محاكاة عبدالله الباتع لـ أحد قصائد الشاعر الأمير خالد الفيصل
هذا القصيده لـ ابوي عبدالله بن حماد الباتع
وهي قصيده محاكاة للـ شاعر الامير خالد الفيصل
يقول
البارحه ليلي سهر والنوم عيا له سؤال
وين الخوي قبل الطريق ليه انت غيرت المسار
قلت العفو نوب الامر يرفض عليا الارتجال
زود على الحظ الردي نوب يعز الاختيار
ولا انا خي السفر نجما تلالا بالشمال
ابرك لحملي وارتكي وبرج النعايم لي مدار
انقش على الصم الصخر واجلس مجاليس الرجال
امثال ابو ماجد سعد شيهان عطبه لـ استدار
واليا التواء خربه خمر وايقن هلاكه لامحال
ياعنك عقبه ماذكر منهن سليم فز طار
الريش في جوه نثر والدم تغشاه الرمال
والي فتن منهن حرام شقه على عظم الفقار
هذا خويي وافتخر والحزم من هاك الجبال
ياجفني غمض وارجهن الليل يقفاه النهار
والوسم يبقى بالجمر وبـ ارقاب حلاوة الدلال
والسيل يزبد والزبد يصبح هشيم بلا قرار
واختم كلامي بالشكر والحمدلله ذو الجلال
بـ اول كلامي واخره صلوا على سيد البرار
وسـلامتكم ..
اخوكم / حماد الباتع
