عازف الفرقا

تدري وش اللي يقتل النفس يافلان

لاصرت صدق تحب قلب يخونك

لاصرت له وافي وهو صار خوان

وخليت لجله ناس كانوا يبونك

الموت ماهو لا أنقتل شخص وانسان

الموت لامات الوفا في عيونك

صدقت قولك يومك تقول ولهان

وأبحرت في حبك وروعة شجونك

ليه الجفا ياعزوتي وليه الاحزان

وشلون تخدع قلبي اللي يصونك

ياعازف الفرقا أبي تعزف ألحان

تعزف لموت الصدق تعلن جنونك

ياعاذلي ماني على الحب شفقان

هذي حياتي عشتها بك ودونك

الحب كذبه مرت بكل الازمان

والعذر منك كان خابت ظنونك

يالوحة لو رحت بتروح الالوان

وتروح روحك مع جروحي ولونك

وتدري وش اللي هزني صدق يافلان

شوفي لدمع البعد يجرح عيونك

ناصر بن عبدالله العقيلي

¤
¤
وتدري وش اللي هزني صدق يافلان ،،،، شوفي لدمع البعد يجرح عيونك
‏^‏
‏^‏
شموخ شمالية ،،
اسمحي لي أهنيك على ذائقتك الراقية في اختيار القصائد الرائعة !

صح لسانك ولسان الشاعر ناصر العقيلي

دائما متميزة شموخ ، حتى في نقلك

احترامات كبيرات لك

أخوي,,, صلفيق
أسعد الله صباحك,,
وشكـــــــــــــرآ من القلب ع المرور ,,,
والصراحه رايك يعني لي الشي الكثير
فاأنتم اهل الخبره
ونحن مازلنا في بداية الطريق ,,,,,,

تشكرااااااات

.



الموت ماهو لا أنقتل شخص وانسان

الموت لامات الوفا في عيونك








شموخ شماليه



ابيات جميله وجزل



اختيار روووووعه


وكلك ذوق


وصح لسان الشاعر

الاستاذ... عبدالله الجعيثن
الاجمل مرورك ,,, وربي يسلمك

سعدت بتواجدكــــــ

ليه الجفا ياعزوتي وليه الاحزان

وشلون تخدع قلبي اللي يصونك

ياعازف الفرقا أبي تعزف ألحان

تعزف لموت الصدق تعلن جنونك



شموخ شماليه





تسلم يمناك لاعدمناك


على الابيات الجميله


واهنيك على الذائقه الراقيه


والله يوفق الجميع