عرض للطباعة
فاطري خبي خبيب ٍ بروجاني
وأعذابك وان طرا خلــــــي عليّه
عل يفدا فاطري ولد الهدانــــي
عل يفدا فاطري مزعل خــــــــويّه
وان تردت فاطري والليل جاني
يا هلي حطوا على قبري بنـــــيّه
حالف ما انسى وليف ما نساني
كود بدوان العرب تنسى النســيّه
او يروح الجدي لسهيل اليماني
أو يحدر ظلم يم الجندلــــــــــــيّة
غصن موز ناعم بارض طمـــــان
\nدونها الحيطان وغروس قــــــــويّه
من نشدني قلت مانيب دعجاني
من يمش الوسم من خد المطيّه
واهني اللي يسوقون السواني
يشربون الما وانا كبدي ظــــميّه
انا اشهد انك جبتها سمينه يا فلاح وهيجت شي بنفسي
وقلت :
[poet font="Arial,24,white,normal,normal" bkcolor="" bkimage="" border="outset,0,gray" type=3 line=200% align=center use=sp char="" num="0,black"]
عل يفدا فاطرك مزعل خويه
وعل ابوه النارماهو مرجلاني
كيف ابنسى صاحب مثل الحنيه
يوصل بفعله ولوبالموت جاني
ليلة قشرا حلم فيها برويه
قال مزعلني وبنص الليل جاني
قلت نم وارقد وعيني لك وطيه
لي داك الله ولك الله هداني
[/poet]
ترا ماني شاعر لكنها خاطرة عابره , وعندي سؤال لو سمحت
الشاعر الدعجاني هل هو شمري ومنين الله لا يهينك ؟:)
اخي المنتصر
عزا الله انك ماقصرت وردك اكثر من جزل لا وهذا ونت ماعليك وضو :) ليست بخاطره بل ابيات جميله من انسان جميل
والشاعر الدعجاني هو عتيبي الاصل على مااظن ان لم يكن تشابه اسماء
وانا ترن اطقطق بالشعر بس قلت احاول ارد عليك
ولك مني التحيه
اخوك فلاح السعد
[poet font="Simplified Arabic,14,white,normal,normal" bkcolor="" bkimage="" border="double,4,gray" type=0 line200% align=center use=sp char="" num="0,black"]
ردك اللي هاجني يوم ضحويه=فز قلبي يوم خطك هو لفاني
قلت اكيد انه مولع في بنيه=عمرها سته وفوقه له ثماني
او يحب من الصبايا غشمريه=من يلومه لو فداها بالغواني
تستحق ومن يلومه بالغضيه=جعل يسحر والسحر من هالعماني
[/poet]
الله يسامحك يا خوي فلاح احييت ميت وجبت شي ظنيت اني نسيته من زمان
[poet font="Simplified Arabic,24,burlywood,normal,normal" bkcolor="" bkimage="" border="double,4,gray" type=0 line=200% align=center use=sp char="" num="0,black"]
يا فلاح الله واكبر يا هنيه
من يشوفه عقب ذاك الوصل ثاني
راح عني وبالوصل عيا عليه
الله واكبر ما اظنه مودماني
يا فلاح السحر بعيون البنيه
والهدب لاسلمت سهم وجاني
عقب عشر سنين يا هي منك سيه
جددت الجرح في قلب يعاني
[/poet]
الله يسامحك مره ثانية
مااظن يا منتصر جبت الرديه
وكانها جتني عسى الله هو خذاني
ونيتي والله بريه هي بريه
وكانني كاذب عسى الله هو عماني
والمعذره لاني ماشي هالحين للضروره :)
تحياتي لك
اخوك فلاح السعد
[poet font="Simplified Arabic,20,white,normal,normal" bkcolor="" bkimage="" border="outset,4,gray" type=0 line=200% align=center use=sp char="" num="0,black"]
صفحتك عندي ترى والله بريه
ماهو ذنبك هذا ذنب اللي رماني
كلمتك طيبه وهي اجمل هديه
حافظك رب على ذكره هداني
والصلاة اختم بها ذكر لنبيه
مرشد الثقلين من انس وجان
[/poet]
الله حافظك ومع السلامه