[poem=font="Traditional Arabic,7,white,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
الليل والقمراء وشعري وذكراك=ها الاربعه سوت بفكري هوايل
أتخيلك جالس يميني بيمناك=وأقرى بعينك من قصيدي رسايل
تضحك00يفتح زاهي الورد بشفاك=تقوم00غصن الموز قام يتمايل
تمشي00عيني يالغضي تتبع خطاك=والريح فوق الخصر تعمل عمايل
ليلٍ غشى متنك00وبدرٍ محياك=عينك دخيل ألله فيها قبايل
أمر00تدلل00كل ماتطلبه جاك=لو كلفه شوفك نجوم القوايل
قلبي على درب الهوى العذب خاواك=ما أرضى بدالك بالمحبه بدايل
أللي تحب أحب00وأعدائي أعداك=ماني على كثر المعادين سأيل
ياجعل قلبٍ ما أنتخى لجل عيناك=يفنى وتضرب في حماته مثايل
يفداك يابنت الاجاويد يفداك=قلبٍ عطيته بنت عز وحمايل
وش خانته00لو دق نبضه بلياك=مثل الشعر00عن غير ذكرك هزايل
يكفي؟؟تعالي00مل شعري بفرقاك=أيامنا والعمر لوطال زايل
هذي يميني00تسألك وين يمناك=ضمي يميني وأحرقي بي شعايل
والليل والقمراء وشعري وذكراك=تستقبلك بالشوق والشك زايل
[/poem]
