[align=center]بسم الله الرحمن الرحيم [/align]
[align=center]
السلام عليكم ورحمة الله وبركاته
سعدت بانضمامي لمنتدى مضايف شمر فهم أهلاً للمضايف وأهلاً للكرم وأهلاً لطيب الأخوة وقبلهالي معهم أخوة من عرفته منهم على النقى والكرم وحسن الأخوة فكان إن دعوة من أحد كرماءحائل على أثر من بيني وبينه أخوة وجيرة وطيب رأس وقو ساس
فكانت هذهِ القصيدة لحائل وأهل حائل وخوتهم وكرمهم وذكر لطيب الممدود منهم لنا ومنا لهم على تعدد أشكاله في القسى واللين أرجو أن يكون لي بها بداية تشرفي بالانضمام لمنتداكم وأعذروا قصوري فيم قصرت به وعلى الخير نبقى ونلتقي وللجميع المحبةوالتقدير.
[/align]
سلام يا حـا يـل وطـراف حايـل = جبه ومـا حـالا لهـا مـن حلاهـا
سلام يا حايـل سـلام القـوا يـل = وألا سـلام الحاتمـي فـي حجاهـا
سـلام يـا حايـل وللفعـل أوايـل = بـرزان وألا حبـهـا وعشقـهـا
سـلام يـا شيخانهـا والعـوايـل = روس الرجال اللـي تعـد وجهاهـا
سلام يـا قـدح الكـرم فالفتـا يـل = ألا سـلام إسـلام حتـى نسـاهـا
ما يعقمن مـن شـرات الجـدا يـل = بيض العفاف اللي تجيـب عقداهـا
سلام يا حايل ويـا ضلـع حـا يـل = وسـلام يـا مـن ساكنيـن قراهـا
سلام من رأس العتيبـي مثـا يـل = مثـا يـل تعلـن لـكـم مبتـداهـا
يا معزب الضيفان يا با التهـا يـل = على الكرم بذيتـه أقصـى خفاهـا
أيديـك ماتعطـي حريـر أو زلايـل = ألا يـز غتـر دمهـا مـن يداهـا
صلفٍ على ما تحتميها الجمـا يـل = وأنته ومـن مثلـك يوثـق عراهـا
على مشا ريف الكرامات صـا يـل = يا طير شلـوا مـا تجـازا علاهـا
يا علي يا علـي ألعبيـدي دلا يـل = نـار الكرامـة فيـك وش ملتقاهـا
سلام يـا راع الـدلال الحضـا يـل = شبيت فيهـا النـار نـارك ورهـا
سلام جينـا نستخيـل المخـا يـل = وسحابـة القيفـان يبـرق سماهـا
يا حاتمي الأصل والفصل طـا يـل = أقصاك مثـل أدنـاك هـذه جزاهـا
نفسٍ تشوم إلك المراجل رسـا يـل = لضلع أجاء والضلع سلمـى سناهـا
حاتم يخايلكم أليـا جـت مخـا يـل = ويشوفكم فـي هقوتـن لـه هقاهـا
فيكم على نار الكرامـة صمـا يـل = ومجالسٍ كبـر البيـوت إن بناهـا
بنايها يـدري إن والأمـر هـا يـل = يا من يناحي شمـر ومـن تهاهـا
أول نبأهـم لطراقـي هــلا يــل = وضحكة حجاجٍ جم من جم مـا هـا
من سبّع الأرض العروق النو ايـل = على الكرم وأعي بها مـن وعاهـا
شمر عـزاز مبعديـن الزحـا يـل = يا قوا فـي نـار الشبوبـة لضاهـا
شمر أليـا جـت كلهـا للفعـا يـل = يـا نعنبوهـا كلمـةٍ مـا نحماهـا
نقولهـا ونطولهـا مـا نمـا يــل = على أيش أجل قاف العتيبي شعاهـا
على أيش قيفـان البيـوت أتمايـل = يا هل العقال المايـل اللـي زهاهـا
رؤوس يميّـل فعلهـا لثقـا يــل = يثقل بها التاريـخ لا مـن رواهـا
