مرثيه للشاااعر محمد مناحي الربـع
بسم الله الرحمن الرحيم
اهلا وسهلا بكم احبتي رواااد مضايفنا العزيزه
اعجبتني مرئيت الشااعر محمد مناحي الربع في رثااائه اعمامنا الراحلان عن الدنيا الباقين في اذهاننا دائما وابدا
لله درك ابو مناحي
وصح الله لساانك
والاصيل يجيب النواادر
واسال الله بمنه وكرمه وجوده وعطائه ان يرحمهم وسجعل مثواهم الجنه
.
.
.
يامال فرقا العين ياعبرة العين
من حر مابه تذرف الدمع شلال
راحو هل العليا عن الدار مقفين
نجم رحل واتبع رحيله بالهلال
(المحمدين)ويجهش الدمع بالعين
وشلون ابرثي غيبت العم والخال
الله يعين مصاب كل الفريقين
مصيبةً تكسر ظهرصم الجبال
ياقبر جوك الطيبين الكريمين
ارفق عليهم من صواديف الاهوال
وين انت وينك ياطليق الحجاجين
وينك يابومثقال ضاقت بنا الحال
وين انت وينك يافقيد المصلين
الي ليامنه سجد للولي طال
عز الله انك درة للدواوين
وستر العجوز الي قضى عنها المال
يكفيك يالمرحوم حب الملايين
وعلومك الي تنقله كل الاجيال
يبكي عليك المسجد وطاعة الدين
ويبكونك التومان رجال رجال
وتبكي عليك المرجله والقوانين
مع السلامه جعلك بخير منزال
وصفر الدلال الي من اول وهالحين
ياحلو عقب الفجر من يدك فنجال
ريف الضعيف وفزعة للمساكين
بيتك لعصمان الاشانيب مدهال
اسمك نحطه للسوالف عناوين
لاقلت قالوا حي والله من قال
المرجله تمشي معك بالشرايين
يابو اليتامى والارامل والاطفال
جيتك بعرعر قبل موتك بيومين
اسودت الدنيا وشوفك برى حال
ماهي بيدنا ياطويل الذراعين
لو هي حميا كل ربعي لكل ظلال
خفف مصاب الحزن جمع المعزين
جتنا الوفود الي تعنت من اميال
رحلت من دار الفنا للبساتبن
ابيض فعل وابيض وجه يابومثقال
سلم على الي جنب قبرك بمترين
خويك الي راح قبلك على الجال
النادر الي مالقينا له اثنين
ابوسند زين الطبايع والامثال
محبوب عند الله وعند البعيدين
وربعه على شوفه يسوقون الاموال
مرحوم يانسل الرجال الفطينين
الي على هامات الامجاد يختال
حكم القدر مال الاوادم بها شين
رحلت منا وانت قبل امس رحال
مع فزعت التومان بالعسر واللين
من طلعتك وانت المراجل لك عقال
درع نواجه بك من الناس صفين
سيف نسله لاحكى كل بطال
اتذكرك من يوم بيتك من الطين
بوجه الخلايق دايمً سمح الاقبال
لله درك يازبون الضغيفين
يامحمد المطلق غيابك لنا طال
ما نساك لو مرت على موتك سنين
ما انت بحي الله واحد راح يالخال
طيب حليم وقاسي للمعادين
الين من الديباج كريم الافعال
ليث الرجال الي يعدل الموازين
المبتسم لو كانت احواله احوال
قلت الكلام الي به الناس دارين
هذا الصحيح ولا تصنعت الاحوال
الطير لامنه فقد له جناحين
(وقع)وحنا فاقدين لنا رجال
والخاتمه ادعو معي قولو امين
ان الولي يحسن خواتيم الاعمال
الله يبيح دروبكم يالفقيدين
مامات من خلى ورى ظهره عيال
