ناسٍ تغزّ أرواحها كنّها وين
[align=center]**
**
**
**
**
**
**
**
**
**
**
**
[poem=font="simplified arabic,5,black,bold,normal" bkcolor="white" bkimage="" border="none,4,gray" type=0 line=0 align=center use=ex num="0,black"]
أنخاك يادنياي وأنتي تنخّين = أغليك وأنتي عاقلة ومخبولة
أغليك وأنتي قبل ألإقبال تقفين = خدعة سرابٍ ماش حيٍ يطوله
لك ضحكةٍ فيها بعضهم غريرين = كم جردتهم من صفات الرجولة؟
وكم سافلت بأولاد ناسٍ عزيزين= بعد القمم حتى السهل ما تنوله
وكم طيّشت ناسٍ من العز عا رين = بالمال لو هو نعلةٍ من نعوله
تكرم لحاكم يا لرجال الحشيمين = تكرم لحاكم عن خبيث العمولة
أقصد هيوس الحين واللي هكالحين = أنذال نسل أنذال لو صفقوا له
ناسٍ تغزّ أرواحها كنّها وين = عند الولايم صولةٍ له وجولة
هاك المظاهر .. ياعرب جوهره شين = ماحللت ماحرمت لو حكوا له
يقبل بوجهينٍ ويقفي بوجهين = ما يعترف بالجار وإبن الحمولة
عندي على ما قول صك وبراهين = عندي وصافين الضما ير تقوله
إن ألردي ما يستوي والكريمين = ألا براقه يستوي مع رحوله
دنيا بها كثر الدنا والدنيين = توسعت بعض الوجيه الخجولة
كنا عرب نبحث قضية فلسطين = قلب ونوايا طيبات وبطولة
وصرنا عرب لاشك صرنا بقلبين = قلبٍ صحيح وقلب شانت فعوله
ودام الشعار الرمز : نخلة وسيفين = انا بخير ودولتي عز دولة[/poem]
كلمات الشاعر : مطلق البخيتان [/align]
