قصيدة موجهة الى أحد الاخوة أثر موقف حصل:-
يا مرسلٍ عبرالفضاء عـدة أبيـات ******وصلت ولولا الذبذبـة مـا تجينـا
ولولا الموبايل واتحـاد اتصـالات *******يصعـب عليكـم مدهـا باليميـنـا
ما هو ردى فيكم ولاقـل حيـلات******* لكن ظروف الوقـت مثـل الكمينـا
ترىالوفاء ماهو رسايل وضحكات *********وكانه رسايـل يـا ولـد ماوفينـا
حنا وفانا يا أبيض الوجـه وقفـات *********في ساعـة الشـدات تلقـى حدينـا
خوينـا يلقـى السعـد والكرامـات *********بقلوبنـا قـدره قــدر والديـنـا
سلومنا يا صاح مبطـي عريبـات********** وبأيماننـا مـا مالـت الكفتيـنـا
يا ما على شانك طويت المسافـات********** وأرخصت لك مـا يملكنـه أيدينـا
مالي على وصلك مقاصد وغايـات **********كود الحقوق اللـي عليهـا اهتدينـا
ولاني ولد عفـن علومـه كبيـرات ********ومن الـردى ياذيـب حالـه بدينـا
لاش ليـا جيتـه يوريـك صـدات **********ويسهـج مواجيبـك لعيـن الجنينـا
حنا بني وايل مثل ضلـع أبانـات ***********تاريخنـا ماهـو يـكـاد ويبيـنـا
يشهد لنا الماضي والاحياء والاموات **********ولاضرنا مجهـول يجهـل علينـا
حنا الوفاء وأهل العطا والزعامـات ***********وياكـم قـوم بظلـنـا مهتنيـنـا
أقولهـا والقـول مـا وده اثبـات ************تذكـيـر والتذكـيـر للغافليـنـا
00000000000000000000000000000000000000000000000000 000
ودمتم
