[align=center]
السلام عليكم ورحمة الله وبركاته
احب الفله كثر كرهي للأختبارات ـــــــــــــــــــ واكره الفله كثر حبي للأختبارات !!
والله يالكم وحشه :406r:
بس عزائي الوحيد ان الفله ماشاءالله على نفس منهاجه الاول طرح جميل ومواضيع شيقه واسماء جديده :)
بس عن اذنكم ابي شبيثان بكلمة راس :mad:
ابو ماجد الا على طاري ماجد مبروك فوز النصر والوعد الاثنين :wink_2:
بس تعال باخر موضوع لي تقول ان مصيول يتغلى بكتاباته :(
ولو هي جايتن من غيرك عزالله اني مشيته بس منك ماني مشيه <<<< كيفي توي اشوفه !
والله يابو ماجد مالي اسبوع افتكيت من الاختبارات ومنه على طول للنفود :)
يعني والله لاهي تغلي ولاشي بس بعض الظروف العابره اضافه الى اني ماني انترنتي من الدرجه الاولى !
ارجع لموضوعي ــــــــــــــــــــ اولـ شين وين جوزيف ؟؟
اشوف رموز الفله بدأو يتساقطون كأوراق الشجر بالخريف بعز الربيع !
ومن قبله الفسحولي ـــــــــــ لكن عزائنا بك يابو ماجد
وثاني شي ــــــــــــــــ ليه تشفرون الفله !؟؟
ادري السرقات كثار بس مايعطيكم الحق تشفرون الفله !
ماباقي الاتقولون بكرا الفله بأشتراكات:tongue:
اذا الـ art يفتحه الدريم بوكس ــــــــــــــ الفله وشو اللي يبي يفتحه :)
بس ان جيتو للحق ان حطينا الفله بأشتراك والله يانبي نطلع ذهب :thumb:
بحسبه سريعه الاعضاء على خبري 21 الف وفوقه خرده :)
يعني لو كل عضو يشترك بخمسه ريال و 300 ريال خدمه :)
تسان تشوفون ابو ماجد بالنصر مثل منصور البلوي بالاتحاد :)
طيب وابو سلطان بيصير مثل من :surprised
عز حالي لريال الفسحه هاللي من تجوري ابو سلطان لصرة الشبث :)
هذا وهو تشفير بس ــــــــــــــــــ اجل لونسدح الفله للأكتتاب العام !!!
لي يوم قابلت ابو سلطان على التيس بوك !
ونسيت اسأله وش عندك :) ـــــــــــــــ ولمح لي انه يبي يسدح الفله للأكتتاب !
الوكاد مالكم بالطويله ـــــــــــــــــــ ابو سلطان يقول بدال مانعني الاعضاء وعجزنا العضوات ماحنا ماخلين الاكتتاب بالبنك !!
اوقف يامصيول على بوابة المضايف وعندك الاشتراكات :biggrin:
ومن عقبه تعالو دورو مصيول عاد على التيس بوك !!
اخذ لجوء سياسي بموقع موزمبيق الرسمي وابن امه يقرب لي :100r:
اضغاث احلام :puzzled:
يبي لي اسبوعين الحق على المواضيع اللي فاتتن بس كأني مالمحت زول ابو طروق ويوسف والفسحولي !
وماشاءالله ابو عارف وابوضاري وشبيثان تبرق الصفحه الاولى بكتاباتهم :thumb:
والوعد دزدام :7ayyoh:
[/align]