شمـر ولتاريـخ شمـر نـزا يـل = في صفحة التاريخ صفحـه شراهـا
أبن رشيد وصفحتينـن عـد ايـل = وإيضاء بعد لـه صفحتينـن قراهـا
أمسطـر ينـه ميبسيـن البـلايـل = فعـل علـى مـد الدهـور يتباهـى
الحـق حـق ولتواريـخ فـا يـل = ملـف أكبـر مـن ليـالٍ سـراهـا
تدفع له الجزيـة ولشعـر قـا يـل = مخلـد يقـول الكايـده مـا كناهـا
وربعي وأنا من ربعي أنقاء الجزايل = مـال الجـزال الا جـزال سواهـا
ربعي أليا صرت صريـر المحايـل = ودارت محال الوقـت يكبـر عياهـا
على العياء سم وتطـم الطمـا يـل = يا ويل مـن دارت عليهـم رحاهـا
عتبـه الهيـلا تهيـل و تهـا يـل = الخيـل لليـوم السقطـري غذاهـا
ألنا من الماضي فعـول عـزا يـل = وشيخاننا في نجـد تـردع عداهـا
يوم أنها لمـزار قـات الـولا يـل = ويل علـى مـن هامهـا وأحتراهـا
ربعي عتيبة يا صـدوق الـد بايـل = رؤؤس الرماح اللي تقاطـر دماهـا
إلنا ثمان وسـت والعـد هـا يـل = وزدها ثمان وست ووثـق حزاهـا
زد هـا سبـع للعـد لكلـت كايـل = وزدها عشـر وموثقيـن أوثقاهـا
على ولد هنـدي صقيـل الصقايـل = شيخ الشيوخ اللـي تبـذ خصماهـا
محمـد محمـد وذكـر الفضـا يـل = يمنـاً يصافحهـا ويمنـاً عصاهـا
ترعـى ذراه أمشمـولات الشمايـل = شـم البكـار ومحتميـن أدخلاهـا
دخيلنا تمض ألسنه مـا يسـا يـل = عنه الخصيم أيعاف طبـت حماهـا
و شهرين من عقب ألسنه ونتحايـل = حشمة رضا وجهـه بعينـه يراهـا
دخيلنا تضلـل عليـه الضـلا يـل = في دايـج ألفيـه همومـه نساهـا
هذي لحال ومن ورهـا طـوا يـل = سلـم ويمشـي بزحـل لقطـراهـا
لوجيت أعـدد فـا لفعـول الأوايـل = يا طول خطوة قافـي اللـي مشاهـا
من دون قصر في عمـوم القبايـل = ومنـازلٍ لضيـف يكثـر قـراهـا
الحضر والبـد وان فيهـم حصايـل = ومن حصل الجزلـة لأبـده ذراهـا
وقتٍ مضى يـوم إعتكـام الحبايـل = يوم الموارد موتهـا فـي ورداهـا
قدام يضفي حكـم لـم الشمـا يـل = حكم الأمـان ألـي بحكمـه صفاهـا
عبد العزيز النصرت الحـق طايـل = جمـع طوارفهـا وجــود بنـاهـا
دولة هل العوجاء زحـال الزحايـل = الله يديـم أمانهـا فـي ضفـا هـا
في ضلها نمشي خوان أوخـلا يـل = نعمه عسى الله مـا يغيـر ذراهـا
ألنا بحا ضرهـا قسـومٍ جـلا يـل = فينا عيـوب خمـس عـد أذكراهـا
خوينـا يبـرى لنـا ومتطـا يــل = ونقدمـه فـي خطوتـه لا خطاهـا
خوينا يفخـر بنـا فـا لحمـا يـل = نأخذ من الفزعـة قسـوم أومراهـا
والجار تطـرب جيرتـه فالخصايـل = خصا يل فـي جيرتـه وش عباهـا
تجري ليالـي جيرتـه ومتفـا يـل = وأن شد عبـار العيـون أعبراهـا
ولضيف نجدع شانقة كـل حـا يـل = حيل الحـلال اللـي كبـار شراهـا
وكيف يقدم قدمهـا الكيـف دا يـل = صفر الـدلال اللـي تفـوع أبراهـا
لا صبهـا الصبـاب فيهـا غوايـل = يغول ريـح الهيـل حبـة أذراهـا
