المشاركة الأصلية كتبت بواسطة الشبث
يالربع تسيف الحال
:7ayyoh:بخير
مرتن من السنين كنت زايرن واحدن من الاخوان بالمستشفى
وانا طالع منوه وانا اقابل خوين لي مبطي عنوه
راعي واجب
يالله حيوووووه يا هلااا يا مرحباااااا
انا الله حق حسيت الرجال يبي شي
وسوالف وعلوم
يوم بغيت اروح قلت تامر شي توصي شي
قال ايوالله
قال والله فيه عندنا مريض ونبي له تبرع بالدم ( ضربن على الجرح )
عآآآآآآآدي ياخي تبرع :)
قلت ابشر للعن بليس ملعون الصلايب
وحنا نروح لبنك الدم ركض ( لاحظو ان فزعتي حاره )
وهم يقوسون دمي
ويلقونوه يلمع من نظافتوه
ماشالله اكيد شارب كلوركس
وهم يبطوني بالابره مع يدي يابعد يدي
( الممرض حط الابره ومشا والله العالم انوه نساني وبلاني وخلاني )
ويملون لهم حنفيه يالربع
:puzzled:حنفيــــــــــــــة
يوم شلع ابرتوه ابو الشباب وانا اقوم
قال الدكتور تحس بدوخه
قلت ليه حامل يا حبت عيني هه هه هه
ههههههههههههههههههههههههههههه انشالله بنية
يابوي اي دوخه واي خرابيط
قال اقول اقعد بالصاله لا تدقس علينا
والله وانا اروح اجلس بالصاله ارضاء للجمهور الغفير
وخويي راح برا ويبي يجي
وانا جالس اتلفت ولا فيه اي مشكله
يوم خذيت هناااااك ولا هذا خويي داخلن مع الباب
وانا اقوم اراعي لوه واتبسم
وهو يتبسم
وشوي
وهو يسرب الشوف
ويحول بيني وبين خويي حايل
و...
و...
مدري صراحه
ماوعيت الا وهم غازينن كرعاني ورافعينهن فووووووق
وثوبي وفنيلتي تحت
ورويسي يتدودل وغرضاني وعفشي اللي بمخابيي بالقاع
والناس اللي حولي تركض
والممرضات لهن صياح
مااااااااااااااااااابي مووووووووووت صديق
بابا مابي موووووووت
ودكتور ينتف شوشتوه بلوه زاويه يوصيح اويلي وش هاللي جاب هالمصيبه لنا
وعامل نظافه مدري وش دخلوه يضرب نفسوه بالمكنسه
وخويي واقفن عند الباب يتقبل العزاء ( شكلوه يدوره دوره )
وانا اصيح خلوووووووووووووني
واشوى وقومون
الحمدلله ع السلآآآآآآآآآآآآآآآآمه
ويتسالمون على بعضهم
والدكتور يركض تقل مسجل هدف
وعامل النظافه يسوي كذا
مدري شلون اقول لكم
الوكاد فكن الله ولا بغيت اروح من امس
افيه
هذا الموضوع علشانك ياللي طلبتوووووووه هههههههه
:a:ياربيـــــــه لازم اعرف منهو
وتقلدوا تحيتي
