السلام وعليكم ورحمة الله وبركاته
سلخير جميعاً
:
:
:
قدر الله علي وكشتنا خميس من الخميسات
تذبذبت مشاعري بالحزن والفرح >> بغت تصير قسيدة
المهم اجتمعت الوفود على كشته قريبه حوالي 50 كيلو برى المنطقة
بالعافيه طلعوا .. وببرود شديد
رحنا ..المهم
شفت ناس تحوم التسبد http://www.yesmeenah.com/smiles/smil...05b0801aa8.gif
كل واحد ووحده معهم لاب توب
والوغدان معهم سي بي سي (سوني)
والوغدان الاصغر منهم قيم بوي
والي مامعه شي.. جوال اموه ولا اخوة ولا وحدة من القاعدين
وبين يديهم كريم واقي عن الشمس بقوة 60% >> الشهاب والسواد موجود مستحيل يروح
وكل واحد قاضبن مكانه يمال الغنيمه قوموا تحركوا احطبوا >> لازم تشب ولا مايصير طلعة بر
وحنا على الغداء فيه بنات كثيرات حامت كبدهم من الذبان اولهم حصيصه
تقول ماما الذبانات وعااااات مره ياااارب ينقرضن مثل الديناصورات
قلت(سنة ذباب ولاسنة غراب)
واختي تقول يووووه ليت معنا فليت
وأنا ماعجبني الوضع قلت حماده احطب وشب النار وسووا القهوة عجل ياابوي
وتلتفت علي وحده تقول انتي ام ..انتي مرة أبوو
قلت لية يابعدي
انتي قاسية
قلت روحي تكفين ..:qannaj:
وانا اربط عباتي واسوي رابطه وغدان وعلى راسهم انا >>http://www.yesmeenah.com/smiles/smil...ort%20(12).gifهلالي هلااااالي
رايحه جايه معهم من اول الشعيب احتطاب وتفلسف وهياط عليهم
اوريهم جحور الديبان والجراذية و ورويهم القرقاس وحميض (مرشدة براويه) :)
ونشب الضوء واسوي شاهي وقهوة واوسع صدري
ونلعب كورة http://www.yesmeenah.com/smiles/smiles/2/013.gif وحبشه >> سويت جو للوغدان
والا الباقي مااااااااااش
وحده زعلة تبي المسلسل التركي وقاعدة بالسيارة اضراب
والثانية تلحق الخنافس والقعوس تصورهن وتقول ياربيييييييييييه >>ذكرت خزخز
والثالثة تبرد اظافرها
والرابعه تهاوش ليش غداكم لحم بعير ليش مو ستيك دجاج متى تطورون؟>> جاعت وكلت بسكوت ابو ميزان
والحريم الكبار عايشات جوو يصفقن ويهيجنن >>يالبيي قليباتهن
والشباب (طلاب جامعة سعود)ودي بعصا على كل واحد
تبطح وسوالف خاته وتاأأأففف الي يقول حر ولي يقول لا برد
ودهم يشبون فيني بها النار الي مولعتها>> ماجزت لهم
المهم الرحلة ماكملت ثلاث ساعات من طلعتنا من باب البيت الى رجعتنا
مايستفاد من القطعه >> أبلة مطالعة
1) ياتروح مع شياب ولا لا تطلع >> عاشوا الشيبان
2) ماتاخذ الجيل التالي >> ماصلين ويكدرون الجوو
3)العجز والوغدان هم الفرحين بالكشته
4) شب ضوء وتهيض وقل قصيده لو خربوطه
5) وهي الاهم اخواني الأعزاء طلع امك زوجتك اختك وغدان البيت ترى طلعت البر ترد الروح وتوسع الصدر وتكسب اجر بفرحتهم
البر بريرة والغثاء في الديره
صور من الكشته
لزوم البربسه مايخلونها
http://file13.9q9q.net/img/54498227/----.jpg
تتمشى وتتفقد الرعيه >> شفايه وربي
يحلم بالسواقه
7
7
7
لقطه اخيرة قطعت قلبي
:za3lan:
؛
؛
لحظه ماقلت شي وقفوا لاتروحون وتخلوني
حصيصه من الرحله وهي تقول ماما انا صايدة شي بس بخليه مفاجاءة
تتوقعون وشو
فكرو
فكرو
فكرو
الي يجاوب له بطاقه شحن ام ريال
احجار كبار وحاطتها بشنطتها
تصبحون على خير ودوام سبت ممتع
