سالفة طبّتي للديره ولبستي للكرفتّا ياعلّه ماعاده
شقا شقا
شقاوي
قبل لاانسى
ارس ياترس واعتدل ياملف:D :D >>>>> ابيكم تفطنون له
هالنوبه ابي اسولف لكم طبتي يم هالديره اللي يقاله العاصمه
بسم الله :( :( تجودا تجودا ياغويش
ماودي اطول عليكم اكالنهار يوم انا اشرب من زير الماء حدر الشجره المنكصمه
بالحوش وانا يطري علي اخونٍ لي متوضفِ بالفوج بالرياض يوم الكتب به كتب
معهم ، قلت انا ليه اروح يمّه تسّني راعي وصل ( مع الراتب الوصل له طعم:D :D )
والله وانا اركب عبري معي راعي فرت بالصندوق ( يعني بظهر الغماره فوق
___ خوش ترجمه )
واكالحين الدرب ردميه ماهو مزفلت تري سواقنا غشيم مثل حالتي ويوم شاف
له حصني بالليل من قرادته وهو يلف عليه وانا فوق بالصندوق ولاحسيت
بروحي الا انا بالقاع تقل جنّي ___ تري الخبيل|513| السواق لف عليه على
غفله وانا جيت محضّر :confused: :confused: وانا اتكصّم وتصير حالتي حاله
وهي تشقق هدومي ( ثوب صيني وانتم بكرامهونعول امهات ديك انقطعت
حديهن من وقعتي )
المهم وصلنا للبطحاء بالرياض وهم يودونن لي طبيب وهو يرتسي علي
بالكالبره اللي عقبه دلّيت ابكي واجاوب لي وغد بشنقي من حر الوجع
:eek: :eek: والطبيب خبل احسبه يبي يرحمن يامني بكيت ____ لكن الظاهر
انه تسافر ماهو مسلم مابقلبه رحمه .
يوم اني طلعت منه قلت مالي الا اشتري لي هدوم ابي انذخ عند هل الرياض
والله وانا امر لي اكالمحل وانا اشري لي بنطلون وكرفتا على شان يحسبوني
متمدّن ( يعني لبناني:D :D )
لكن البلاوالله بريحتي والصبغه اللي بينه من
شكلي __ لاوازيدكم من الشعر بيت شعري يخرّع تقل ليفة مواعين .
المهم لبست الماخوذات وقلت له ودّن خشم العان ابي الفوج حق حريسان
اخوان بدوى وهو ياخذ مني ربطة اكالفلوس الوريقة الحمراء
ويوم وقفنا عند اقرب خيمه وانا احول والجو كان هواء مرّه وانا اصك الباب على
شان يمشي تريني صكّيت على طرف الماخوذه الكرفتّا ( غميضة الكشخه:D :D )
وهو يمشي الهندي وانا طير بجنبه وانا ادلّي اظرب الباب من وجع الملويه اللي
غالتن وهن يغدن عيوني اربع|51| |510|
ولاسمع صياحي الا هناك عقب نصف كيلو يمكن
والملعون قضب بريك حما حيله والله وانا جيلك محضّر على المراه الجانبيه وانا
اشلعه معي .
وهي تجيني الذهانه قلت ابي اتميوت اغديه يسامحن بثمن المراه :D :D
بس بي لي بلا مادري وشهو اللي ماودعن اكمّل ذهانتي ( الملوي البنطلون
من حدر مشقوق من ضربتي للكفر واستحيت قلت هالبدو اللي مثلي اهل الحيمه
يضحكون علي ويقولن هذا من عيال الحظر ولايداني صافريه .
وهي تجيني الطنيه وانا اقول ابي المّخ الهندي وانا ااضربه بلي رمه مع
وجنته اليمني والله ولاحس به وهو ياخذ الرضمه من القاع الملعون وهو يعقد
ناضره علي:mad: :mad:
وهي يجي يبي يخطف طرف الكرفتا والله يوم شفته هلون وانا عض الكرفتا
بسنوني وانا اهج:D :D _________ ياروح مابعدتس روح
وعلى ماقفيت من عنده ماوعيت بروحي الا من باتسر بوسط الخيمه يارويسي
معصوب وهذا اخوي بجنبي يسمي علي ويحمد الله على السلامه .ويسقينن
لي حلتيته وعنزروت وبعض اداوي البدو اللي انتم تخبرونه وجغيمة ماء
اكيد عرفتوا الملعون وشهو عمل بي:D :D ____مايحتاج اقول وافشّل روحي
ومن هالكيوم وانا مااداني الرياض ولاالهنود ولااللموزينات
ولا التمدّن والكرفتا حقت اللبنانييين ( تريني خبيل احسب مايلبسه الا هم تري
كل هالعالم يلبسه ):D :D معلومه تسان فيه احد جاهل وغشيم مثلي الله
لايهينن
شقا شقا
شقاوي
سامحونن على البطا بس والله زويّان لاوين بطني من الجوع والفقر :( :(
ارس ياترس واعتدل ياملف
شقاوي يادنيا البلاوي
