ياراكـب اللـي مايـكـد المشـاويـر=ولا شال بـه راع المواشـي شعيـره
**
**
**
**
**
[align=center]هذه مساجله بين ابن زويبن وعبدالله بن عــــــــــــــــون
ً :[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
ياراكـب اللـي مايـكـد المشـاويـر=ولا شال بـه راع المواشـي شعيـره
مقاضي المنـزل لهـن موتـر ٍ غيـر=بالبايكـه . . مثـل السـلاح بجفيـره
موقفـه تقـديـر مـاهـو بتوفـيـر=وألليـا بـدا لـي لازم ٍ قمـت أديـره
أفحص على الماطور وأفحص على القير=وعلـى كفراتـه وجــودة سبـيـره
والليا أشتغل قامـت تهـدر المواصيـر=هديـر هـرش ٍ مرقـب ٍ لـه مديـره
شرشـوح ذود ٍ فيـه حيـل ومعاشيـر=يحدهـن عــن واديٍ فـيـه ذيــره
وينفـخ لهاتـه كنهـا دندنـة زيــر=يبـا يقـوي هيبتـه فــي هـديـره
ومع الخرايـم كـن عجـه معاصيـر=هـوج الريـاح العاتيـات المثـيـره
اللـي تطيـر بشـرة الارض تطييـر=لفحـة هواهـا مثـل لفـح السعـيـره
صيفيـة ٍ تشـوي نبـات العثامـيـر=القـاع ينشـف مـن هواهـا غديـره
يسـوق بقـش الباديـة والمظاهـيـر=مـن المظامـي . . للعـدود الغزيـره
يمشي من العـارض مقـر المشاهيـر=نطاحـة الكايـد صقـور الجـزيـره
والليا أنجلى وجه الدجى وأبصر الطيـر=وقـام يتـلـذع وأستـعـد لمطـيـره
يطلع من الديـره قبـل زحمـة السيـر=وينسف علـى يمنـاه قريـة عشيـره
يبتـل عـدال لملتقـى الوشـم بسديـر=يمم مغيـب الشمـس وجهـة مسيـره
ملفاه من يصرف له ( النعـم ) تكريـر=الليا حـل لـه بيـن الرياجيـل سيـره
عبـدالله النايـف سـداد الشواعـيـر=هـذاك يسنـد لــه و ذا يستشـيـره
الليـا أنهمـك بمحيـرات التفاكـيـر=لـولاه غالـي صابنـي منـه غيـره
يقطف بيوت الشعـر قطـف النواويـر=مـن وادي ٍ ماولعـت فـيـه نـيـره
نبـي نـزوره فـي مقـر المغاتـيـر=اللـي لياجاهـن تـريـح ضمـيـره
ماهـو بشـاوي ٍ يـربـي القراقـيـر=مايقنـي الا كـل وضحـى ً نظـيـره
ماهن هدايـا مـن مواطـن ولا أميـر=فوقهـن غيـر الحـلـق مستـديـره
أتلاد مـن وقـت العصـور المدابيـر=وعنـد القبايـل سامعتهـن شهـيـره
من دونها ( الروسان ) يـوم المغاويـر=ترخـي مصـارع كـل قبـاً ظهيـره
يناطـحـون مرملـيـن الغـنـاديـر=الليا جت بهـم صـم الحوافـر مغيـره
عقب الطمـع فيهـم تضيـق المعابيـر=ومن لا أمتنع منهـم يواجـه مصيـره
وتضوي على بيت تجيـه الخطاطيـر=على الجيوب الشهب مـن كـل ديـره
يجونـه الـزوار مـثـل المـداويـر=اللـي تلاشـوا بالسنـيـن الأخـيـره
وقت ٍ مضى فـوق المـوارد طوابيـر=كـل ٍ ينشـد عـن وسيمـة بعـيـره
ماعمرهـا باتـت دلالــه مهاجـيـر=مدهـل وملفـى للوجـيـه السفـيـره
والليا هرج خدر هـل الـذوق تخديـر=سوالفـه ذربــه ولاهــي كثـيـره
