! ما أعجلك مسرع تخربها

لو إنك ناطر على الأقل يوميني
أرتاح و أجلس مع نفسي و أحاسبها

لكن ما ظنتي ما عاد يمديني
دامك علي تبحث الغلطه و تنسبها

غشيم وكنت أحسبك بالحيل تغليني
غلطه و نفسي حرام إني لأدبها

عشان لأنته و لا غيرك يعنيني
عقرب و جازت لعقرب من عقاربها

ماني بلعبه على كيفك تمشيني
و لاني مسيّب و لا نفسي مسيبها

وش لي بدربٍ على الذله يوديني
لا خير في لحيةٍ ذلت شواربها

بلقى بدالك ملايين و ملاييني
مدامني حي و أسعى في مناكبها

و مدام لي نفس تامرني و تنهيني
حرام للقى رفيقٍ ما يعذبها

قلبه علي لا جفيته ما يجافيني
و من طيب قلبه غدى للروح صاحبها

جعلك فداياه ياللي ما دانيني
ماخوذ و مجحود و ظنونك بخيبها

و عندي خبر بأنك عقب أيام بجيني
لكن تقـــلع و فـــارق قــــبل أخربها

أخي ناااصر


نقل جميل


مشكوووور هذه روااائع

يالله ان تحي اخوي سيف الدوله ارحب يالغلا لاهنت فديتك تسسسلم