-
% مسيار مشبوه %
علي وجه يقطع المطر
يالربع
انا منهذر
يعني لا تستغربون تشوفون بيوم ثلاث مواضيع
جتن الحاله
يمكن بعض مواضيعي ارد عليهن ما احسبهن لي من كثرهن
بصم الله على الفضل
الوكاد
كنت هكا اليوم اتمشمش بحدى حواري الرياض الشرقيه
لاحظو اني حددت
لان لو ما حددت تطلع منفوحه والغاله والفيصليه وخنشليله من احياء الرياض
وهذولي مستحيل اطبهن
الا مره ضيعت ما دريت الا انا بالفيصليه
ما ضربوني حيل
الوكاد ولا هذا حدا الزقرت
وهو يحلف ويقسم الا اسر عليهم بالاستراحه
قلت خلاص شوي وجايك
واروح البيت واخلص كم شغله واروح لاستراحتهم
وقبل اطق الباب ولا حديهم يقول اققققطع واخس يالناااقص
قال الثاني الناقص انت ياللي فيك ما يخطيك
ولا هذا حس خويي
قلت بس هذي فرصتك يا شبيثان
سو خير بعمرك لو مره وحده
ادخل عليهم هالحين
ويبون يشوفونك ويقصرون الشر
وانا ادخل عليهم قلت السلااااام عليكم
وهم يسكتون
قال خويي عليك السلام
تفضل
وانا ادخل واجلس
ويحط القدوع عندي واقوم اقدع
وتجوزلي التميره
وااااقدع
شوي وهم يقومون يراعون لبعض
وليه تراعي وماليه تراعي وهي تقبس
وهم يقومون خوياهم يفرقون
وانا جالس عند قدوعي
ويفرقونهم وهنا
وهي تغدي عفيسي بالدوانيه
ويسحبونهم خوياهم بالحوش
يالربع فضحتونا عند هالضيف
وانا للحين جالس بمحلي
وانا انقد على روحي
واقوم واقف عندهم وهم يتشاتمون
وكان الثاني قريب لي مهو خويي
وكان زعلااان ومولعتن اعصابوه
قلت هد اعصابك يالطيب خلوكم رجال وش هالعمل
وهو يلتفت لي يارجال
يوم شاف انوه انا وهو يلمخن هكا اللمخه ليمار العقال يتدربا
والشميغ طايحن بالقاع
والطاقيه متصاوغتن على اذني
وانا اخذ قشي واهرب
واقف عند الباب واصيح طول حسي
تذااااابحو تسانكم صادزين يالنااااقصين
عاد تصدقون اكثر شي غثن اني كثرت من القدوم ولا تقهويت
ارتفع معي السكر هذا غير الضغط ياملين الضغط
وتقلدوا تحيتي
-
هههههههههههههههههههههههههههههههههههههههه ههههههههههه
ههههههههههههههههههههههههههههههههههههههه
وقسسمن بالله اني كنت اقول يالله ماتقهوى على هالقدوع اللي أكله
بسم الله عليك مآشآء الله ههههههههههههههههههههههه
أومآ يوم تلم عفشك وتطلع ههههه
هههههههههههههههههههههههههههههههههههههههه هه
الله يآخذ بليسكـ
أحلى شئ الحآله اللي تجيكـ تنزل موآضيع ويجي ريآلووووه الشين يقولك بس
يازين الريآض يابو مآجد على كرهكم لهآ أحبهآ :d:
مدري ليه فيهآ شئ شآعري :d:
ميرسي للسآآآآآلوفه
وهـ بس
-
هذا اللي بيعمل خير ولا مرة بحياته
اكل القدوع وشرد
ههههه
خلهم يتخانقون يموتون حتى وش عليك فيهم اهم شي قدعت ياقدع خخخخخخ
-
ههههههههه
يالله حي خزيم الطيبه
انتي تشوفين ريال الفلس
اشر شي هو هههههههههههههههههه
قسم بالله اذا جتني الحاله ما يفكها معي الا وجهوه اللي تقل عجينه واطيه ديتس
والرياض ينور ليا جيتيه
بلاتس حنا اربع ساعه وعشرين نلف بوه
لاهنتي على هالمرور الطيب
وتقلدي تحيتي
-
بس يا صعوه القدوع صار على تسبدي ابي قهوووووووه
احس بحرقان خخخخخخخ
وتقلدي تحيتي
-
هههههههههههههههههه
تدري ليه تهاوشوا ..؟ لأنك جيت و جت القراده معك :biggrin:
بس ودي أعرف ليه كانوا يتهاوشون ؟!
.
.
-
نسيت اقول الحمدلله ع سلامتك
-
بالمختصر
عليتس شفايه تخرررع هههههههههههههههه
وانا وش مدريني وش عليه متهاوشين
ما حصلي احدر قدوعي تبيني اعرف السالفه خخخخخخخخخخخخخ
وتقلدي تحيتي
-
صعوه
يعني ما نسيتي الا احسن شي ههههههههههه
هالدعوه الطيبه ههههههههههه
وتقلدي تحيتي
-
الا يامسيار الوزا اجل مارتسبتهم الجنيه الا
يوم قسم الله انك تسج يمهم
<< فطنت على بعض الشباب في الماضي
ياعزمونا وغدو ابوانهم يدزمعون بهم وانت
رابض بينهم تقل مهدوف
