قصيدة للأبطال سيف النماصي ورشيد الهمزاني ..!!
هذي قصيدة لأبطالنا الي ما قصرو ورموا أرواحهم بفم الموت , أرجوا أن يتقبلونه مني أنا أورنس بن عبد الله الشيحي الشمري
الله من جرحٍ بنفسي سطابها = نبّش دفاترها وفتّح كتابها.
جرحن قديمن من جروحن واجد= زوّد على النفس العليلة عذابها.
لون الحيايا زاهي ومتلوّن = والسم من تحت النقايش خرابها.
شمنا عن القول الردي مع توابعه = طير الفكر في فياض الجرح يلجابها.
يا راكبن جيبن تلاقف له البصر = جيبٍ كما مزنة قبلي سرابها.
حلّت على القاع المحيل الغابر = ومشت شعيبن من زمن ما جرابها.
صفت نفوسن من زمن ما تصافت = وخذت من عدول المحبة زهابها.
جيبن كما ضلعن يسمى بلابتي = ضلعن حشم كل الطنايا وجنابها.
ضلعن جويره ما يرد العاني = لا حل طار الطيب من له سوابها .
جيبن على الطولات دايم يرقى = دايم نفوس اهل الوفا يرقابها.
يا صاحبي خلك قريب وواعي = دوك الرسالة ودها لاصحابها.
من غير ظرفن أو كلامن فاضي = ولا دعاية تنحسب بحسابها.
لا امسى عليك الليل من دون ضوّها = خل السما تبرق وضوّه ضوابها.
خل اليماني مسندك ومرادك = وخلّك مع النسمة وجاوب جوابها.
واليا لمحت الضلع وقّف وصوّت = شمر بعال الصوت شمّر ذيابها.
وصل سلامي يم الاجواد وقلّهم = انتم نجوم الارض انتم سحابها.
إنتم إلا حل الكرب والمشقه = انتم شفا كبدن تخارش دوابها .
ثن التحيّة للشباب وقلّهم = نسل الطنايا فعولكم ينحكابها .
يوم ان كلّن واقف بجال خوفها = ( سيفٍ) غمد بالنفس لا ما درابها.
من قو قلب ومع زهادة نفسه = اقسم على الموت الحمر ما مشابها.
(سيف النماصي) بيض الله وجهك = فعلك فخرنا من قديم وشبابها.
عيال الأزمل عزوتي نفخر بك = وشمر تفاخر بالوفا ومن وفابها.
عند الله أبقى من كلام وقصيده = عند الله الوالي تلاقي جزابها.
منسى ولد عمي كريم المنبت = حفيد قومن من دخل احتمابها .
منسى ولد عمي رشيد الزامل = إلي طنا للجود يكمل نصابها.
افخر بكم وانا بعيد الموطن = ولالي معاكم بيعة ينشرابها .
انقذتو الأنثى و(شعري)بفعلكم = يا فخرنا وعين العدو ينعمابها
استغفر الله من قصيدن ناقص = والمعذرة كل القوافي لوابها .
الشاعر :
أورنس بن عبدالله الشيحي الشمري .
