.... // { خيانة صديـــق } // ....
[ALIGN=CENTER][TABLE1="width:70%;background-color:black;"][CELL="filter:;"][ALIGN=center]
بسم الله الرحمن الرحيم
http://www.belchfire.net/screenshots...quil_Night.jpg
ما كانت الهقوه .. تجي صدمتـي فيـك
ما كنت أظنك .. ناوي(ن) لي خديعـه
أثرك تفرح .. لا اشمتوا بي وانا ارجيك
تحمي قفاي .. اليـا حكـوا بالهزيعـه
يا صاحبي باشكي .. لربـي يجازيـك
بسواتك اللي .. ما رضتهـا الشريعـه
يا صاحبي كيـف .. الليالـي تنسيَـك
والا الردى يا صاحبي .. لـك طبيعـه
أنـا وفـي .. ولا كسـرت بهقاويـك
بياض وجهـي .. حافظـه مـا أبيعـه
أرفـع مقامـي .. وأتجنـب مماشيـك
ما أرضى الهوان .. وعيشتي بالطليعه
ما ني عدو(ن) .. لك ولا ني معاديـك
وماني رفيق(ن) .. لك وعقلي بأطيعـه
يا هيه انـا رافقـت .. ليلـي بأخليـك
مع ربعك اللـي .. يعشقـون النزيعـه
يا صاحبي يا ليـل .. جيتـك مناديـك
زابنك انا .. وخطـاي يمـك سريعـه
أبغى سهيلك .. بأشتكـي لـه واسليـك
وأسامر نجومـك .. وقاعـي وسيعـه
يا ليل ما أقشر .. خوتك كيف اجافيـك
انت اسود(ن) .. وسهيل ما ابعد لميعـه
يا ما حلا صبحي .. اليا أجلا تجنيـَك
وسهيل مقفي .. مورث(ن) لي ربيعـه
يا خاين الخوه .. عسـى الله يجازيـك
بسواتك اللي .. ما رضتهـا الشريعـه
..
..
..
عبدالعزيز الوادي ..
[/ALIGN][/CELL][/TABLE1][/ALIGN]
