-
يانفس
معاتبة للنفس الطيبه واللينه اكثر من اللازم :
عسى ان تحوز على رضاكم واستحسانكم......
يانفس لنتي واستهنتي وهنتي*** واظن لين القاع ما جود العود
الوقت علم ناس وانتي هو انتي *** الوقت فيه ارصاد وسبور وقعود
الوضع خانك ما وفا يوم صنتي *** نامي على امراح العرب وارجي الزود
عطاك كرت احمر وسجل بلنتي *** والحظ اظنه باول الشوط مطرود
هذا طحينك والهمي ماطحنتي *** ولا تزعلين اليا بدا الدرب مسدودr
وشوفي عجاج الوقت قوض مقنتي *** قام يتعقد بالسماء تقل لبود
وخلفه تلوح بروق دهم تعنتي *** قامت تصلخ بالبرد ناسها سجود
الله يعوضني عقب ما اندفنتي *** ويهب خنياب الحيا وتلعب النود
يانفس كنتي داينه واستدنتي *** والوضع مايقبل كفالات وقصود
تجاملين فلان هو والفلنتي *** ثم تدمحين العوج واضنت لك لهود
اجني عروق الحنظله يوم زنتي ***وشمي من الموت الحمر ملح بارود
في منهج الايام يوم امتحنتي *** عقب التعب حشتي رسوب ومنقود
كل يقول اليوم يانفس منتي *** لكنها كلمه ومن ونها حدود
الطيب له زنتي وصنتي وكنتي *** واليوم ما ينفعك طيب ولا جود
ابا اعلن الافلاس عقب انسجنتي *** وابا ارفع الشكوى على خير معبود
وكانك على رحمة وليك مكنتي *** يزول عن دربك عجاج كما الطود
وســـــلامـــــتـــــكـــــــم ......
-
الوضع خانك ما وفا يوم صنتي *** نامي على امراح العرب وارجي الزود
عطاك كرت احمر وسجل بلنتي *** والحظ اظنه باول الشوط مطرود
تجاملين فلان هو والفلنتي *** ثم تدمحين العوج واضنت لك لهود
اجني عروق الحنظله يوم زنتي ***وشمي من الموت الحمر ملح بارود
الطيب له زنتي وصنتي وكنتي *** واليوم ما ينفعك طيب ولا جود
ابا اعلن الافلاس عقب انسجنتي *** وابا ارفع الشكوى على خير معبود
بداية قوية \n
وصدق بالأحساس
وهدوء من خلال جرس القصيدة
كله يدل على شاعر قد تميز
( ونثبتها لصدقها وسلاستها )
وننتظر المزيد اخوي وياهلا
-
هداج
صح لسانك
اخوك 000 فيصل اللويش
-
شقا
شقا
شقاوي
يادنيا البلاوي
بعدي والله لك قصيده حلوه ومثمّنه بالحيل
شقا شقا
شقاوي يادنيا البلاوي
-
الاخ هداج
صح لسانك
عساك على القوة
اخوكم الحربي
-
وكانك على رحمة وليك مكنتي *** يزول عن دربك عجاج كما الطود
صح السانك ولا هنت
اشهد ان هالقصيده من شاعر واي شاعر
نحن بانتظار القادم.
القطب الشمالي
-
أخوي ( هداج )
صح لسانك ، صح لسانك
قصيدة متميزة ورائعة
وقافية نادري ومتمكنة
لا عدمناك
وعلىالمحبة ,,,
-
تسلم لنا اخي هداج
صح لسانك
ولا تحرمنا من تواجدك
دمت لنا اخا
-
الاخ هداج
صح لسانك
وتذكر دوماً اننــــــــــــــــــــــــــا
[moveup]بانتظارك[/moveup]
تحياتي لك
اخوك فلاح السعد
-
صــح بدن الجميع
صح بدنكم اخواني كل من: براك الفريسي و فيصل اللويش والشقاوي والحربي
والقطب الشمالي والعذب وفلاح السعيد وصح بدن المشرف العام ...وشكرا على
الاطراء ....
وانا واحد منكم .... واخو لكم صغير ...وانا .وماعندي يفداكم ....وشكرا على تشجيعكم
وترحيبكم ...وهذا يجعلني دائما ابحث لكم عن الجديد والممتع..
وشكرا لكم مرة اخرى,,,,,,,,
اخوكم / هــــــــداج