ماهو من اللـي هرجتـه مالهـا نيـر=تمل منها النـاس لـو هـي قصيـره
والليا كـرم مايذبـح إلا ولـد ضيـر=اللـي سنامـه نابـي ٍ عـن حصيـره
الطيب مـن شانـه كبـار المخاسيـر=صغار عنـد أهـل الحظـوظ الكبيـره
يصعب على الأنـذال لوهـم هواميـر=ويسهل على أهل الجود لوهـي فقيـره[/poem]
[align=center]
وجاء الرد بروعة ودماثة خلق أبو نايف الشاعر الكبير عبد الله بن عون :[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
بيـت ٍ شموخـه وإنتهاضـه ومبنـاه=يوصف على جال ٍ شمـال الرياضـي
متشهـل ٍ يوضـي علـى ماحـوالاه=بأكباسه اللـي فـي علاويـه تاضـي
الله يساعـد مـن يوالـي محـاضـاه=مايوم من كـض الرياجيـل غاضـي
دايم يكـض مـن الرياجيـل بمـلاه=كض الضمايا اللي تكـض الحياضـي
راعيـه حربيـاً عزمـنـا وجيـنـاه=جانا وقد جينـاه حاضـر وماضـي
الحربي اللـي تفعـل الطيـب يمنـاه=علـى دروب الطيـب يلظـاه لاظـي
دايـم يحاضيلـه مقـلـط ومقـهـاه=الله يساعـد مـن عليهـا يحـاضـي
ياما كلت صينيتـه مـن ولـد شـاه=وحيل ٍ على أشناق الشتاوي رباضـي
والجود ضلع ٍ يتعـب الرجـل مرقـاه=يصعب على اللي في عظامه شواضي
وأبن زويبـن يـوم رامـه وهـاواه=زاد أنتهاضه فـي حجـاه أنتهاضـي
فالماقـع اللـي ماحـد ٍ فيـه يشنـاه=عليه عـن نقـد الجميـع أحتفاضـي
واللـي دعانـي بالمديـح أتنـصـاه=صاحب أبنا ماهوب صاحب قضاضي
ورد الثنـا بينـي وبينـه مـجـازاه=ومن هاضه الفعل النبيـل إستهاضـي
حقه علـى أشهـر صفاتـه ومسعـاه=وحقي عليه إعن القصـور التغاضـي
وإن قيل (( شاعر حرب )) قلنا هو أياه=الشاعـر اللـي ماعليـه إعتراضـي
الشعـر ماينهـض عمـوده بلـيـاه=لولا وجوده صـار فيـه إنقراضـي
له منهج ٍ بالشعـر يصعـب مجـاراه=يخـض بحـر ٍ غبتـه ماتخـاضـي
ويطلع بمرجان البحر من تحـت مـاه=من مظلمـات ٍ مايجيهـا الخواضـي
من حلو راحلتـه ومـن حلـو معنـاه=بيته يجـي مليـان ماهـوب فاضـي
ولاهيـب تطلـع مفرداتـه أمنـايـاه=يصهر ذهبها لين تنجـض نجاضـي
يختار فالطيـب ويأخـذ مـن أعـلاه=ولاله بالاسواق الرخيصـة مقاضـي
طرايفـه مـثـل العـقـود المنـقـاه=اللي تعلـق فـي رقبـة الغضاضـي
ودي لـو أملـك قدرتـه واحــلالاه=وأشاركه لو كـان ماهـوب راضـي
مير أنفرد عنـا علـى متـن لهـلاه=ضلع ٍ ماشوف اعلاه غير متواضـي
لاشـك يكفينـي نـظـام المـبـاراه=ولو أنهزم عنـدي مرونـة رياضـي
ولولا إفتخات الشعر في كـل مجهـاه=ماحـط للشعـار نــادي عكـاظـي
ليا صار عد ٍ مـن ورد يمـه أسقـاه=ماهوب رسـن ٍ مابـه إلا الرماضـي
لـو شاورونـا فيـه كـان إنتخبنـاه=في وسط سوق عكلظ للشعـر قاضـي
شهـادة ٍ مابـي عليـهـا مكـافـاه=لله خـلاق السـمـاء والأراضــي
وهذي صفات الحربي اللـي عرفنـاه=واقي علومه مـن بيـاض البياضـي[/poem]
