وش فايـدة [قـمة اشوفـك وشفـني] كيبوردية
بالأمـس ماغـمّضـت بالـلـيـل جفني = بـيـّتـت افـكر في صـور شعـب مذبـوح
حـرب الإبـاده من مـنامي خـطفـني = ألـف آدمي مـابــيـن مـيـّـت ومجــروح
وغِرْقتْ ببحرالضيم والحزن سفني = وتـكــســـرت ولابــقــي مــنّـها لـوح
والـقهـر والإحـساس بالـظـلم يـَفَـني = ويـقــتل بـنـي آدم ويـتـلـف لــه الـروح
واشعر كأن الجيش الاعمى قصفني = وامـسـيـت أنادي وانـتخي القوم وآنوح
لكن واويـــــــلاه محــــدٍ نـصـفـني = كل من طلـبـت معـونـته قال لي روح!
وش فايـدة (قـمة اشـوفـك وشـفـني) = لـو كـنـت حـاكم: لا آتـعـنى ولا روح
مادام مـــافي واحــد يْــرد ( لـفـني) = يـبقى ســؤال الأمـس لـلـيوم مطـروح
واخـوي بالإرهـاب مـعهـا وصفـني = وعينه ترى دمي على الأرض مسفوح
لومه عـلى قــوة صـمودي ضعـفني = يـقـول ضـربك لـلعدو غـيـر مـسـموح
وآقــول لـه ياعـــبــد شـارون كِفني = شـرّك وإظهِـرْ لي حـقـيـقـتـك بوضوح
ثـمْ قُـــول تـيــار العــماله جــرفـني = والـريحه العـفـنـه من جــيـوبي تـفـوح
الشـعـب في غـزه من أول عـرفـني = أكـبـر مجاهـد0وانـت ماغــير (000)
تضحك مع الـلي راد قـتـلي ودفـني = وتعـتـب عـلي لـما أصارحك وآآآبـوح
