جوهـــــرة نجـــــــــد

هذه قصيده وصلتني اليوم ولا اعرف قائلها ولكنها جزله واحببت ان اشارك بها:
اسهر ومسهرني هوى لين العـود -- طفلٍ حرم عيني لذيذ المنامـــا

شكيت منه الحمر والبيض والسود-- وشقرٍ على الخصر المعزل تواما

وعكشٍ تشرع بالحجاجين وورود --- محاجرا تفضح رهيف اللثامــا

وعنقٍ مرق عن لبة الترف ونهود--- وخصرٍ هضيمٍ كن فيه الهيامــا

وردايفٍ منها فضا الثوب مشدود--- ليا مشى تطوي السلب للحزامـا

لا واه أنـــا مذبوح عمدٍ وجحود--يـذاه ما بيني وبينك مدامــا

وحياة من في رادتـــه هبت النود--انك جرحت اللي حنينه ارياما

ما حق يالطف الحشـا حب وصدود--- وعلام تسكت مـــا ترد السلامـا

كانك تبي تبرير للحب وشهـــود---انظـــر بعينك في دموع تهامــا

وحـــالٍ نحل من حبكم كنهالعود---ونفسٍ تصوم بغيــر نية اصيامــا

لا يا حبيبي ويش حدك علىالكـود---ماانت بعمى وشلون عنى تعامــا

ان كان منك العطف واللطف مفقود---ذبح المحب بغير ذنبٍ حرامــا

ياهاجري مافي اشرف الوصل منقود--عدني كماعودالولي لليتامـــا

بزـــارة تطلق من الحزن ممهود---في قلبي اللي لك بوسطه مقامـا

عليه تشهر سيف الألحــاظ مجرود--- وإليا تعطف لك علامك تسامــــا

وش ذنبه إلا انه بالأتعاس موعـود---في حبك اللي مـا قضاله مرامه

وبيت القصيد اللي من القلب مشيود---حرام ما يزهاه غيرك وسامــا

وشعر الغزل تزهـاه يا باشة الخود---يا فاضحٍ بالنور بدر التماما

لك الغلا يــا جوهرة نجد يا نجود---حوريةٍ من حبهــا ما يلامــــا

ابو علي ماشاء الله عليك من يوم حطو هالدبابه جمبك وانت كاويهم مشاركات ,,,,,,,
ما ادري هم عقب هالدبابه وش يبون يعطونك الله اعلم
يمكن بارجه او غواصه او حامله طائرات
...............
المهم القصيده حلوة جدا جدا ويا ريت نعرف منهو قائلها
وتقبل تحياتي ,,,,,,,,,

الاخ برزان

اشكر المتابعه الدائمه وتعليقك الحلو

بالنسبه للدبابه انا ما طلبتها, واعتقد ان اي مشترك يتجاوز

ال 100 مشاركه يحصل على دبابه

اعتقد اذا ما انا غلطان بعد ال 200 مشاركه يمكن احصل على

دله قهوه, او دبابه ثانيه الله اعلم

على كل حال انا مدهر فيكم والله يعين الجميع