فعلٍ يثبت فعـل مـا هـوب تحايـل = ويا زين حا يل كلهـا مـع نباااهـا
لا بعـد حـي الحيـا والمحـا يـل = وألا عزاويهـا وسمـرة غنـاهـا
ويا وقت أنا راسي لراسي عقا يـل = ولا غلـت أيدينـي بحلقـي جباهـا
مـا جابـت أيدينـي تبـد القلايـل = ومن زارني في فزعتي مـا شناهـا
لي منزلٍ ما هوب عن الضيف غا يل = تلقاني الضيفـان حـروت عشاهـا
وخاوية من جزلين الارياء فصايـل = فصايـلٍ للجـود يحـرص علاهـا
خاويت أبو ماجد عريب السـلا يـل = اللي علـى نفسـي بطيبـه رفاهـا
زد قلتها أنك عنـدي مـن الاوايـل = عندي يا بو ماجـد حيـاة وطراهـا
يا زين لا سجيـت معـك المسايـل = يـم النفـود اللـي يتنـادى ثراهـا
غب المطر ما ني عن الخبر سا يـل = أعرفك يا وجه الصخـى وشعرهـا
أشهد شهادة حق يا با الشهـا يـل = إنك حضيـت الخـوة اللـي تباهـا
أنا خويـك لا زعلـوك الزعـا يـل = خلان وقـت المصلحـة وعرفاهـا
وأخوك يا زارع عيونـي بـدا يـل = عن غربلتهـا لا استـدارت قفاهـا
ويا معـزبٍ جيتـك بنظـم المثايـل = أحـلا لنـا ميصـال مثلـك دواهـا
جيتك معي مدري مع أبا الر حايـل = رحـل الجنـاب لنيـةٍ لـه نواهـا
أدري بخاطر خوته ويش شـا يـل = ومـا يشتهيـه لخاطـره مشتهاهـا
نفسي على ما يستوي لـه تخايـل = من بنيت الطيـب يهبهـب شذاهـا
هبوب كرميـن الوجيـه الأصايـل = وعلي بالثنتين مـا خلـف هواهـا
طب الكبود أليا بدا الحمـل مـا يـل = وزين النباء فـي هرجتـه لعطاهـا
يعطيك درس أخوتـه بـا الحفايـل = دايـم وحجانـه تضاحـك لقـاهـا
حمود يا حمود السعد كيف قـا يـل = من عاين المـر زم لعينـه رقاهـا
دايم وعينـه فـوق وأف الخصايـل = وما همته دنيـاه ويـش اعتراهـا
والمال يهل المال بالحيـل عـا يـل = يـروح ليديـن البخيـل وعمـاهـا
وألا حمـود لمـال الأوراد زايــل = يا شركة البتـرول زيـدي عساهـا
تنا حي الوافـي عشيـر الضوايـل = في مجلسه عرف الرجـال يتراهـا
أقلـط وتلقـى للوسايـل وسـايـل = وسايـل الطيـب علـى الله غناهـا
عانه على روس الطويلات جا يـل = مع درب أوبوه وخطوته ما غواهـا
غيره عسى تبطي تـدول الدوايـل = في رفقته واللـي زرعهـا جناهـا
له منصب القيمـة ثقيـل الشوايـل = عفيف عن سقـط العلـوم وغثاهـا
للجار عينه با لصخى والهمـا يـل = ولضيـف كبـده لا تهلـل نقـاهـا
وتمت وتم القاف يـا ضلـع حايـل = وشمر بعد حيك على أيش تحداهـا
حديتهـم لقصـا المراجـل قوايـل = وفازوا بها اللـي مبعديـن مداهـا
وفزنا بسمعة لا طمـت كـل عايـل = وفـازوا بسمعـة طنيهـا وكرماهـا
إن جيت أتم القاف قـام أيتهـا يـل = شاعـر وقيفـان القصيـد أيعناهـا
نبأكـم إلنـا بالمحـبـة دلا يــل = وقلوب تدعي أقلوب فـي محتواهـا
وصلاة ربـي عـد وبـل المخايـل = على النبي المصطفـى مـن تهاهـا
محمد بن صنهات بن عـتـّيـق العتيبي
26/1/1430هـ 25/1/2009م
